(تجمع مراجعات السلام)

[مدام فاشن]

انا ارااجع عند دز محمد صلاح بالعيادات الخارجيه لان حالتي خااصه ووايد مدحووه لي بس مادري عن ولادته ؟؟؟ويااريت اللي تعرفه ومجربته اتقووولييي

بصراحه انا انصحج فيه خوش دكتور وانا كنت اراجع عنده لي اخر التاسع

وبلغني انه بيسافر وسبحان الله اهوا سافر هني وانا ياني الطلق ثاني يوم
وطبعا قبل لا يسافر عطاني موبايلات الدكاتره الي عنده
وقالي اي شي تدقين عليهم

وكانت ولادتي ثاني يوم العيد الفير
والله دقو عليهم وبسرعه يوني الي اهوا دكتور محمد حلفاوي ودكتور خالد واثنينهم ولدوني
والحمد الله رب العالمين

وعن خياطهم انا اول ولاده لي فمااعرف اذا كانت زينه او لاء بس الي اشوفه مثل قبل لا اولد

وبصراحه الدكتورين اعطيهم 10%10
والمستشفى من خدمه ومن سسترات هم اعطيهم 10% 10

 

[مستغربه]

سلام انا خذوا مني 20 دينار مع ا ني ماطوفت شهر مادري ليش حسيتهم صاروا يبوقون اشكرهه

والسوناار ب 9

بس مادري ليش الدخلة على الدكتوره صارت غاليه 20 دينار وايد صراحه

 

[pe-engineer]

بنات عفيه قولولي شلون د.نجمة حزة الولادة وشلون خياطها

 

[y3sooba]

بعد مو 15 صار 20
يالله من يزيد لوووووووووووووووووول d:

 

[y3sooba]

بنات عفيه قولولي شلون د.نجمة حزة الولادة وشلون خياطها

حبيبتي انا وايد اشوف بالمنتدى يمدحونها اهي ونزهت

 

[pe-engineer]

د. نجمة أحسها باردة, بس متوكلة على الله ان يسخرها لي انشالله بولادتي...

 

[ام شريفه]

اشلون خياط د. محمد بكري؟؟

 

[عبث طفله]

من صجكم الدخله صارت ب20 !!!!!!!!!!!!!!!!!!!!!!!!!

ياحليلنا قبل ندش ب10 والسونار 7 17 وحنا ماشين

الحين اذا الدخله 20 والسونار 9 حرام عليهم عاد هذا مستشفاااي اهئ اهئ انا مولوده فيه

 

[حرم سي السيد]

بنات انا انشالله بولد بالسلام بس محتاره عند اي دكتور

وريل يبيني اولدعند جمال او نزهت لان ريلي معاهم بالمستشفي وعارفهم وقالي على ضمانتي

ولاتخافين انتو شرايكم

 

[عبث طفله]

اهلين حرم سي السيد


مدام زوجج يعرفهم توكلي على الله واولدي عند الشرعان حيييييييييييل ممتاز ..

 

[جوريه^الكتكوته]

انا توني رايحه السلام وصارت الاسعار 15 اول ما دشين مو 20 وبعدين 9 حق السونار
بس بطو جبدي شكو يزيدون الاسعار فجاه جذي

 

[عبث طفله]

من الشهر اللي طاف زايدينها ..

بس ليش يجذبون علي قالوا لانج مطوفه شهرين ما جيتي زدناج .. لو قايلين لي من الاول شنو مقصه !!!

 

[جوريه^الكتكوته]

لا مو من الشهر الى طاف انا موعدي كان يوم 8/5 حزتها غيروه وانا رحت لهم قبلها باسبوع كان عادي اي صح قالت اذا تاخرتي عن جم يوم عن الموعد نزيد الاسعار

 

[عبث طفله]

شهالسياسه الماصخه .. شكو انتوا اتأخر ولا ما اتأخر . ؟؟ ؟

 

[احلى من الحلى]

والله يابنات انا اليوم موعدى وبلغتنى الى بالرسبشن انه الاسعار تغيرت انا قتلها بصراحه انا بشتكى مايصر كل دقيقه اتزيدون الاسعار


وبصراحه كل شى صار نار عاد قالتلى تعالى ودشى على المسوول وكتبى الشكوه

والله لو كل وحده اكتبت راح يحسون انه ماله داعى هالزياده

 

[ام شريفه]

انا موعدي 20\5 و الصراحه بسوي نفسج و أكتب شكوى

ياليت كل البنات الي بيراجعون يسوون نفس الشي بعد

 

[عبث طفله]

ولا يهمكم بكتب شكوى اليوووووووم

نخليهم يحطون لنا الدخول ببلاش بعد لووووول

 

[y3sooba]

يبييييييييله ... حتى انا بكتب شكوى صراحه مصخوها

 

[حرم سي السيد]

والله محتاره عند اي دكتور اراجع

 

[عبث طفله]

امس رحت لهم وصج الدخول 15 والسونار 9 كتبت شكووى

بس شكله لاحياة لمن تنادي

وتقولي اللي تطوف موعدها ما تجي بجم يوم يصير الدخول ب20 !