تجمع لمستجدات وطالبات كليه التربيه _ جامعه الكويت ..

[m0nay]

الله يسمع منج جان زين في

خلاص آنا باجر أسأل


0
0

 

[Q8!a__]

وإذا لا سمح الله أخذتي بمادة fa
تقدرين تسجلينها كورس عقب
وتكون المادة إعادة
وترفع معدلج

على فكرة مواد الإعادة تقدرين تعيدين المواد اللي اتييبين فيهم c وأقل
إذا كنت ناوية تعدلين درجة المقرر

ولج فرصة طول دراستج تعيدين 10 مواد بس تاخذينهم إعادة

 

[m0nay]

مشكووؤوؤوؤوره حبيبتي



0
0

 

[magnolia]

بنات بما ان تطنشت شوي بموضوع تقييم الدكاتره ..
بسالكم اهني ..

اليوم الدكتور حمود المقاطع قالنا اسم مذكره عشان ناخذها من التصوير ..
وقالنا فيه بعد كتاب وهذا اختياري يعني المعنى ان عادي بنشتريه او لا كيفنا ..

مافهمت !!!!!!!!!!!!!!!!!

عفيه اللي ماخذه عنده تفهمني , يعني الكتاب ماراح نحتاجه لما ندرس حق الامتحانات والا شنو ؟؟




وشي ثاني دكتوره سلوى الجسار شلووووووووووووووون طريقتها !!
نكتب معاها كل شي والا شنو ؟؟

يعني امتحانها يكون شامل كلامها اللي بالمحاضره + الكتاب ماادري المذكره والا شلون ؟؟

هلا يا قلبي انا كنت ماخذة عنده الكورس اللي طاف و راح اعطيج نصايح مختصرة عنه
1-بس المذكرة اللي ضرورية يعني الكتاب لا تشترينه
2-الحضور الحضور الحضور اهم شييييييييييييييييي
3- تكتبين كل كلمة و كل حرف يقوله بالكلاس و خاصة الامثلة
4-لا تتأخرين
5-انتحاناته مو صعبة بس يبيلها يعني بالنسبة كانت صعبة لاني ما افهم :krkrkr:
6- احس تقرير حظ يا نصيب يعني حتى لو تعبتي فيه ما يعطيج حقج
و سابعا و الاهم انالبنات كلهم يستانسون عليه بس سبحان الله هاو الوحيد اللي ما تأقلمت معاه لنهاية الكورس و اهو كان عارف بهالشي

موفقة و اي سؤال انا موجودة

 

[soseta]

^
^
لوووووووووووووووووووووووول حبطتيني وونستيني , يالله ان شاءالله سهالات , مشكووووره ماقصرتي ..

انزين بنات وسلوى الجسار وعلي وطفففففففه ..

لان انا طفاتي شي اسمه كتبي كل كلمه يقولها الدكتور ويييييييييييييع مالي خلق

 

[ملكة بغروري]

السلام عليكم

أنا طالبة مستجده في كلية التربية

وبصراحة اول يومين دوام عذاب بالنسبة لي

ما ادري الدكاترة شيبون مني وطلباتهم وااايد

تكفون بنات ساعدوني الله يخليكم

نبدأ مقرر أصول تربية لدكتور جاسم الكندري

يبي كتاب اصول تربية للمؤلف عبدالمحسن حمادة رحت مكتبة الطالب ما لقيته , ويين احصله يا بنات ؟؟؟ واللي عندها الكتاب تقولي

وبخصوص تحليل نقدي لقضية تربوية هل هو يطرح القضية التربوية وإحنا نحللها ؟؟ ولا قضية تربويه احنا نطرحها ؟؟

وتحليل النقدي شفوي ولا تقرير نكتبه ؟؟ بليز اللي خذت عنده اصول تربيه تفيدني بليز لا تطنشون وابي امتحاناته اذا تكرمتوا

والثاني دكتور ياسر الحليواني مقدمة مناهج بحث تربوي ما شا الله هالدكتور ما في شي بخاطره ما قاله

على طول طلبات !!

يبي اسويله 5 دراسات برزنتيشن يعني اتحدث فيه عن مشكلة البحث وفروضه واسئله وووو

وفي نهاية الكورس يبي تلخيص عن كل دراسة بصفحتين وطلب منا كتاب صلاح مراد فوزية هادي وما حصلته

بليز اللي خذت عنده تفيدني بخصوص الدراسات شلون اقدمها برزنتيشن ؟؟؟ والكتاب اذا موجود عندها تقولي ؟؟ وابي همن امتحاناته

بليـــــــــــــــــــــــــــــــــز انا وحده مستجده وضايعه بليز يا بنات تفيدوني وتكسبون الاجر ان شا الله

 

[miss cute]

سوسيتا ..

قلتلج حمود المقاااطع لااااااا تحااااتيييين سهااالااات .. بس بشرط :

1- تحضرين يومياً <<< ما يعترف بالطبيات و التأخير عليه نص ددرجة

2- البحث اهتمي فيه و أهم شيء كل المتطلبات اللي يطلبها منكم تكون موجوده بالبحث <<< أغلب البنات كانت درجاتهم حلوه ..لما كنا نمتحن الفاينال ورانا درجاتنا مالت البحث و البنات كلهم متفاااجئين بدرجاتهم و انا أولهم لأن بحثي ما كان كامل بس الحمدلله أولا و أخيرا عطاني 19/20.. :ggdw:

3- امتحاناته مو ذااك الصعوووبه بس يبيييييييييلها وقت كااااافي للدراسه .. خاصه للفاينال ..<<< انا بدعت نص الكمية ما لحقت ادرسها

و بسسسسس الحمدلله الحمممدلله طلعت بقريد حلو رغم كل هالإبدااااااع :krkrkr:





امممم وطفه حلييييووو .. البحث اللي يعطيكم أغلب البنات فل مارك أصلاً أتوقع مايقراهم بس يتصفحهم .. يعني ما يدقق حييل .. أهم شيء يكون البحث مرررتب وحطيله مقدمة جم كلمة وبنهاية البحث حطي (ما يستفااد من هذا البحث) .. إمتحاناته موضوعيه و سهلة نوعا ما إذا درررررررستي .. و جنه ما كنا نكتب معاه .. اهوا قبل الامتحانات يراجع و ياكم <<< إذا ما خانتني الذاكرة


الجسار ما عرفهاااشي

 

[soseta]

مونيا حبيبتي الله يعينج للاسف ماخذيت عند اللي قلتي عنهم ياريت البنات يفيدونج ..
تصدقين انا مو مستجده وضايعه انتي الله يعينج ..


ومس كيوووووت بعد عمري ريحتيني اكثر واكثر ..
الحمدلله ان شاءالله سهالات ..
انا البحوث وهالسوالف شوي مو شايله همهم وايد لان بعد تو الناس عليهم , بس اللي احاتيه طريقه الدكاتره يعني نكتب معاهم والا لا ..

بس المقاطع على كلامكم اكتب معاه , ووطفه مو عارفه , وسلوى الجسار نفس الشي ..

انا املق شي عندي قعدي كتبي كل كلممممممه ..

 

[soseta]

عاد تصدقين كيوت , على المدح اللي امدحوا فيه المقاطع تصدقين ماحبيته وايد ..
يعني متقبلته 10 % لووووووول ..
حسيت البنات يمكن بالغوا لما امدحوه كل هالمدح ..

 

[«منتهى الرقه»]

بنااات انا باجر بروح المكتبه فبتاكد منكم اذا الكتب مو جوده ولا لأ بمكتبة شويخ

اصول تربيه: اسس تربيه للدكتور خالد رميضي
تاريخ حضاره: دراسات في تاريخ الحضاره العربيه والاسلاميه
تربيه اسريه: الزوااج رباط مقدس للدكتوره نوريه الخرافي وو العلاقه الزوجيه والصحه النفسيه في الاسلام للدكتور كمال ابراهيم
وكتب انجليزي مقرر 110


بناات بليز قولولي

 

[soseta]

موكا حبيبتي لطوفي حطت موضوع وفيه رابط تدشينه وتحطين اسم الكتاب وتشوفين اذا موجود او لا ..
بس انا من الحين اقولج تربيه اسريه مااعتقد موجود العلاقه الزوجيه والصحه النفسيه حق كمال مرسي مااعتقد راح تلقينه بمكتبه شويخ , انا اذكر لقيته بالمعرض اللي يسوونه بأول الكورس ..

 

[«منتهى الرقه»]

سوسيتا اذا ماعليج امر تحطيلي رابط الموضوع

 

[soseta]

حبيبتي رابط الموضوع مو موجود الحين احطلج رابط الموقع ..

http://stdbookshop.kuniv.edu.kw/arabic/Search.asp

وشوفي حبيبتي شفتلج توه كتاب تربيه اسريه اللي مألفه كمال ابراهيم مرسي مو موجود , تلقينه بالمعرض اللي يسوونه ..

عفيه بنات متى المعرض ماشفت شي ؟؟

 

[miss cute]

سوسو <<<<< اسم الدلع :klhfl:


ترى انا نفسسج المقاطع ذبحووووني فيه من كثر ما يمدحوونه و انصدمت فيه أول يوم و تخرعت منه :tomato2:


بس بعد أسبوووع .. اسبووعين بالكثييير بتحبيييييين محااضرااااااته شرحه مووووو طبيعي و تعليقاته و الأمثله اللي يقولها..

الظاااهر اهوا بس يبي يخرررع البنااات علشان يسحبون .. انتي شايفه كلاساته ؟! زحمممة مو طبيعية !!

وبعدين لا تحاتين مراح تكتبين واايد ويااه إلا مرات يقولكم هالشغلة مو موجوده بالنوت كتبوها و يقعد ينقلكم ..

و بالنسبة للأمثلة كتبيها تفيدج بالدراسه .. غيير جذي ما تحتاجين تكتبين شيء النوت مكفي وموفي ..


أما وطفة في بنات يحبون يكتبون نوتس معاه .. عن نفسي ناااااااااااادراً أو حتى يمكن ما كتبت و لا مرة بس أخطط ..

إنتي مع الوقت راح تعرفين من نفسج اللي تحتاجين تكتبينه و اللي لاااء ..

 

[soseta]

اصول تربيه اذا هذا اسم الكتاب أسس التربية بين تناقض النظريات وإخفاق التطبيقات
موجود سعره خمسه وربع ..

 

[miss cute]

تصدقووون كلللش مالي خلق عالمكتبة

بالنسبة ليي هممممم بداية كل كورس .. الله يعييينا على الزحمة ..

 

[«منتهى الرقه»]

ميييرسي حيااتي سوسيتا

اي هذا هو الكتاب تسلمين

 

[soseta]

مس كيوووووووووووووت يابعد عمرييييييييييييييييييييييييييييي ريحتيني واااي هم هم على قلبي ورااااااح ..
الحمدلله , عيل وطفه ماابي اكتب معاه مالي خلق كتابه بخطط , والمقاطع على كلامج ..

الحين سلوى الجساااار !!

 

[soseta]

مس كيوت انا هم ونكد وكل شي اعووووووذ بالله ماادري شنو بسويييييييييي ومااعرف اروح المكتبه الله يعيني ..
ياريت القى الكتب بالمعرضضضض ..

بس صج سعرهم اغلى ؟؟
يعني يسوى اطق طريج وبالباص واروح شويخ ؟؟

 

[miss cute]

8

8

8


امممم إيييييه أرخص مكتبة الطالب لأنهم داعمين الكتب للطلبة .. فكل الكتب عليهم خصم اممممم مو متأكدة جنه 25%

أتذكر مرة كتاب سعره 10 د. بمكتبة الطالب ب 6 و شوي .. بعدين أحسلج تضمنين كل الكتب إن شاء الله موجوده .. بدال لا تفترين تدورين على كتاب كتاب ..