تجمع ماليزيا صيف 2013

[C O L O R Z]

ام الدرر شوفي فندق بيكالو بكوالا وااايد حلو وبشارع العرب وسعره رخيص

حبيبتي
قريت ردج ذاك اليوم عن هالفندق
استانست وسييييييييدة النت بشوفة
عجبني حليو والغرف شكلها حلو
والسعر اوكي
والموقع عجيب

بس يوم قريت ردود العرب في موقع بوكينج
اغلبهم اذا مو كلهم كانوا يعيبون فيه مسألة الديسكو الي باللوبي
وفي ناس تقول في اشكال موسنعة
والموسيقى توصل لي الغرف وازعاج
والي يقول اذا معاك يهال خاصة لاتسكن فيه

يعني لو تعليق تعليقين نقول عادي
بس غالبية الناس منتقدته بهالشي

وهم اغلبهم انتقادهم كان عالنظافة

تحسفت ولغيته من بالي

 

[mafio98]

كولورز انا كنت ساكنه فيه بالنسبه للاغاني اللي تحت طلبي دور فوق ماتسمعين ولااااااحس بالعكس الفندق عجيب ويمينج ويسارج كله سوقه ويديد مو مستهلك وبالنسبه للديسكو ترى مو ديسكو ديسكو عادي اغاني وغير جذي مايحطون اغاني الا من ١٠ وفوق وفي مدخلين للفندق المدخل الثاني ماتمرين على الديسكو ولارتشوفينهم اصلا وانا وهالسنه حجزت فيه ومعاي ولدي واخترت غرفه بلادوار العليا

 

[ام الدرر]

ام الدرر شوفي فندق بيكالو بكوالا وااايد حلو وبشارع العرب وسعره رخيص

حياتي ماقصرتي
حجزنا خلاص ودفعنا الفلوس​

 

[كوكا كولا]

colorz

حجوزاتنا كلها من موقع بوكينج
العام حجزنا من مكتب سفريات وهقونا ما تاكد الحجز واضطرينا مرتين نتواصل مع مكتب السفريات علشان يحلون المشكله
وترونا حسبي الله عليهم ومن يومها توبه احجز من مكتب سفريات
بوكينج مضمون كل الناس تحجز منه موقع عالمي

 

[كوكا كولا]

توني امس حجزت بباص الايرولاين
علشان نطلع من بينانق ونروح لكوالالمبور
بغيت اسال في احد منكم جرب وسيله مواصلات غير التكاسي؟؟؟
واااايد يمدحون القطارات حلوه مثل دول اوروبا وارخص حطيتهم ببالي والله ويبيله بحث مكثف عن هالقطارات
والاماكن الي تروح لها

 

[أحلى همبه كويتية]

توني امس حجزت بباص الايرولاين
علشان نطلع من بينانق ونروح لكوالالمبور
بغيت اسال في احد منكم جرب وسيله مواصلات غير التكاسي؟؟؟
واااايد يمدحون القطارات حلوه مثل دول اوروبا وارخص حطيتهم ببالي والله ويبيله بحث مكثف عن هالقطارات
والاماكن الي تروح لها

من وين حجزتي الأيرولاين
انا ناوية اروح مكتبهم اللي بالبراميد طالما احنا بنسكن
فيه

عطيني موقعهم


القطارات والمترو اذا انتو شخصين بس
التجربه حلوة
لكن العوايل مع اليهال ما ينصحون فيهم


عندك العرب المسافرون كل شي فيه
:ggdw::ggdw::ggdw:
احلى موقع بالعالم للسفر عجججججججججججيب صارلي سنين وياهم

 

[أحلى همبه كويتية]

بوكينق احسن موقع
صارلي سنين احجز منهم مضموووووون
وما يخصم مبلغ الا اذا كان الحجز غير مسترد

والدفع في الفندق احسن شي كاش

 

[سكارلت]

بنات
جم تكلفة سفر 6 اشخاص لماليزيا
ابي سعر التذاكر+الفنادق+الاكل+الاسواق والتمشيات

لمدة 20 يوم

ومشكورين

 

[أحلى همبه كويتية]

ياحسرتي همبوش
ريلي بالغصب رضى يغير برجايا

والمشكلة قعدتنا بكولا طويلة 10 ايام ماحصلنا فنادق فاضية ​

موقع زين
بس صار قديم
انا سكنت فيه بسفرتي الأولي على مدح اهل ريلي انع عجيب
بس لما رحت ما عجبني صراحة يمكن ليش كان حظي الغرفة تكييفها نار ومانمت ليلتها انا وعيالي:eh_s(2):

ما عليك ربك يسهل عليكم ان شاء الله
يمكن يعجبكم حبيبتي الناس اذواق

انت حاجزة من مكتب ؟؟؟ :eh_s(14):

 

[أحلى همبه كويتية]

بنات
جم تكلفة سفر 6 اشخاص لماليزيا
ابي سعر التذاكر+الفنادق+الاكل+الاسواق والتمشيات

لمدة 20 يوم

ومشكورين

حبيبتي الأسعار شبت نار الحين
لازم تحجزين مبكر
والفنادق حجزيها من موقع بوكينق

الأكل والتمشيات حسب اعماركم وحسب طبيعتكم انتو تصرفون وايد او لا

ومتي بتروحون ؟؟ :eh_s(10):
عشان نقدر نساعدك :eh_s(7):

 

[سكارلت]

حبيبتي الأسعار شبت نار الحين
لازم تحجزين مبكر
والفنادق حجزيها من موقع بوكينق

الأكل والتمشيات حسب اعماركم وحسب طبيعتكم انتو تصرفون وايد او لا

ومتي بتروحون ؟؟ :eh_s(10):
عشان نقدر نساعدك :eh_s(7):

نبي نروح على اخر شهر 8
امي وابوي طبعا يبون طبيعة وقعدات لأنهم
كبار ومايقدرون يمشون واجد ونبي نحجز لهم تذاكر درجة اولى عشان
يرتاحون

بس انا واختي واخواني اثنين
اعمارنا من 18 -23 ونحب نتمشى ونطلع 24 ساعة :ggdw:
ومو مشكلة عندنا اذا تذاكرنا درجة سياحية خخخخخ
والفندق ابيه 3 او 4 نجوم

بالنسبة للصرف اكييد بنصرف بس بحدود طبعا
يعني ابي يوميتنا ماتزيد عن 50 دينار

ومشكوووورة


ومن جهة الصرف

 

[mafio98]

بنات
جم تكلفة سفر 6 اشخاص لماليزيا
ابي سعر التذاكر+الفنادق+الاكل+الاسواق والتمشيات

لمدة 20 يوم

ومشكورين

بالنسبه للتذاكر شوفي العمانيه مسوين خصم حق رمضان يمكت تذلع عليج 180 والفنادق بوكينغ هم مسوي خصومات حاليا اما الاكل فرخيص مايكلف يشي 20 دينار يكفيكم اكل غدى وعشى اذا فاست فووود يعني تقريبا 400-500 اكلكم
والسوق والاماكن الثانيه يعتمد عليكم بالنسبه لتكاثيهم واااايد رخيصه

 

[al_3needa]

شرايكم في سويس قاردن هوتيل ؟؟؟

 

[C O L O R Z]

شرايكم في سويس قاردن هوتيل ؟؟؟

تمدحه كوكاكولا

بس انا حجزت في امبيانا impiana klcc
محد مدحه لي من البنات خخخخخ بس تعليقات الجديده للخليجيين اغلبهم يمدحونه
بين البرجين وبين شارع العرب
اذا نوعكم تمشون فسهالات كلها 10 دقايق بممر مكيف الى شارع العرب
واذا ماتحبون مشي عندج التاكسي حدة 5 دقايق لي شارع العرب

عاد الحين طارت اسعاره

كنت بحجز في سويس قاردن هوتيل بس مادري شلون عريت عليه ههههههههه
استخرت وحجزت والحمدلله

 

[C O L O R Z]

حياتي كلورز
حياج يادفعه
وين بتقعدون بكوالا ​

هلا ام الدرر

خلااااص امس رسيت على امبيانا كي ال سي سي
Impiana klcc

بين البرجين وبين شارع العرب

ربي ييسرلنا ويطلع حلوو ونظيف و تكييفه باااارد هههههه:yaaaaaarb: :yaaaaaarb:


شعندكم من يهال ؟؟ انا ولدي بريحاته ادورله ربع :eh_s(16):

 

[C O L O R Z]

بالنسبه للتذاكر شوفي العمانيه مسوين خصم حق رمضان يمكت تذلع عليج 180 والفنادق بوكينغ هم مسوي خصومات حاليا اما الاكل فرخيص مايكلف يشي 20 دينار يكفيكم اكل غدى وعشى اذا فاست فووود يعني تقريبا 400-500 اكلكم
والسوق والاماكن الثانيه يعتمد عليكم بالنسبه لتكاثيهم واااايد رخيصه

180 والله زين .. يابلاااش

عاد يوم كنت ادور على شهر 6 كانت العمانية حيل غالية
وحجزت عالقطرية تقريب ا ب300 الشخص

اذا 180 والله حجزوا وانتو مغمضين :eh_s(15): :eh_s(15): :ggdw:

 

[mafio98]

كولوز انا حاجزه ومخلصه بس حق اللي اسالت جم اسعار التذاكر الحين ؛)


وكولورز جم عمر ولدج الله يخليه لج انا باخذ هم ولدي محاي وقاعده احاتي الحنه من الحين الله يعين

 

[al_3needa]

الله يعطيج العافيه اختي كالورز ماقصرتي

 

[al_3needa]

خواتي ابي مساعدتكم بخصوص محلات ملابس الاطفال

ابي اسم المحل وفي اي مجمع

بس ابي محلات مو موجوده عندنا

 

[C O L O R Z]

كولوز انا حاجزه ومخلصه بس حق اللي اسالت جم اسعار التذاكر الحين ؛)


وكولورز جم عمر ولدج الله يخليه لج انا باخذ هم ولدي محاي وقاعده احاتي الحنه من الحين الله يعين

ولدي اسم الله عليه رابعه ابتدائي يروح خامس .. يعني يفهم حق السفر وهم يتملل يبي احد معاه
كاسر خاطري
عيز واهو يعزم على عيال خالة وخالته عباله الروحة بالساهل ههههههه
انتو متى سفرتكم ؟؟
مالي خلق ارد انبش اقرا بالصفحات الي قبل هههه لووول