تجمع ماليزيا صيف 2013

[بينك وورد]

وين الوفاء

حياج معانا اهم شي القهوه العربيه لازم هههههههه
احنا حجزنا ببينانق فندق شانقريلا جولدن ساندز هم قريب من السوق الصيني
شرايج يسوا هالسوق في شغلات حلوه ولا عاديه؟؟؟؟؟

كوكاكولا
انا سكنت في هوليذي ان ريزورت قبال الشانقريلا السنه اللي طافت وهالسنه باذن الله سكن فيه بعد
السوق الصيني الليلي روووعه يمنا كان نمشي له مشي ولا تعبنا ردينا بالقاري اللي تقعدين قدام السواق وفوقج مضله وااايد حلو واستانسنا بس للعلم سوق بيننغ الليلي يعتبر ارخص من سوق كوالالمبور
الجاينا تاون عرفتي
وهم اتلاقين علا نفس الشارع بقالات متنوعه تخدمكم بالنواقص ومحلات مساج للرجول


رووعه وونيس

 

[بينك وورد]

وانا بعد ان شاء الله بروح ماليزيا بس شكلي سابقتكم كلكم لووووول

تاريخ رحلتي 6/25 مدتها 10 ايام لانه اليهال معاي قلت بجرب السفر معاهم ومابي سفره طويله

على الاماراتية وترانزيت دبي 3 ساعات بعدها كوالالمبور بس نومه لووول

عقبها لنكاوي يومين وبينانق يومين جنتنق يوم واحد روحه ورده و3 ايام كوالالمبور

والله يجعل رحلاتنا موفقه ونرجع حق وطنا الغالي بالسلامه

ماشالله الله يهنيكم

تروحون وتردون بالسلامه






شلون طيران الامارتيه بسالكم
ولا مره طرت عليها هالمره بسافر فيها

انشالله تكون مريحه

 

[أحـلام * ورديـة]

ماشالله الله يهنيكم

تروحون وتردون بالسلامه






شلون طيران الامارتيه بسالكم
ولا مره طرت عليها هالمره بسافر فيها

انشالله تكون مريحه

الله يسلمج حبيبتي

وانا بعد اول مره على الاماراتية

بس اللي اعرفه يمدحونها وان شا الله تكون عند حسن الظن

 

[كوكا كولا]

الطيران الاماراتي والقطري ممتازين ودايما يتنافسون
مره القطريه تاخذ احسن طيران ومره الاماراتيه تاخذ احسن طيران وانا جربت القطريه رووووعه ما شاء الله
وهالمره بجرب الاماراتيه باذن الله

 

[secret sauce]

السلام عليكم

بنات انا ودي اروح لماليزيا ماعرف فيها شي وانا اللي بحجز لي ولولدي مادري شنو احسن مع العلم ابي سفرتي بس عشر ايام مابي اكثر وابي كوالامبور واذا في منطق ثانيه حلوه اروح لها مو اكثر ساعدوني في الترتيب ووين اروح اول مره اعتمد على نفسي واحجز

 

[كوكا كولا]

secret sauce

ماتبين جزر؟؟؟
بينانق ونيسه يقولون بس للامانه ما رحت لها
ناويه عليها ان شاء الله هالمره

الاماكن السياحيه وايد عندج مرتفعات جنتنق بارده ومرتفعه فوق الجبال
كلها العاب ومطاعم وفنادق اهو مكان ترفيهي يبيله يوم كامل يعني من الصبح وترجعين قبل المغرب

واذا تحبين الطبيعه روحي كاميرون هايلاند عند مزارع الشاي هم ناويه اروح لها ان شاء الله هالمره
وعندج اماكن وايد بس انتي شنو تبين يعني ولدج كبير ولا صغير علشان اعرف احدد

 

[Pink_Roses]

نفس ما قالت الاخت كاميرون هايلاند ما تسوى طريج عالفاضي ونفس الشي الفرنش فيلاج

وهم مدينة ملاهي جنتنغ ما تسوى العاب قديمة ودور عليها بعد والطريج ساعتين ما ادري ساعة ونص على شي ما يسوى

الجزر لنكاوي وبيننغ حق اللي بيسبح اذا غير جذية ما تسوى لان حر ورطوبة

 

[أحلى همبه كويتية]

صباحكم فل

بنات انتو تسولفون على السوق الصيني اللي بشارع فندق البارك رويال
انا رحت مرتين وسكنت بالبارك رويال روعه ايهبل

بس هذا اللي بالشارع السوق الليلي مو الصيني

اذا فيه صيني دلوني عليه ولو اني ما أحبهم يخرعون بالتعامل شرسين



انا على العمانية ان شاء الله
​

 

[secret sauce]

secret sauce

ماتبين جزر؟؟؟
بينانق ونيسه يقولون بس للامانه ما رحت لها
ناويه عليها ان شاء الله هالمره

الاماكن السياحيه وايد عندج مرتفعات جنتنق بارده ومرتفعه فوق الجبال
كلها العاب ومطاعم وفنادق اهو مكان ترفيهي يبيله يوم كامل يعني من الصبح وترجعين قبل المغرب

واذا تحبين الطبيعه روحي كاميرون هايلاند عند مزارع الشاي هم ناويه اروح لها ان شاء الله هالمره
وعندج اماكن وايد بس انتي شنو تبين يعني ولدج كبير ولا صغير علشان اعرف احدد

الله يجزاج خير على انا ولدي كبير بو17واحب الطبيعه والاسوقه ماحب الملاهي وماعرف شنو الفنادق الزينه?توهقت

 

[Pink_Roses]

صباحكم فل ​

بنات انتو تسولفون على السوق الصيني اللي بشارع فندق البارك رويال
انا رحت مرتين وسكنت بالبارك رويال روعه ايهبل ​

بس هذا اللي بالشارع السوق الليلي مو الصيني ​

اذا فيه صيني دلوني عليه ولو اني ما أحبهم يخرعون بالتعامل شرسين ​

انا على العمانية ان شاء الله ​

السوق الصيني اهو نفسة سوق الليل بس اي ليل 9 يسكرون مو نفس قبل اذا بتروحين روحيلة مبجر العصاري

 

[كوكا كولا]

Pink_roses

تدرين انا ما احب اخذ الكلام من راي احد احب احكم عالمكان بنفسي
وايد ذموا الحدائق اليابانيه مع انها عاديه بس حبيتها اما القريه الفرنسيه عاديه بس مباني وكافيهات
وجنتنق حلوه والله يكفي التمشي فيها عجيب
كاميرون هايلاند حاطتها براسي هالسنه باذن الله
لان بخاطري اشوف مزارع الشاي واشتري منهم شاي
وراح اعطيكم رايي بكل صراحه بدون مبالغه مثل ما عودتكم

 

[كوكا كولا]

احلى همبه كويتيه

متى سفرتج؟؟؟
احنا حجزنا ببينانق فندق شانجريلا جولدن ساندز وايد يمدحونه
والسوق الليلي تحته على طول

 

[كوكا كولا]

Secret sauce

عيل يبيلكم سياحه عدله
شوفي موضوعي بقسم التقارير المصوره واخذي فكره عن الاماكن

 

[ام رينـاد]

كوكا كولا

عاد انا حاطه ببالي القرية الفرنسية واليابانية بس مادام أنها ماعجبتج شكلي بشيلها من الجدول

بنات شنو الاماكن الحلوه في بينانج ؟؟
​

 

[ام بنتها]

شلوونك يا حلواات
احنا تونا قررنا نروح مليزيا وايد متاخرين ادري بس هذا الي صار لول

وين تنصحوني مكتب سفريات مضمون احز منه تذاكر لان الاسعار ظربت و العمانيه 1400 و القطريه 1200 حق بالغين2 و طفل

همبه بسالج فندقكم البارك رويال بكولا ؟؟ اذا اي شلون مكانه ؟ و اكو الفندق و اكو الشقق انتو اي واحد فيهم ؟

 

[نونو ام كشة]

مرحبا بناات

انا العام رحت ماليزيا وناوية اروح لها مره ثانية مع عيالي لاني تحسفت اني ما اخذتهم معاي لانها ديرة امان ومهتمين بالطفل حيل من ناحية الاماكن والانشطة الترفيهية وراح اكتب لكم كل شي اعرفهعشان تستفيدون لان بصراحه تقارير البنات هي اللي فادتني مثل الهنوف وكوكاكولا وهمبه كويتية وتوني اسمع عن ولاية جوهر وشكلي بروح لها مع عيالي باذن الله


رحلتنا كانت على القطرية والصراحه كان شي عجيب ومريح حيل وترازيت ساعه الدوحه
والرحله كالتالي يومين سلانقور بفندق الخيول الذهبية فندق هادي ومريح وفايف ستار طبعا ووراه مجمع الماينز وقريب من سن واي لاقون وبما ان انا وزوجي بس مارحنا المدينه المائية بس دشينا مجمع البراميد اللي في تحت صالة التزلج والمجمع حلو من جميع النواحي وفيه كذا مطعم عربي ورحنا منطقة بتروجايا فيها رحلة بحرية بس مو ذاك الزود ورحنا الشلالات


وثالث يوم رحنا الصبح بالباص vip لجزيرة بيننق وقعدنا فيها 4 ليالي بالهوليدي ان على البحر وتحت بالضبط السوق الليلي وسوقهم حلو ورخيص احلى من الصيني المعفن اللي بكوالا لمبور وعلى العموم السوق ببينق ارخص سوق لا ن ضرايبهم اقل وركبنا البراشوت والحصن وفترة النهار كله انشطة بحرية على الشاطئ والشارع هذ كله مطاعم عربية وكل شي قريب بقالات ومصابغ الملابس ومحلات المساج ومساج السمج وهالجزيرة حيل حبيتها لان فيها اماكن اكثر من لنكاوي مع ان لنكاوي طبيعة اكثر وبيينق انصحكم تروحون الهضبة اللي فيها قطار اسمها هضبة بيننق وتروحون حديقة الفواكه وحديقة الفراشات ومعرض القهوة والكاكاو والشاي وفيه معرض الالعاب في كل الالعاب باربي وغيرها واللي ماخذين عيالهم اكيد بيستانسون فيه والمجمعات الحلوة القرني بلازا وكونسبي بس القرني احلى




ورابع يوم رحنا بالعباره حق جزيرة لنكاوي وهالجزيرة خيالية وساحرة وحييل عجبتني بس ماتصلح للصغار لان مافيها انشطة واجد ومن المغرب كل شي يسكر وسكنا بفندق فايفستار على البحر وعباره عن اكواخ بس نسيت اسمه جنه كوكا كولا طانت ساكنه فيه برحلتها وهالجزيرة فيها الاكواريوم بس اكواريوم الكويت احلى منه وفيها فورملا السيارات حلوة انا ركبتها وفيها رحلة المانغروف المشهورة وهالرحلة اكثر شي عجبني رحنا فيها كهف التماسيح وكهف الخفافيش ومحمية الاسماك وهالجزيرة فيها مدينة العاب وتلفريك وبطريجنا للالعاب مرينا محل صناعات يدوية اخذتمنهم زيت لعوار الظهر والمفاصل عجيب لازم تمرونهم وفيها بعد حديقة التماسيح حديقة كاملة فيها كل انواع التماسيح تخوف نوعا ما بس اكثر وقتنا كنا نقضيه بالفندق واسواق ماعندهم الا مجمع ما ادري مجمعين بس بالفندق اللي كنا فيه كان في جم محل حلو ورخيص


وبعدين اخذنا طيران داخلي لكوالمبور وسكنا بفندق دورست ريجنسي 4 نجوم قريب حيل من شارع العرب وانصحكم لا تسكنون بشارع العرب لان دايما زحمه والتكاسي صعب ادش فيه من الزحمه وبعدين اكمل لكم عن كوالمبور لاني تعبت

 

[أحلى همبه كويتية]

احلى همبه كويتيه

متى سفرتج؟؟؟
احنا حجزنا ببينانق فندق شانجريلا جولدن ساندز وايد يمدحونه
والسوق الليلي تحته على طول

هلا حبي يوم 17
ايه السوق الليلي اعرفه انا دايما اقعد في بارك رويال احلى مكان
انا حسبالي تقصدون سوق ثاني انا ما اعرفه
العام ما شرينا شي من السوق الليلي بضاعتهم كانت كلش مو شي :bbbiu:​

شلوونك يا حلواات
احنا تونا قررنا نروح مليزيا وايد متاخرين ادري بس هذا الي صار لول

وين تنصحوني مكتب سفريات مضمون احز منه تذاكر لان الاسعار ظربت و العمانيه 1400 و القطريه 1200 حق بالغين2 و طفل

همبه بسالج فندقكم البارك رويال بكولا ؟؟ اذا اي شلون مكانه ؟ و اكو الفندق و اكو الشقق انتو اي واحد فيهم ؟

اف والله الأسعار حيل خيالية اشدعوة هالسعر:eh_s(11):
شوفي من النت احيانا موقع الطيران على النت ارخص من المكاتب :rgewrg:

حبيبتي البارك رويال انا اقصد اللي في بينانغ
بكوالالمبور انا مجربة رويال شوال عجيب :rerrerek:​

 

[ام رينـاد]

ام بنتها

ويييه شدعوه هالاسعاار حيل غاليه , غلطانين لو حاجزين مبجر احسن

العموم تقدرين تحجزي من النت وااااااااااايد ارخص من السفريات .. صراحة السفريات نصابين

 

[ام بنتها]

هذا السعر من النت اون لاين علا الويب سايت مال الطيران نفسه
و خوو الامارتيه ماكو حجز ههههه قلعتنا هذا الي يقرر فجأه لوول
اول ما قررنا ايطاليا بس مااقدرت اجمع عنها معلومات و حسيت يبلهاا تخطييط مسبق طويل مو ركضه ركضه و امس غيرنا لي مليزييا الله يسهل الامور و تضبط ان شاءالله و تذكرين همبه سألت العاام عن ماليزيا ف مظبطتنا شاءالله لول
صج همبه عبالي مال كوالا لامبور شفت صوره في بوكنغ شكله عجيييييب حدا مو الفندق لا الشقق خيااال خيااال خياااال بس مادري شلون مكانه ماعندج أي فكره عنه ؟
و ماعليج امر تكتبيلي اسم الفندق الي بكوالا بالانجليزي

اذا ظبطت ان شاءالله بنقعد في فندق اول 13 يوم و 5 ايام الأخيره بنقعد في البردايز و ماراح نروح لا بيننق و لا جنتنق لان معاي عيال سنه و 6 سنين و احس بيكون لــويه
بس جنه شدتني مدينة الهلو كيتي و اللوغو احس بيكيفون عليهاا بس شلون نرووح لان من كوالا ؟؟ في احد مجرب


واااااااي وراي سيرج طويييل و لازم اقرر فندق بسرررعه لووود لووود :eh_s(11)::eh_s(11): بس ادري ماراح تقصرون معاي :eh_s(7)::eh_s(2):


هذا الي قصدته همبه شوفي وقولي رايج فيه كمكان PARKROYAL Serviced Suites Kuala Lumpur</SPAN>

يقع Parkroyal Serviced Suites Kuala Lumpur على بعد 10 دقائق سيراً على الأقدام من مركز Pavilion للتسوق ومركز Lot 10 للتسوق. ويبعد مسافة 45 دقيقة بالسيارة عن مطار كوالالمبور الدولي

 

[ام بنتها]

PARKROYAL Serviced Suites Kuala Lumpur</SPAN>

Impiana KLCC Hotel
</SPAN>
The Royale Chulan Hotel Kuala Lumpur </SPAN>

شرايكم بين هال 3 فنادق ؟؟