تجمع محبات كتب تطوير الذات

[HAD.Lavender]

السلام عليكم بنات
حبيت اسوي تجمع حق البنات اللي يحبون كتب عن تطوير الذات و حابة من البنات اللي قروا من هالكتب يقولولنا ,,, يعني كل وحدة قرت كتاب عن تطوير الذات تقولنا عنه نبذة مختصرة عشان الكل يستفيد و مشكوورين بنات

انا راح ابتدي
1- كتاب قوة عقلك الباطن( موجود في مكتبة جرير) : كتاب جدا روعة و وايد مفيد صراحة
2- كتاب القوة الخفية للعقل الباطن ( موجود في مكتبة جرير): هذا الكتاب تقريبا نفس كتاب قوة عقلك الباطن بس بعد حلو و طريقة اسهل من الكتاب الاول و الشرح غير بس حلو

و انشاء الله اكملكم بعدين لاني قاريه وايد كتب جذي :eh_s(6):

 

[drawing life]

1- كتاب كيف تتعامل مع الناس للكاتب الشهير دايل كارنيجي..يدور حول الاخلاق العامه وكيفية علاج بعض المشاكل الاخلاقيه ..وبعض الصفات المفضلة في الشخص المثالي والمحبوب ..كتاب بسيط وحلو وخفيف عالنفس ..انصح كل المبتدئين بقراءة هالنوع من الكتب بقراءة هذا الكتاب ..

2- كتاب ايقظ قواك الخفية ..الكاتب انتوني روبنز ..الكتاب له طعم خاص ومكون من 600 صفحة الصراحة معنه طويييييل حيل ..بس غير مجرى حياتي وعطاني شحنه قوية من التفاؤل ..الكتاب يتكلم عن قدرات الانسان الكامنه ..وكيفية النهوض بها وتحفيزها ..


وودي اتكلم اكثرعن الكتب اللي قريتها ..بس هالكتابين من اكثر الكتب اللي اتبناها لميولي..

يعطيج العافية على الموضوع الروعه هاد لافيندر..

 

[HAD.Lavender]

drawing life مشكورة حبيبتي على مشاركتج
كتابج الاول انشاءالله بشتري و اقراه شجعتيني و كتابج الثاني عندي و قاعدة اقراه بس لي الحين ما خلصته و صح حلو
و الله يعافيج حبيبتي

 

[meera15]

1- كتاب (لا تتأخر مرة ثانية) للكاتبة ديانا ديلونزور
يمكن تستغربون من العنوان بس الصراحة كتاب عجيب يعالج مشكلة الناس اللى دائما تتاخر عن مواعيدها مثلي

حسيت ان في احد يشاركني هالمعاناة
واستفدت منه وايد
مكتبة جرير

2- كتاب (دع القلق وابدا الحياة) لديل كارنجي صحيح الكتاب قديم بس جد ما أمل من قرايته ومفيد جدا

 

[HAD.Lavender]

يعطيج العافية meera15 خووش كتاب و الله ودي اقرا عاد صج احتاجه
انشاءالله راح اشتريه ,, و بحطه باللسته

 

[HAD.Lavender]

و ين البنات ؟؟ ماكو الا 2 شاركوا و يعطيهم العافية

 

[~TRTR]

شريت من جرير كتاب وداعاً للخجل وايد حلو ومفيد
وحتى اسلوب الكاتبه حلو ومايملل وايد اسمها ليلى لونديز
يعلم الاشخاص اشلون يتقلبون على الرهاب الاجتماعي بكافة انواعه ويعزز الثقه بالنفس

 

[دهن عود 6]

The Power of focus by Jack canfeild
Seven of habits of highly effective people by Covey

 

[HAD.Lavender]

مشكورين بنات

 

[أغلى الأثمان]

مرحبااااااااااااااااااااااا

اذا تعرفون كتاب يطور فن الاسلوب والحوار اذكره

بنسبة للتطوير الذات فهو كيف تخطط لحياتك عجيييييييييييييييييييب

وكتب ابراهيم الفقهي عجيب

وبرنامج عمتني الحياة ................... روع لطارق اسويدان

 

[noorkuwait]

السلام عليكم
احسن كتاب والحمدالله طبقته بحياتي
1-سيطر على حياتك د.ابراهيم الفقي وااااااااااااااااااااايد حلو
2-البرمجه اللغويه العصبيه د. ابراهيم الفقي مممم يحتاج تقرينه اكثر من مره
3-المتاتيح العشره للنجاح د.ابراهيم الفقي وااااااااااااااااااااااايد حلو وطبقته
4-قوه التحكم في الذات د.ابراهيم الفقي واااااااااااااااااااااااااااااااااااااااااااااااااااااااااااااااااايد حلو ومفيد يخليج تفرحين بالحياه
5-العادات السبع للناس الأكثر فعاليه ستفين ار كوفي حلو وما خلصت مازالت اقراه
6-كيف تسيطر على الأخرين خلال 14 يوم للكاتب برتون كابلان "ما قريته في الخطه راح اقراه"
7-قوه التحكم التفكير د.ابراهيم الفقي وايد زين
8-استمتع بحياتك د.محمد العريفي امبيه واااااااايد حلو والميزه اللي فيه تقدرين تقرينه مليون مره واعتبره مرجع حق حياتي يعني اي مشكله اشوف الكتاب من الفهرس واشوف طريقه شلون اتعامل مع المشكله
وسلامتكم

 

[noorkuwait]

امبيه نسيت شي ياربي شنو اسمه مممممممممممم اسمه عن الحياه تكون سعيد
حق الكاتب محمود المصري وااااااااااااااااااااااااااااايد حلو ومفيد واقعي
وشكرا

 

[HAD.Lavender]

مشكورين وايد بنات و كتب د.ابراهيم الفقي صج مفيدين و ان شاءالله اقدر اقراهم كلهم

 

[Eng.shosha]

قريت كتاب ( افعل شيئا مختلفا ) لـ عبدالله علي العبد الغني ..

روووووووووووووووووووووعه يهبل يهبل
الشرح بسيط وسهل .. وبسرعه ينفهم .. وأهم شي يبين لج
خطوات تغيير حياتج وشلون تسوين شي غييير عن كل مره ..
والحلو ان ملوون وفيه صور وحركاات يعني صج جهد متعووب عليه
وهم يايب استشهادات من القرآن أو أحاديث أو حتى أقوال شخصيات كبار
وايد أثر فيني .. أتمنى تقرونه

 

[HAD.Lavender]

مشكورة حبيبتي ام عبدالمحسن صراحة شوقتيني اقرا هالكتاب لاني احب الموضوع اللي فيه استشهادات من القران عشان افهم القران اكثر جذي
و ماقصرتي

 

[ملاك82]

كتاب قدرات غير محدوده - للكاتب انتوني روبنز .
وايد مفيد وغير نظرتج للحياه

وكتاب سوف تراه عندما تؤمن به - للكاتب داندبليو داير .
الكتاب موطبيعي بصراحه شيء ثاني والاغرب انه هالاكتشافات اللي اكتشفها كلها ترجع لاساس عقيدتنا الاسلاميه سبحان الله
يعني اهم يتعبون ويفكرون ويوصلون لاستنتاجات واحنا كل شيء يدامنا بس ما نحس بقيمته وهذا الحلو فيهم .
وعندي كتاب ثاني اسمه لغه الجسد وكل هالكتب تحصلونهم بمكتبه جرير
وموفقين

 

[sose 11]

قريت كتاب ( افعل شيئا مختلفا ) لـ عبدالله علي العبد الغني ..

روووووووووووووووووووووعه يهبل يهبل
الشرح بسيط وسهل .. وبسرعه ينفهم .. وأهم شي يبين لج
خطوات تغيير حياتج وشلون تسوين شي غييير عن كل مره ..
والحلو ان ملوون وفيه صور وحركاات يعني صج جهد متعووب عليه
وهم يايب استشهادات من القرآن أو أحاديث أو حتى أقوال شخصيات كبار
وايد أثر فيني .. أتمنى تقرونه

صج كتاب روعه حلووحيل استفدت منه

 

[sose 11]

كتاب مائة شمعه لا تنطفىء

تأليف : ماجد بن ناصر العمري

كتاب بشكل 100 شمعه وكل شمعه عباره عن جمله قصيره بس لها معنى كبير الكتاب حلووشكله يشوق

وامثله من الكتاب :

لن تصل الى القمه بللا جراح ولن تبلغ الغايه دون معارك فلتكن صبورا

من يريد ان يعمل كل شيء فلن يعمل اي شيئ

اقرا في سير الناجحين واغمض عينيك عن ضجيج الفاشلين

 

[sose 11]

كتاب 365 لحظه تسامح

تاليف "عبد الله العثمان "
نفس فكره افعل شيئا مختلف

يتكلم عن التسامح والسعاده وان كل يوم من السنه تكون فيه لحظه تسامح نفس الشي كتاب فيه قصص واستشهادات قرانيه واحاديث وتصميمه حلو

 

[HAD.Lavender]

قريت كتاب ( افعل شيئا مختلفا ) لـ عبدالله علي العبد الغني .... وااااااااااايد حلو ممتع و مفيد جدا
يعطيج العافية ام عبدالمحسن

و البنات اللي شاركوا و عطونا اسماء كتب و آرائهم يعطيكم العافية و ماقصرتوا
و ان شاء الله اقرا الكتب كلهم )

و ان شاءالله الكل يشارك و يقولنا

إضافة جديدة )
1.ايقظ قواك الخفية للكاتب انتوني روبنز ... كتاب 600 صفحة بس جدا مفيد يتكلم عن الطاقة الكامنة في داخل عقلنا الباطن و طبعا ذاكر لنا عن تجاربه و تجارب وايد ناس و شلون تغيروا و انجحوا و و و ... انصحكم في قرائته
2. اضغط الزر و انطلق للكاتب روبين سبكيولاند ... هذا الكتاب وحدة من البنات جزاها الله خير تكلمت عنه و صراحة ما اذكر اسمها بس قريته و صج كان حلو و مفيد جدا جدا .. مكتوب على طريقة قصص قصيرة و طبعا قصص نجاح و كلها مفيدة