تجمع للي تربي عيالها بروحها single mothers

[unapproachable]

عشماويه طمنينا شلونج وشلون وليدج؟؟

 

[عشماويه]

السلام عليكم


شلونكم سنغل مامزز وين الغيبه محد يسولف مثل قبل ههههه


صعبة المنال... الله يسلمج حبيبتي بخير عساج بخير


...


بنات عفيه فيدوني أهل ولدي تو كسبوا حق الرؤية وعقب شهر بيصير التنفيذ


ولدي عمره سنتين وبيروح لهم كل خميس من إلى


سؤالي لكم آنا بودي خدامتي معاه بس أتصور أهله ما راح يرضون وبيطردونها فشرايكم لهم حق يرفضون روحتها مع ولدي ولا ما لهم حق؟


آنا حيل خايفه أهده بروحه صراحه مادري شبيسوون فيه بروحه ما يعرفهم ولا يعرفونه


فبتأكد لهم حق يرفضون روحة الخدامه معاه؟ وهل في إجراءات قانونية قبل عشان أتأكد من ردة فعلهم


أنتظركم حبيباتي والله يعوضكم خير يارب ويسلم عيالكم

 

[أبرار بن فهد]

حبيبتي لاتودين خدامه وياه باجر يسحبون منها حجي ويعرفون كل اخباركم من الخدامه خلي يبتلش فيه ابوه ويتحمل المسؤوليه شوي واسم الله عليه مو صغير يعني مو بو اشهر عمر سنتين وتخافين عليه توكلي على الله وخليه مع ابوه

 

[مشتاقة الى الله]

الله يوفقكم حبيباتي ويجبر بخواطركم يارب

 

[jawaa]

أنا بالنسبه لي ماياخذه بدون الخدامه وانا موصيتها ماتتكلم بشي وغير هذا ماعندي شي عشان تتكلم في احسن بدال لا يسوون في شي بعد ماتدرين يهال يتهاوشون يقولون حجي مو زين ويعلمون ولدج

 

[unapproachable]

عشماويه .. صاجه ماقمنا نتحجى نفس قبل وانا عن نفسي تغير وقتي والسبه الدوام احس ماكو وقت وقمت انام مبجر العاده اسهر وابطل النت اسولف بالمنتدى ...

سالفه ولدج عسى الله يخليه لج .. عادي خل الخدامه تروح امن له وبعدين اذا اهو مايعرف اهل ابوه شلون بيروحلهم راح يخاف ويبجي على الاقل الخدامه يعرفها ويثق فيها وتوديه الحمام وتعرف نظام اكله

انا عن نفسي من ولدي بالاشهر يروح معاها لي الحين ومستحيل اخليه يروح بروحه .. بالنسبه للاجراءات القانونيه اتصور مافي شي يقول لازم خدامه معاه ومااعتقد بيرفضون وجودها

 

[unapproachable]

جوا شلونج وشلون امورج ؟؟؟

اير باق وينج؟؟

اثمان؟؟

الباجي وينهم اشتقت لهم وايد وعسى المانع خير

 

[unapproachable]

up up up

 

[اثمان]

كل عام وانتم بخير

 

[jawaa]

قوه بنات شلونكم وينكم من زمان هل من جديد
أنا جديدي ولدي أخيرا سنن فديته كمل عشر اشهر او بيكمل بعد جم يوم أخذ قلبي والله وأبوه ماشافه ولا سال عنه عالعيد

 

[jawaa]

قوه بنات شلونكم وينكم من زمان هل من جديد
أنا جديدي ولدي أخيرا سنن فديته كمل عشر اشهر او بيكمل بعد جم يوم أخذ قلبي والله وأبوه ماشافه ولا سال عنه عالعيد

 

[ام فويزان]

السلام عليكم شلونكم بنات ودي انضم لكم واكون خفيفه عليكم انشالله

 

[unapproachable]

اثمان ....... وانتي بخير وصحه وسلامه جد اشتقنالج وبشرينا عنج وعن اخبارج؟

جواا .... مبروك اسنان ولدج وعسى الله يخليه لج اشتقت لج انتي بعد .. وعسى ابوه شافه؟

انا ولدي طول اليوم يمدح في ابوه معنى ماشافه صارله شهر ونص بعد قلبي شكله راح يكسر قلبه ومعطيه طااف من الحين
بس حسيته بدا يفهم الوضع ولدي واتمنى الله يصلحه ويخليه لي ويبعده عن تفكير واخلاق ابوه

 

[unapproachable]

ام فويزان حياج معانا ويشرفنا وجودج وسامحينا على عدم الرد ... التجمع تغير وصار الكل مشغول

بس ان شاءالله احاول ادش نفس قبل واعرف اخباركم اول باول

لان جد الواحد يحتاج يفضفض ومهما يحبونج اهلج واقرب الناس لج احس مايفهون الوضع نفس مانفهم بعضنا اهني ولابد يكشون شوي او ياخذون فكره اذا قلتي اللي بقلبج .. وهذا السبب الرئيسي للتجمع قولي اللي عندج وماراح ننقد عليج او نحكم عليج باي شكل من الاشكال لان احنا عارفين انه مظلومين وصعب نوصف مشاعرنا ومو زين الواحد يكبت وهم مو زين يفضح او يحقد ولكن لازم نتحجى على الاقل نطلع حرتنا اهني بستر

 

[توته شيطونه]

شلونكم خواتي حبيباتي عساكم بخير بنتى يننتني
عمرها سنتين ونص ولا تقعد سمل عليها ويحفظها
بس أنا والله تعبت قاعده اسويلها كل شيء وأحس حيلي انقطع التربية بروحى صعبه حيل
مع العلم أبوها مايدري عنها أنا اعتقد ناسي أنه عنده بنت أصلن أنا أقول خيرة ويعلها خيره أنها

ما تشوف طلته البهيه

 

[jawaa]

بناااات شلونكم ولهت عليكم شخباركم أنا ولدي بقى شهر ويكمل سنه الله يحفظه الايام تركض والله ابوه الحمدالله علاقتي في زينه قاعده اطوف عشان ولدي مرات يمر يشوفه ويقعد معاه الحمدالله ماشي الحال وبطلته حساب اليومي فبرقان انشالله قاعده ايمعله مبلغ حق الحاجه وانشالله حضه يطلع حلو ويربح مبلغ

 

[جلكسيه اس 3]

اشلوونكم بنات شخبااركم.
بسالكم انا ودي افتح ملفات بالخاص حق اعيالي
بنتي احس نموها مو زين و الكل من يشوفها يقولون شكلها فيها شي.
و ولدي كذا مره من كثر ما يركض يدعم كبت او طيح ذاك اليوم طاح و طلعت له صعروره خفيفه
بس بسالكم وين تنصحون اروح اي مستشفا و انا مابي الحكومه ماكو اهتمام ابي خاص اشرايكم باي مستشفا تنصحون

 

[جلكسيه اس 3]

شلونكم خواتي حبيباتي عساكم بخير بنتى يننتني
عمرها سنتين ونص ولا تقعد سمل عليها ويحفظها
بس أنا والله تعبت قاعده اسويلها كل شيء وأحس حيلي انقطع التربية بروحى صعبه حيل
مع العلم أبوها مايدري عنها أنا اعتقد ناسي أنه عنده بنت أصلن أنا أقول خيرة ويعلها خيره أنها

ما تشوف طلته البهيه

توته اهو الخسران
انتي ساكنه بروحج و لا مع اهلج

دخليها حضانه اذا تعبانه منها
منها تستانس و منها تستفيد

 

[جلكسيه اس 3]

بناااات شلونكم ولهت عليكم شخباركم أنا ولدي بقى شهر ويكمل سنه الله يحفظه الايام تركض والله ابوه الحمدالله علاقتي في زينه قاعده اطوف عشان ولدي مرات يمر يشوفه ويقعد معاه الحمدالله ماشي الحال وبطلته حساب اليومي فبرقان انشالله قاعده ايمعله مبلغ حق الحاجه وانشالله حضه يطلع حلو ويربح مبلغ

زين اتسوين انا علاقتي كلش مو زينه معاه
و ما يهمني هالشي لانه وايد يتكلم
تطلقنا و مو مفتكه من الكلام الييغث
الله يهديه انا ناطره يتزوج عشان افتك منه
انا ابي اوفر بس وين كل شي غالي
حتا باجر اذا بدخله مدرسه خاصه ماراحاقدر
ما اقول الا حسبي الله و نعم الوكيل
و الله كريم

 

[unapproachable]

توته الله يخليها لج .. طبعا صعبه التربيه بروحج ولكن الله يسهل عليج سبحانه والبداية دايما صعبه بس مع الوقت راح تحسين ان الوضع طبيعي