تجمع للي تربي عيالها بروحها single mothers

[unapproachable]

سكرتير مستقبيليه .. انا عن نفسي اودي ولدي حكومه لكن الهادي زين للاطفال اذا تعب ولدي حيل صدره اوديه هناك

واذا بنتج اسمالله عليها تحسين نموها مو طبيعي وديها طبيب تغذيه او اي طبيب اطفال يعلمج اذا في خلل

والله يخليلج عيالج وصج اشتقت لوجودج بالتجمع

 

[unapproachable]

جوا .. ان شاءالله ولدج يربح وتصيرين مليونيره

تصدقين مرات اسرح بالتفكير اقول لو اربح راح تتغير حياتي واقعد اخطط شسوي وشاشتري بالمبلغ ارض او شقه تمليك وهل استمر بوظيفتي او استقيل ... والله وايد افكر جذي

حتى بعت ذهب عرسي وحطيت بالدانه قلت يمكن الله ماوفقني بالزوج يمكن يعوضني بشي ثاني ويضرب معاي الحظ واصير مليونيره ولو ان الفلوس ماتخلي الانسان سعيد لكن في وضعنا توفر لنا الامان والسكن او الملك على الاقل

والدنيا بعد مالها امان ... الله يعينا ويوفقنا ويرزقنا من حيث لا نحتسب

 

[جلكسيه اس 3]

بصراحه مالي خلق انطر الحكومه مع مواعيدهم الغثيثه
اشوف بنتي صغيره الي اصغر منها اطول منها
ان شاء الله على الاسبوع هذا بوديها

بنات بسالكم احد مجرب عيد ميلاد بحولي بارك *

 

[قطوة الاعلام]

انااا بدش معاكم والله يعينا ياررررب حبيباتي انا عندي بنوته وابوها يشوفها كل سبت وتبي ادش الروضه شهر 9 ربي يحفظها يااارب

 

[قطوة الاعلام]

بناااات منو اللي تعرف شلون ادش ينتي الروضه مو لازم الابو يسجلها ولا انااا اقدر اسجلها

 

[مطلقه وأفتخر]

بناااات منو اللي تعرف شلون ادش ينتي الروضه مو لازم الابو يسجلها ولا انااا اقدر اسجلها

اذا عندج ورقة حضانه تروحين المنطقه التعليميه ساعات يمشون وساعات يشترطون وجوده
عاد انتي وحظج

انا مارضوا بس وحده اعرفها مشوها !

 

[مطلقه وأفتخر]

الله يآجركم في مصيبتكم ويخلف لكم خيراً منها


قولوا آمين


<<صوت آذان المغرب

 

[unapproachable]

امين ... قطوه الاعلام مايصير تسجلينها الا اذا عندج ورقه ان انتي الوصي عليها وانتي اللي تسجلين كل اوراقها الرسميه

 

[unapproachable]

كل عام وانتو بخير

وعسى هالسنه الله يرزقنا ويكافينا شر هالدينا

 

[jawaa]

كل عام وانتو بخير بنات وانشالله هالسنه تكون خير عليكم وعلى عيالكم وتي رزقتكم وتتعدل اموركم يارب

 

[Estelle]

كل عام وانتو بخيييير ،،،

شكلي بنظم لكم عن قررريب ،،، استغفر الله ياربي ،،،

تعبت ومليت وانا. اداري ،،،


استغفر الله استغفر الله ياربي ..................!!!!!*

 

[هاله الرحاله]

السلام عليكم
انا عضوه جديده قريبا انشالله بنضم لكم :eh_s(9):
اخيرا قدرت اتخذ هالقرار .فعلا فعلا من اصعب القرارت اللي ماكنت قادره ابدا اني اتخذه
تقريبا انا قريت التجمع كله. مافي ولا وحده نفس حالتي وظروفي غير ان احنا كلنا مشتركين بالظلم الواقع علينا .
الحين عندي استفسارات وايد واحس اني ظاااااايعه كلش
اول سؤال عندي ياريت احد يعرف يجاوبني عليه؟
وين مكان محكمة الاحمدي لانهم طالبيني بسبب تبليغ الطلاق في ادارة الاستشارت الاسريه؟
ياريت اللي تعرف توصفلي المكان بالضبط وشلون اروحله اهيه بمنطقة جنوب الصباحيه هذا بس اللي قدرت اعرفه.
وشنو يبون مني بالضبط؟
اللي اعرفه ان الريال اذا بغى يطلق يروح ويطلق علطول! ليش هالدندرة؟ وليش طالبيني؟
ياريت اللي تعرف تجاوبني .​

 

[ام ادهم2003]

الله يصلح لكم الاحوال

 

[هاله الرحاله]

رفع​

 

[jawaa]

حبي مادل مكانه سوري بس على موضوع الاستشارات لازم تحضرين ويستدعون ريلج أسأله عاديه او يحالون يحلون الامور ويشوفون الأسباب وبعدين يحولونج عالقاضي عاد اذا متفقه مع ريلج عالطلاق امورج سهله بس اذا معصلق الله يعينج ويسهل امورج انشالله ويكتب اللي في الخير لج أكيد ماودنا تنظمين لنا بس الله العالم لظروفج وممكن تكتبين اسبابج اذا حابه النصيحه

 

[جلكسيه اس 3]

استيل حياج الله و الله يكون بعونج
هاله الرحاله حياج الله و الله يكون بعونكم

انا مارحت على الاستشارات و ماعرف طريقتهم

 

[هاله الرحاله]

jawaa مشكور حبيبتي عالدعاء.لكن شنقول الخيره فيما يختاره الله
وسكرتيره مستقبليه هم شكرا.

بالنسبة حق مشكلتي انا اكيد فيها عبر وايد حق غيري
لاني تقريبا انا الوحيده فيكم اللي قدرت اصمد لمدة 17 سنه زوااااااج على امل انه ينصلح الحال
وكل هذا من عمري غير الضغط النفسي والعصبي الله لايواري احد فيكم وعشان لا اكون ظالمة كدت ان انجح بس للاسف في اطباع الله جبلنا عليها .يعني صعب تتغير.فنصيحتي لازم الوحده تكون عندها ذكاء وفطنه ولا تخلي مشاعرها تتغلب على قناعاتها.يعني اذا عرفتي انه الشخص اللي جدامج في طبع متاصل فيه لا اتقصين على نفسج وتقولين بيتغير وانا اقدر ومن كلام الروايات هاذي.
وهم الشي الثاني اللي افرق فيه عنكم اني طالعه من هالزواج وانا للحين احبه وادري اني عمري ماراح احب احد غيره.
اتزوجنا واحنا يهال انا 18 واهو 20
ربينا مع بعض
تعلمنا كل شي مع بعض
بس سبحان الله كل شي وله نهاية
يعني صعب اني الحين ابتدي حياه يديده واتحمل فيها مسؤولية عيالي واحنا كنا نتشارك بكل شي مع بعض.
ادري قاعده اقرق وايد وافكاري مو مترابطه
بس مااقول الا قدر الله وماشاء فعل والحمدلله الذي لا يحمد على مكروه سواه
انشالله باجر لا رجعت من المحكمه اسولفلكم عن قصتي.
تدرون هذي 17 سنه يبيلها مجلدات هههه
بس الله يعين.​

 

[جلكسيه اس 3]

هاله الله يكون بعونج ياقلبي و سبعتعش سنه مو شويه حرام عشره
بس اذا هالشي فيه راحه لج و الضغط بيروح خلاص زين اتسوين

 

[unapproachable]

حياج معانا اختي هاله .. بس لو تلاحظين انج قلتي انج تحبينه معناته فيه خير الريال .. انا طليقي مااواطنه وليلحين اذا شفته احس ودي ارميه استغفرالله

حبيبتي انا مااشجع على الطلاق ابدا الا اذا كان الريال فيه عيب شرعي يمنع الحياه الزوجيه والاسريه يعني عنف منزلي طق وعدم امان وعدم استقرار بس اذا مشاكل ثانيه اعتقد بتلقين لها حلول ومابي ادخل اكثر في خصوصياتج لكن انا برايي انج تفكرين اكثر بالموضوع لان والله ثم والله الطلاق صعب صعب صعب خصوصا اذا في اطفال فكري اكثر حبيبتي وحرام عشرة 17 سنه تروح

 

[هاله الرحاله]

الله يحييج حبيبتي صعب المنال

والله مادري شقولج فعلا اهو فيه خير وايد وحنون جدا بس فيه عيب شرعي واهو الجذب ومو اي جذب لاجذب مرضي وفي الفتره الاخيرة تدهور بزيادة اللي قام يجذب ويصدق واذا احتر مني من موقف معين ممكن يتبلى علي بشي ثاني ويصدق فعلا الكلام الغير حقيقي اللي اهو يقوله وقام يفقد اعصابة ويمد ايدة وكله يهون ولا تصير هالاشياء جدام بناتي موتي انه البنت تشوف امها تنطق .باجر اتحسب انه الوضع طبيعي ولا سمح الله تسمح لزوجها باهانتها.الواحد يصبر على الظيم كله عشان عيونهم.بس اذا صارت البيئه غير صحيه لهم على قولتج . بالطقاق الحب وبالطقاق الحنان اذا مافي امان. قمت احط راسي عالمخده مادري شنو بييني باجر.

فعلا صعب علي هالعشره وايام وايد حلوه بس للاسف حالته قامت تدهور وقامت تصير فضايح ويدقدق عالناس ويتشكى وكله جذب بجذب.

اليوم الباحثة قالتلي اطرشكم على استشارية نفسية.قلتلها هين يروح اهو خلي يعترف حق نفسه بالاول انه يجذب!!!

الله يهديه ويصلحه لنفسه حسافه عليه خله نفسه مصخرة للي يسوى واللي ما يسوى وصرنا طاشه بسبته. وعلى كل هذا ماكرهته عشان لا اجحد الطيب .بس كرهت افعاله.​