تجمع مراجعات الدكتوره ناهده العلي

[Om_HoBi]

يالله باجر موعدي خل انصدم عسى ما اكون 1س
راح اتحببببببط

 

[lawyara]

بنات العياده تفتح اليوم السبت ؟

 

[مرت الغلا]

السبت من ٩ الصبح لي ٤ بس

 

[مرت الغلا]

الحمدلله ولدت عندها بقيصريه قبل يومين



ماعندي قصه ولاده تدرون ان البيبي مانزل بالحوض لان حوضي صغير عليه وتاكدت عند اكثر من دكتوره والحمدلله على كل حال
فدكتورتي حددتلي موعد العمليه واذا صار شي قبل ادش طواري وتولدني بس الحمدلله
ماصار شي بس زاد الثقل علي وافرازات الشهر التاسع الي مثل السداده خرعتني نزلت وطلق كان يعور بس مو منتظم

يوم العمليه اكيد مانمت شي مواصله ييت حطولي درب ولبست وتخطيط بعدين يوا خذوني للعمليات
وغزيت ابره ظهر مع ان كنت ارجف وبغيت اطلب بنج كامل بس الحمدلله اخذت ابره الظهر نعمه تحزين بغزه خفيفه بعدين تحرق شوي وتحسين كهربه بجسمج
وينمل الدكتور شوقي بدار الشفا تهبل ايده خفيفه اهو غزني
بعدها انسدحت ويت دكتورتي وحطوا حاجز بينا وقعدت تشتغل تقص وماحس بشي بس ان في شي يصير شنو مادري لوووول
عشر دقايق ويمكن اقل طلعت ولدي شفته وودوه نظفوه يمي ويابوه بسته وصورت معاه وطلعوه لاهلي وقعدت تنظفني نص ساعه مع خياط وبعدين ساعه ونص بالافاقه نطرت وطلعوني غرفتي وطلبت ابره الظهر اتم فيني لي ثاني يوم عشان ماحس كان الم خفيف شوي بس اتحمله مع مسكنات الحمدلله

والله يسهل عليكم

 

[bntnoura]

مرت الغلااا الحمدلله علئ سلامتج

 

[مرت الغلا]

الله يسلمج حبيبتي

 

[q8_goga]

الحمدلله على سلامتج مرت الغلا
ولدتي بالشفا مو؟
انا ولدي مايابوه لي الا عقب خمس ساعات مت وانا احن عليه

 

[روان_الكويت]

الحمد الله على سلامتكم

 

[البابانه توته]

حمدالله على سلاااامتج ويتربى ابعزكم

 

[وداعيه]

مرحباا . حوامل بسالكم عن دكتوره ناهده شخبارها
كل ما اسال احد مايمدحها


مع اني بولادتي قبل خمس سنوات جربتها

والحين ودي اراجع عندها !

وماتدرون جم تاخذ ع الولاده الطبيعيه

قبل اذكر ٢٥٠

 

[Lulu_Perla]

سلام بنات

مجربين القيصرية عند دكتورة ناهدة..؟؟؟

و شلون طريقة مواعيدها..!!!

 

[lawyara]

انا ما جربت ولاده عندها بس اللي اسمعه انها شاطره وصبووره
بس عيبها الزحمه مراجعاتي كله تتأجل وايد زحمه

 

[.:lady bug :.]

منو الجذابه الي ماتمدحهااا سووري انا دايم اراجع عندها
واخر ولاده عندها تقولون ليش ماولدتي من قبل للني سكر وامي تبيني بالحكومه

اتهبل وصبوره وبالها اطويل وتضحك وتدعي ع طول والفحص ايدها خفيفه
وبالولاده اتهبل ياحلوها وبسس

 

[البابانه توته]

ررررفع

 

[Lulu_Perla]

بديت اراجع عندها
و الله يسهل
عيبها بس المواعيد و انا طفارتي التأجيل
بس ماعليه نصبر اهم شي دكتورة مريحة و فاهمة و الله يسهل ان شالله

 

[مـهـــابــــه]

باذن الله براجع عندها .. بالبداية كنت حيل متساهله و بنفس الوقت ماكان لي نيه اجرب دكتوره من برا المستشفى لان اخاف تتأخر علي للامانه بعد ما ارتفعت شوي و بديت احس الموضوع يبيله اختيار و تأني قررت اولد عند وحده من ثنتين يا دلال السالم او ناهده العلي وبما ان دلال مواعيدها صباحيه ماتناسبني بشوف ناهده والله ييسر يارب

 

[البابانه توته]

بنات اذا لاقدر الله وحده اولدت قيصريه عندها

تسوي شد للبطن ؟؟

 

[Lulu_Perla]

الي اعرفه عمليات الشد مايسوونها دكاترة النسا و الولادة
دكتور سمنة و تجميل هو الي يسويها
يعني لازم تطلبينها

 

[Om_HoBi]

الدكتوووره عسل
توني اشوف الصفحه اللي طافت لقيت اني كاتبه ان اليوم موعدي 12/12 كان اول و اخر فحص هههه لأن ثاني يوم ولدت

انا من كثر ماكنت اكره سالفه تأجيل موعدي لأن عندها ولاده
سبحان الله ولدت عندها يوم اليمعه و كان عطلتها فالحمدلله ما اجلت موعد احد


انا فحصها ماحبيته و هم لأن وسعتني بس ان دقايق ماطولت و من شالت ايدها ماحسيت بشي عادي

ولادتها تهبل والله
يوم يتني كنت 7سم و قعدت يمي و انطرتني ليما صرت 10 سم
و يوم تخيطني قعدت اسولف وياها و عادي ولا جنه فيني شي هههه


احلى شي ابرة الظهر اخذوها و اهي تنصح فيها خاصه البجر اللي مو عارفه شنو الطلق و الولاده

راجعت عندها بعد الولاده اب 3 اسابيع عشان الخياط و بسسسس الحين لي 5 اشهر مارحت
انشالله ان حملت بروح لها

 

[البابانه توته]

حمدالله على سلااامتج