تجمع للمسافرات لماليزيا صيف 2009

[أشبـاهـ المطـر]

بنات بليييز انا ودي بماليزيا او نمسا سوال لو اروح مع بنتي بكون عمرها 6 شهوور ينفع ؟؟؟؟
منو راح مع ياهل بهالعمر ؟؟؟

 

[ميس الورد والشوق]

وضح النقا

شلوووووونج

اي عادي اخذيهاااا

بس تحملي بجيها وانج ماتقدرين تتمشين من النهااار ليما الليل
لان حلات معدله نومج

تقعدين مجبر وفرااره وتمشي من مكان لي مكان
اما اذا معااج بنتج

ماااااااادري الجاهل يتعب وبجي

بس اذا انتي خلاص لج نيه تاخذينها اخذيها

وانصحج بمااااااليزيا

 

[عمشه المنتفشه]

بنات ماقلتولي اكو فندق بالسطح ياجر حمام سباحه برايفت اي فندق ؟؟؟؟

 

[براءة الدنيا]

السلام عليكم أنا الحين فى ماليزيا فى جزيرة بيننغ اليوم وصلنا بس الدنيا صاكة فينى أولدى طاح مريض فية ربو دورت فى صيدليتهم ادوية الربو ارفضوا بس عطونى الأدول يقولى راجعى المستشفى ما ادرى أشلون اقضى باقى الأيام أنا طبعى يضيق خلق على أولدى رحنا عن خاطرهم لسوق الليل خايس لا تروحون لة البضاعة الى فية ما تستاهل الروحة انا مرتبطة بعائلتى ولا كان رديت

 

[براءة الدنيا]

ترى انا ام براءة الدنيا

 

[براءة الدنيا]

انا اليوم سهرانة انا وحبيبى الصغير الحين الساعة 11 مساء أبونا يقول بكرة بنودى الشابات للحدائق والمول تحسفتب ما رحت تركيا احسن من ماليزيا يمكن حكمت عليها بالفشل مبكر انا ما شفت العاصمة اخر شئ بنروح لها بس قبلها جزيرة لنكاوى رابطة السانى قصب عند زوجى اذا تكلمت بحذفنى بالبحر ما لومة على الحجوزات الى مسويها من ضيقت الخلق اتكلم ما ادرى من اكلم الكل بيقول انا لو مكانك فرحانة وانا العكس الله يعين ادرى طولت عليكم وانتم خواتى والله هذا احساسى

 

[أم محمد40]

انا ألحين فى تايم سكوير مآخذه سووويت وهو فندق وفيه مجمع من 6 أدوار عجيييييييييب

رحت تاونا جاين تاون -السوق الصينى - وما عجبنى واايد ومريت على شارع العرب وتعشيت فيه وباجر بروح رحلة حق - صن واى لوغن -
والحمد لله كلشى تمام
وانا بنفسى أحط البرنامج اليومى من متابعتى لموقع المسافرون العرب وانصحكم فيه مفيد جدااااااااااااااا
وبالتوفيق ،،،

 

[شيخة الحلوة]

براءة الدنيا ما يشوف شر ولدج

وشربيه ماي مقري فيه
واقري علهي المعذات
وانتي امه ادعيله الله يشافيه
وبالعكس ياقلبي
ماليزيا اتينن

والله استمتعي فيها
انا امي تقوللي
احلى شي بماليزيا
لنقاوي
امي تحب الطبيعه واااااااااااااايد
فديتها


وكواللمبور
اللللللللللللللللللله يا كوالالمبور
وقولي ماقالت شيوووخ


الاسواق شي مو طبيعي
والتمشي

والمطاعم
ونااااااااااااااااااااسه


عسا الله يهنيكم
واستانسي عشان بناتج
يستانسون
انا اذا شفت امي ضايق خلقها مااستانس

وام محمد

عليكم بالعافية ياقلبي

وسلميلي على ماليزيا

ههههههههههههههههههههههه

لا تطوفكم عندهم مثل الفطاير اللي تكون مالحة حلوة
جنها العجفة الملفوفة
على دائرة
لذيذة يمي يمي

وفي بتايم سكوير
مطعم دومي
حلو حيل



عسا الله يهنيكم
وتردون بالسلامة
وتستانسون هناك يارب

 

[براءة الدنيا]

شيوخه حبيبتي مشكوووووورة على الرد رفعتي معنوياتي هههه

ابشرج اليوم وديت ولدي العيادة اللي بالفندق و عطاه أدوية و إن شاء الله يتحسن يا رب كانوا بيحولونه المستشفى بس الحمد الله ما خليناه ههه لأنهم خايفين من الإنفنونزة اليديدة
بس تصدقين إهنيه كل شئ بحسابه ما يعطدون شئ زايد يخافون على المرضى مو نفسنا بالكويت كل شئ إخذيه دبله جنهم يعطونج الدوا حق سنتين يدام وعشان ما تيينهم مرة ثانية بس إهنيه الإبرة ما يعطونها لج إلا بوصفة
و تسلمين ما تقصرين
و إن شاء الله يتحسن ولدي

 

[maryam_q8]

براءه شلون وليدج
اذا معاه حساسية بصدره عطيه زيرتك بالليل

 

[maryam_q8]

انا ألحين فى تايم سكوير مآخذه سووويت وهو فندق وفيه مجمع من 6 أدوار عجيييييييييب

رحت تاونا جاين تاون -السوق الصينى - وما عجبنى واايد ومريت على شارع العرب وتعشيت فيه وباجر بروح رحلة حق - صن واى لوغن -
والحمد لله كلشى تمام
وانا بنفسى أحط البرنامج اليومى من متابعتى لموقع المسافرون العرب وانصحكم فيه مفيد جدااااااااااااااا
وبالتوفيق ،،،

شنو شريتي ام محمد من السوق

 

[براءة الدنيا]

الحمد لله احسن بوايد مشكورة حبيبتى

 

[maryam_q8]

جم الوقت عندكم الحين

 

[أم محمد40]

ما افتتحت مشترياتى أولها إلا فى السوق الصينى

بلايز حلوه وجواتى لا بأس بها.... اما الباقى ما عجبنى تعرفوون التقليد ....!! وانا ما يعجبنى اى شىء@@

المجمعات رحت مجمع سوريا والتونز تمشيت فيه كله ماركات وبصراحة ما توقعت ماليزيا جذى فى اشياء غالية بس اتفرج عليها وتونى مازرت

باقى المجمعات وزوجى كل يقولى انتظرى لما نروح تايلند ارخص وااايد بس انا ما فينى صبر هههههههه

ورحنا صن واى لوغن اليوم طلعنا من س10 ص ورجعنا س 5 م بس انا ما تسبحت الجو ما يساعد كلش بس مناظر تهبل وطبيعه حلووه


"

الوقت هم سابقينا 5 ساعات تقريبا


"


فاصل ونواصل

محدثتكم أم محمد من كوالا ...

وما يشوف شر ولدج يا الغالية واستمتعى بباقى الايام

 

[maryam_q8]

احنا بانتظارج ام محمد

 

[نووووونا]

ام راءه ما يشوف شر ولدج


واذا صار زين ان شاءالله استمتعى ترا عندنا درجه الحراره على السياره وبالظل 53 ومووووت حر

وغبار صج ديرتنا ونحبها بس مدامج رحتى تونسى وونسى عيالج ,,

الله يسهل عليكم

ام محمد بانتظار اخبارج ,,

 

[SG409]

انا انشالله بسافر ماليزيا بس عندي كم سؤال وياليت تساعدوني....
تصلح البس عبايه لان زوجي ذبحني الا البس عبايه ونا مو مقتنعه اخاف اتضايق وهو بالنهايه قال كيفج؟ويقولون خلي التسوق آخر شي اشلون مو الطياره لازم تنزل كولالمبور واهي مركز الاسواق بعدها اروح المناطق الترفيهيه يعني اشلون اخلي التسوق آخر شي,,,,هل برجعه اقعد ب كولالمبور مره ثانيه.....

 

[براءة الدنيا]

صباح الخير نجد اشكرك على اهتمامك:tek:

هلا ام محمد 40 تسلمين يالغالية:hjy5jewf:

اليوم الجو ما شاء الله عجيب فى جزيرة بيننغ المطر امس واليوم غيم يا حبيبتى الكويت اعتقد اندفنت من الغبار:0bee2e8d89:

والله ما الوم البنات لو قالوا انهمم طلع عليهم وزن فى المطار من الجواتى عجيبة ورخيصة امس بنتى شرت حذاء عجيب بكم تعتقدون 14 رنج والله يصلح للعيد اخذتة من البلازا

 

[شيخة الحلوة]

عليكم بالعافية
وعسا الله يبشرج بالخير يا براءة الدنيا مثل ما بشريتيني وريحتيني

 

[maryam_q8]

براءة شلونج حبيبتي انشالله استمتعتوا بالرحلة ماكتشفتوا اماكن سياحية وسوقه يديدة
لقيتي شي حق العيد حق البنوتات وحقنا بعد مافي شي كشخه حق العيد