(تجمع مراجعات السلام)

[نفيشه]

رد: تجمع مراجعات الاستشارية د.امل عبدالعزيز الراشد فقط

الله يسمع منكم ويسهل امورنا
حدي قمت احاتي

 

[anooma_86]

رد: تجمع مراجعات الاستشارية د.امل عبدالعزيز الراشد فقط

الله يسمع منكم ويسهل امورنا
حدي قمت احاتي

تبين الصج حتى انا قاعده احاتي كنت متعوده على رشيده و انا ولادتي يوم الثلاثا انشالله... والله حدي قاعده احاتي

 

[kitten-85]

رد: تجمع مراجعات الاستشارية د.امل عبدالعزيز الراشد فقط

صبحكم الله بالخير ياحلوين - الجو حده حلو ولندني بعد

الحمدلله على سلامتج يا kitten-85
وادعيلنا عسى الله يسهل علينا الحمل وييسر ولادتنا ان شاءالله

الله يسلمج حبيبتي مشكورة والفال لج ان شالله تولدين بالسلامة انتي وكل بنات التجمع والحوامل يااااااااارب :eh_s(17):

 

[kitten-85]

رد: تجمع مراجعات الاستشارية د.امل عبدالعزيز الراشد فقط

الحمدلله على سلامتج يا kitten-85
والف مبروووك البنوتة
اخذتي بنج عام ولا ابرة ظهر؟
واذا ابرة ظهر منو عطاج ايها؟؟؟؟؟؟

هلا والله اختي الفرفورة رفرف سامحيني على التأخير بالرد حدي لاهية مع ولدي وبنتي الله يحفظهم ويخليهم

الله يبارك فيج حبيبتي مشكورة والفال لج ان شالله تولدين بالسلامة ...

انا خذيت بنج عام ... الدكتورة خيرتني بين ابرة الظهر والبنج العام قالتلي اذا نوعيتج خوافة البنج العام احسنلج واذ لأ عادي

شجاعة اخذي ابرة الظهر لان ببرة الظهر راح تكونين موتعية اثناء العملية واسولف مع الدكتورة وتعطيني البيبي اول ماينولد

بس انا كنت مترددة ببرة الظهر وخايفة منها + انا عندى تقوس بالعمود الفقري خفيف وبنت عمتي نفس الشي وبولادتها مافادت

معااها ابرة الظهر وحست بالولادة الطبيعية كانت بالصباح ... فتوكلت على الله وخذيت بنج عام ...

 

[&أم عبودي&]

رد: تجمع مراجعات الاستشارية د.امل عبدالعزيز الراشد فقط

ام عبودي بالعكس المستشفى قديم ومعروف ان زين
واصلا الحكومة متعاونة مع مستشفى السلام بخصوص الحضانات للبيبي
وايد اولدو وحمدالله امدو فيه وشوفي المشاركات اللي هنيه واللي في مواضيع ثانية
الغلا صار بكل المستشفياتمو بس السلام
شنسوي هذا حال مستشفياتنا
المهم السلامة وان دكتورتج معاج تثقين بخياطها سواء طبيعي ولا قيصري
والولادات اولا واخيرا حظوظ والله يعني شي يناسبج مايناسب غيرج سبحان الله

فرفورة صحيح كل المستشفيات زادت اسعارها بس هم ارخص بوايد عن السلام استغفر الله احس لما ادخله كأني داخله قبر موقادره ابلعه حاولت اقنع نفسي فيه غصب عشان الدكتورة بس مو قادرة حتى صليت استخارة بس ماكو فايدة كرهته بزيادة

 

[ام الوردة]

رد: تجمع مراجعات الاستشارية د.امل عبدالعزيز الراشد فقط

بنااااااااااااات اسعار الدكتورة جنها زااااااااااااااااادت

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

فرقاها رشيدوه الثوله
دكتوره سمر اضنها كويتيه انا يوم ولادتي كانت معاي د. سمر كويتيه مو مصريه اهي متروسه شوي و ويها سمح انشاء الله تكون اهي لانها عسل و تحسينها فاهمه و تقعد تجابلج بالغرفه ليما توصل الدكتوره

 

[kitten-85]

رد: تجمع مراجعات الاستشارية د.امل عبدالعزيز الراشد فقط

انا اليوم رحت مراجعتي عند الدكتورة امل جان اشوف الدكتورة سمر جنها مصرية ...شكلها زينة ...

جان تقولي الدكتورة امل غيرت يبت دكتورة عربية جان ابتسم لها واقول لها ادري قريت بالنت جان تتعجب وتضحك تقول من صجج بسرعة

اخباري توصل للكل مايحتاج اقول حق احد وقامت تضحك ...

 

[نفيشه]

رد: تجمع مراجعات الاستشارية د.امل عبدالعزيز الراشد فقط

بنات قاعدة افكر اخذ ابرة الظهر شرايكم؟؟؟
عاد انا خوافة حدي جبانه

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

مرحبا يا حوامل
ابشركم سويت الاشعة لحوضي وحمدالله انشالله اقدر اولد طبيعي بس هم يمكن صعبة لأة نهاية عظمة الحوض اسوي صغيرة والبيبي ليلحين مانزل بالحوض عدل وانا مو مفتوحة ولا سانتي
ام عبودي اشتري راحتج وشوفي المستشفى النسب لج والي ترتاحين لها
kittenاشلون الدكتورة معاج بالولادة واشلونهاعقب؟ وانشالله تقومين بالسلامة وتردين لزوجج عروس
نفيشة استخيري واخذيها والله عجيبة سواء قيصير ولا طبيعي
تكفون ابي دعواتكم

 

[بنتي الغالية]

رد: تجمع مراجعات الاستشارية د.امل عبدالعزيز الراشد فقط

الله يسلمج حبيبتي مشكورة والفال لج ان شالله تولدين بالسلامة انتي وكل بنات التجمع والحوامل يااااااااارب :eh_s(17):

آميـــــــــــــــن​

:wqedqw:

 

[y3sooba]

رد: تجمع مراجعات الاستشارية د.امل عبدالعزيز الراشد فقط

السلام عليكم امهاتنا
عساكم بخير
انا حاليا اراجع عند د.امل والكل كان يمدحهه لي بس ياربي ما احصلها بالمراجعاات ..كله هذي رشيده وكل ما اسألها واقولها عن شي فيني تقولي عادي عادي ... وذاك اليوم لما هددت وقلت يا اشوف الدتورة يا اكنسل الملف جان اشوفها
يا أمهاتنا هذا اول ياهل لي وانا حدي خايفه واحاتي .... اخاف يوم ولادتي ما احصلها ... يعني انا دافعه وحالتي حاله وآخر شي مو اهي اللي تولدني
وماشاء الله مراجعاتها مو هينه على40د.ك غير الادوية غير اذا في اشياء ثانيه تطلب منج تسويها ...
انا ما يهمني الفلوس كثر انها تريحني وما اتوهق بعدين حزت الولاده
تنصحوني اكمل عندها ؟؟

 

[anooma_86]

رد: تجمع مراجعات الاستشارية د.امل عبدالعزيز الراشد فقط

السلام عليكم امهاتنا
عساكم بخير
انا حاليا اراجع عند د.امل والكل كان يمدحهه لي بس ياربي ما احصلها بالمراجعاات ..كله هذي رشيده وكل ما اسألها واقولها عن شي فيني تقولي عادي عادي ... وذاك اليوم لما هددت وقلت يا اشوف الدتورة يا اكنسل الملف جان اشوفها
يا أمهاتنا هذا اول ياهل لي وانا حدي خايفه واحاتي .... اخاف يوم ولادتي ما احصلها ... يعني انا دافعه وحالتي حاله وآخر شي مو اهي اللي تولدني
وماشاء الله مراجعاتها مو هينه على40د.ك غير الادوية غير اذا في اشياء ثانيه تطلب منج تسويها ...
انا ما يهمني الفلوس كثر انها تريحني وما اتوهق بعدين حزت الولاده
تنصحوني اكمل عندها ؟؟

حبيبتي انتي الساعة جم تروحين العياده؟؟ لأن الدكتوره تكون متواجده من الساعة 11,30 مو قبل

 

[y3sooba]

رد: تجمع مراجعات الاستشارية د.امل عبدالعزيز الراشد فقط

هلا أنومه تسلمين عالرد
ياقلبي انا مواعيدي كلله بين الساعه 1 لي 6 .... وهم ما احصلها ... شسوي الحين حدي محتاره ؟؟

بنااااات عفيه تفاعلو ابي رد يريحني

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

والله حياتي انا احصلها من 11
بس يمكن على حظج يكون عندها ولادة
يعني مثل ما انتي تبينها حزة الولادة غيرج بعد يبيها
بس لاتحاتين انشالله بتلقينها المرات الياية انا الخميس كنت عندها عال3 تقريبا وحصلتها

 

[نفيشه]

رد: تجمع مراجعات الاستشارية د.امل عبدالعزيز الراشد فقط

رفرف
كل ما اشوف شريطج مال البيبي يعورني بطني
ماباقي شي انشالله الله يسهل علينا يارب

 

[anooma_86]

رد: تجمع مراجعات الاستشارية د.امل عبدالعزيز الراشد فقط

السلام عليكم بنات... باجر دخولي المستشفى ادعولي بالسهاله

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

هاهاهاااهاه
نفيشة انا كل ما اروح عند الكتورة واسمع عندها ولادة بطني يخبطني
ذاك اليوم قلت لها قامت تضحك
انوما الله يسهل عليج يارب ويقومج بالسلامة

 

[بنتي الغالية]

رد: تجمع مراجعات الاستشارية د.امل عبدالعزيز الراشد فقط

اللي تبي تحصلها لازم تدق على العيادة قبل ماتروح موعدها واهمه يقولونلها اذا اهيه موجوده أو عندها ولادة

 

[kitten-85]

رد: تجمع مراجعات الاستشارية د.امل عبدالعزيز الراشد فقط

مرحبا يا حوامل
ابشركم سويت الاشعة لحوضي وحمدالله انشالله اقدر اولد طبيعي بس هم يمكن صعبة لأة نهاية عظمة الحوض اسوي صغيرة والبيبي ليلحين مانزل بالحوض عدل وانا مو مفتوحة ولا سانتي
ام عبودي اشتري راحتج وشوفي المستشفى النسب لج والي ترتاحين لها
kittenاشلون الدكتورة معاج بالولادة واشلونهاعقب؟ وانشالله تقومين بالسلامة وتردين لزوجج عروس
نفيشة استخيري واخذيها والله عجيبة سواء قيصير ولا طبيعي
تكفون ابي دعواتكم

والله الدكتورة امل تهبل خوش دكتورة الحمدلله ...

انا ولادتي قيصرية وبنج عام فمادري شصار طوووول العملية ناااايمة ومو بوعي ههههههههه بس الي يظحك يوم ولادتي

يوم الاثنين 26/4/2010م كان لي تقريبا 20 او 21 يوم بالتاسع ......

كان هاليوم فلم هههههه اول شي ولادتي كانت بيوم عيدميلادي ولادتي هالمرة قيصرية لان مثل ماقلت لكم قبل البيبي مو راضي يفتر

والراس والريول والايد فوق وتحت بس المقعده يسمونها وضعية المقعدة او (بريج) فيوم ولادتي رحت ومافيني ولادة ولا

طلق واذكر الدكتورة موصيتني اقوم الفير بنفس يوم العملية واتريق ولازم بعد 6 الصبح ما اكل شي على اساس عمليتي

الساعة 1 الظهر وانا يومها من الخرعة شبه مواصلة مو يايلتي النومة وماكنت يوعانة وماقمت تريقت الفير بعدين ماتريقت الا

6 ونص الصبح 7 الا ربع وماكلة بيض مفيوح وشاي وصمون وتمر ههههه كثرت بالاكل ومن الخرعة الاكل وقف مو

راضي ينهضم والله تأخرت العملية لي ال 3 ونص الظهر بسبة هالبيضة المفيوحة ههههههه صارت قصة البيضة

المفيوحة ... فأذكر الدكتورة وانا مدخليني غرفة العمليات وبحالة عمري وعيوني تغورق قاعدة ابجي خايفة احس رايحة

للموت بريولي ومادري بعيش والا بحيا بيوم ميلادي والا الدكتورة امل تهبل دمها خفيف قاعدة تضحكني تقولي ها بشري كل

شي اوكي انهضمت البيضة المفيوحة قلتها ايي الحمدلله واخيرا جان تقول ودج تطلع لنا الحين بالعملية ( يعني اثناء العملية

مع البنج ) ههههههههه :dddds: قمت اضحك :krkrkr: شوي خففت عني والحمدلله كانت العملية اوكي نص ساعة

واحنا خالصين وطبعا اهلي مصورين بالفيديو اول ماطلعت الدكتورة تبشرهم بالبيبي (بنوتي) كان دمها شربات تقول ان بنتي

فضحتهم ماتبي تطلع من بطني ههههههههه وشمخت الدكتورة ... وامي تيبب والكل مستانس والدكتورة تقول حق امي ليش

تيببين ليشش متعجبة ان بنت مو ولد والكل امي وابوي وريلي وحماتي ومرت عمي وبنت عمي وبنت عمتي كانوا ياييم المستشفى طايريين من الفرحة

هههههههه مستغربة ان بنت والكل طاير من الفرحة (انا الحمدلله بجري ولد) وماعندي خوات بنت بين صبيان فميتين

كلنا نبي بنية ومحد كان يدري ان فيني بنت كنت مخليتها مفاجأ ...... _03BA: واهلي مو مصدقين انها بنت جان تقولهم

لحضة لحضة شككتوني خل اروح اتاكد هههههههههه جان تطلعلهم بنتي :eh_s(6): فالحمدلله يومها كان وااااايد اكشن

والحمدله كانت احلى هدية لي صج تعبت بيوم ميلادي بس صج ذكرى لا تنسى الحمدلله على عطية رب العالمين ...

للعلم انا كنت ارجع عند دكتورة نزهت بالسلام طوول فترة حملي وعلى آخر جم يوم قبل لا اولد بقأقل من اسبوع رحت حق

الدكتورة امل الراشد والحمدلله ... وآسفة واااااااايد طولت عليكم وهذي قصة ولادتي ببنتي حبيبتي والفال لكم ان شالله تولدون

بالسلامة يااااااااااااارب ...