بنات سوو الجدول حسب اهتماماتكم والاشياء اللي تشدكم
مثل اذا تحبون الطبيعه والبحر والشلالات روحوا بيننغ او لنكاوي يبيلكم يومين او ثلاث <<ثلاث افضل
ولاتطوفكم رحلة المنجروف تروحون بقارب مع قروب او دفعوا اكثر شوي وروحوا بروحكم اونس
يفتر بالقارب وتروحون صوب البحر وناااااسه وتبين تايلاند وبعدين تغدوا على واحد من المطاعم الطافيه (اكلوا ربيان مشوي)
وبيننغ معروفه للألعاب المائيه وطقتها اذا تحبون هالسوالف بس لنكاوي احلى من بيننغ ورومانسيه حيل بس اخذوا فندق
سنع عشان ماتلقون براعصيه بغرفكم
اذا تحبون التسوق كوالالمبور طولوا فيها متروسه مجمعات واحلاها البافليون
اذا تبون حديقه مائية وسباحه ويمه مجمع كبير وحلو روحوا سن واي لاجون بس لاتطولون فيها يعني ممله شوي وعاديه
جنج بالكويت
روحوا يوم وردوا احسن
جنتك لاااااااااااااااااااااااااازم تروحون لها لازم حتى لو تروحون الصبح وتردون بليل
والاحلى تنامون على الاقل ليله بفندق فيرست وورلد عشان تشوفون مناظر رهيبه وبليل افتحوا الستاير وطفوا الليتات
واااااااااو حده رومانسي المنظر وترا حماماتهم عزكم الله داخل دريشه كبيره يعني شي رومانسي بليل وطفوا اليلتات
عشان ماتنفضحون لوووووووول
جولدن هورسس يهبل يهبل يهبل فندق راقي وفخم حيل ولازم تاخذون غرفة عالبحيره ولااا ماكو فايده وتقدرون
تروحون من البحيره لي
مجمع الماينز بالقارب وناااااسه بس لاتطولون بالجولدن هورسس ليلتين يكفي لان ماكو غير الماينز وشوي بوطقه
مومثل مجمعات كوالالمبور (خشوا فلوسكم للتسوق بكوالالمبور)واشتروا صوايغ من ماينز رخيص حيل ومتروس مراهقين
وكلهم شورتات قطيعه
الزبده وحسب خبرتي
اول ماتطبون ماليزيا روحوا جولدن هورسس لانه قريب عشان تريحون لان كل رحلات ماليزيا بليل قعدوا ليلتين
عقب روحوا لنكاوي ثلاث ليالي حيل حلووو
عقب رحنا سن واي لاقون ليلتين عادي مووناسه حيل لان مثل ماقلت لكم جننا بالكويت عشان جذي لاتنامون بسن واي
او ناموا ليله او ليلتين بالكثير
عقب روحوا جنتك وحلووووو لو تنامون ليله عالاقل هناك مع ان ماكو تسوق ذاك الزود بس كلها العاب ومناظر روعه
والمكان رومانسي وخيالي والغيم علينا يعني مناظر ماتشوفونها الا مره بالعمر وشي خيالي خاصة بليل قعدوا بغرفكم
وبطلوا الستاير ذكرى حلوه
والختام كوالالمبور ثلاث ليالي حلوه بس مايكفي يعني اربع احلى او اكثر لانها ونيسه وحيل حلوه والتمشي بليل
وناااااسه ونظيفه حيل والجو ابرد شوي لان بالصيف شوي حر وعفيسه بس قضوا النهار بالمجمعات وشاينا تاون حلوه بس
متروسه هنود المفروض يسمونها انديا تاون :dddds: للي يحبون التقليد متروس تقليد فا ماحبيته حيل بس شي حلو
وشريت شكثر تي شيرتات وشورتات للبيت رخاااااص وحلوين بس المكان خايس شوي وديروا بالكم على جناطكم
لانهم حراميه انا طول الوقت حاضنه جنطتي لوووووووووول وكاسروهم مثلا مثلا لو يقولون لكم ب80 رنجت
عقب المكاسر تاخذونهم ب20 رنجت :eh_s(1): مويقصون عليكم مصيبه صابتهم
اهم شي الناس حليوين وطيبين حيييييييييل وخدومين يفتحون النفس مومثل الاوروبيين الخايسن قطيعه
بنات اهم شي صلوا استخاره قبل كل شي
وان شاء الله اكون افدتكم
واذا تعرفون اماكن حلوه غير اللي قلتها فيدونا لاني بروح بإذن الله بعد اسبوعين
