تجمع مراجعات مستشفى الهادي

[سبايك ذهب]

قوة بنات حابة نسوي تجمع خاص بمستشفى الهادي للاستفادة من الدكاترة والمراجعات وخدماتهم
نبي نعرف اسعار الغرف بالنسبة للتخدير جم مرة ولدتي فية منو احسن دكتور اودكتورة ​

 

[Om _ Almona]

رد: تجمع الوالدات بمستشفى الهادي

انا بجري ولدتها بالهادي
تجربه حلوه والسسترات وايد زينين وأسعار الغرف مقبول
وعندهم الدكاترة الخوات (بهواني ولجمي) طق عصي عليهم وايد زينين
بس انا دكتورتي كانت من بره (نجيبه القطان)
بس المستشفى

زحــــــــــــمـــــــــه والغرف مو ذاك الزود
وماكو مواقف
ولمن ادشين جنج داشه مجمع هههههه
(نافورة الكاكاو بصوب/ ومحل البالونات بصوب/ Sweet Factoru بصوب/ StarBucksبصوب)
بإختصار لووووويه

فأنا الحين قاعده افكر اني اولد بالمواساة
ودكتورتي إن شاء الله (د/ نداء بوخضور)

 

[حشمه]

رد: تجمع الوالدات بمستشفى الهادي

ولادتي بالبجر كانت عند دكتوره ناديه والغرفه الملكيه تقريبا كل شي كلفني بين 700 و900

هالمره ان شالله بعد ناويه بالهادي الولاده بس حاليا دكاتره الهادي وايد ياخذون اجازات وننصدم انهم

مسافرين مايبلغون مرضاهم الا اللي اخر الاشهر

ودي اغير الهادي بس مرتاحه على الدكتوره وتعودت على مراجعاتهم طبعا الكشف 10 ولو ماصار لج شهر

الكشف يكون ب7 والسونار ب14 وتخطيط الطلق اظن ب13

هذا اللي ذاكرته

 

[غيد مطير]

رد: تجمع الوالدات بمستشفى الهادي

انا ولدت بجري والثانيه كل بالهادي الاولى عند راشمي والثانيه بهواني بس حييييييييل زحمة عليهم


وولادتي هذي ماكنت مقرره اولد بالهادي لانهم كانوا مسافرين وراجعت بالسلام ولما عرفت ان بهواني ردت شكلي بروح لها


اسعارهم زينه وكمامهم قوي يهببببببببببببببببل بس الغرف يعنييييييييييييي وانا ماخذه لستت الاسعار بدورها واحطها لكم ان شاء الله

 

[*ستايلي غييير*]

رد: تجمع الوالدات بمستشفى الهادي

انا ولدت بالهادي عند الدكتوره معصومه المستشفى حلو واهم شي الكمام يهبل والغرف حلوه مجدده والسسترات شطار 000

" اسال اشفيلله العظيم ان يشفي مرضانى ومرضى المسلمين اجمعين "
آآآمين

 

[سبايك ذهب]

رد: تجمع الوالدات بمستشفى الهادي

الله يسهل علينا ولادتنا ونفرح بالبيبي يجعلهم من الذرية الصالحه

 

[سبايك ذهب]

رد: تجمع الوالدات بمستشفى الهادي

للرفع

 

[كشكول]

رد: تجمع الوالدات بمستشفى الهادي

الحق ينقال

أنا توني والده بشهر ثلاثه

كمامهم مو قوي وعذبوني أصااااااارخ عليهم اقول ابي كمام ماكو فايده

تعــــــقدت من الهادي ... كنت اسمعهم يقولون كمامهم قوي بس بين لي العكس ...

( أنا بجر )

 

[بحور الذكريات]

رد: تجمع الوالدات بمستشفى الهادي

والله الحمدالله ولدة فيه صارلي 7 ايام طبعا بقيصريه اسم الله عليكم العيب مني لان الحوض ضيق
والله جد روعه رعايته والسسترات والغرف روعه ماخلوني كل ساعتين يطلون علي وكل ماطقيت الجرس عليهم يجوني ركض
طبعا اخذة غرفة اللي تحت الملكي صاله وغرفه ومطبخ تحضيري
مع العمليه صار علينا 780 دينار

 

[غلا ماجد]

رد: تجمع الوالدات بمستشفى الهادي

بنات بقولون تنصدمين من الاسعار اخر شي؟؟؟؟؟؟؟؟؟؟ و منو احسن دكتورة ومن متى فاتحين ملف عندهم يعني اي شهر؟؟؟؟؟؟؟؟؟؟؟؟

 

[هاردلك ياحظي]

رد: تجمع الوالدات بمستشفى الهادي

انا ولدت مرتين عندهم وماشاءالله روعه واظن بوالدتي الثالثه بعد فييييه

ولدت عند الدكتوره رشمي اخت بهواني ...... صج انها عصبيه بس اهي اللي تقدر علي

لاني عنيييده بالولااااده

 

[كليرز]

رد: تجمع الوالدات بمستشفى الهادي

انا ولادتي الثانية عندهم وقيصرية عناية ممتازة وانا كنت اراجع بحمالي عند الاستشاري جعفر القناوي وعلى اخر شهرين عند رشمي
بصراجة دكاترتهم كفااااءة منهم دكتور جعفر - سامي - اشرف حيييل شاطر وعصام هذا غير رشمي وبهواني
وانا الحين اراجع عند الدكتور جعفر وانشالله بولد عندهم

 

[حيص بيص]

تجمع اللي يراجعون عند د. نجيبه القطان

قوه كروشات...:dddds:

بصراحه نبي هذا التجمع علشان نفيد ونستفيد

انا صارلي سنتين اراجع عند الدكتوره

نجيبه القطان

حبوبه متواضعه...موراعيت فلوس مثل بعض دكاترت الخاص

ولدت معاها ولادتي الاخيره قبل سنه..ولادتي متعسره لاني مافتح معاي الرحم ونزل الماي ومافي طلوق كلش

اصبرت معاي..ووعطتني طلق صناعي..ومع الكمام والابر الحمد لله ولدت طبيعي..وان شاء الله الولاده الجايه بعد

وانتم شنو تجربتكم معاها؟؟؟؟؟

 

[ليمار الكويت]

رد: تجمع ..مراجعات د.نجيبه القطان..وللاستفسارات

ماعرفها بس ان شالله استفيد منكم

 

[سعادتي برضى ربي]

رد: تجمع ..مراجعات د.نجيبه القطان..وللاستفسارات

انا اليوم اول مره اروح لهاا
وارتحت لهاا ومثل ماقلتي ماعندها كلام وايد وكلش مو ماديه

بس للحين ماادري اخليها تولدني ولا لأ

 

[Om.MeMe]

رد: تجمع ..مراجعات د.نجيبه القطان..وللاستفسارات

ولله انا ان شالله لما احمل بإذن الله بروح اراجع عندها و افتح ملف ان شالله شوقتوني الصراحه وايد يمدحونهااااااااا​

 

[حوور العين]

رد: تجمع ..مراجعات د.نجيبه القطان..وللاستفسارات

خووووووووووووش دكتورة بس ما جربت تولدني بس اراجع عندها وهذا ثالث بيبي لي وانا عندها وايد حبوبة

واهم شي انه ماكو زحمة

 

[حيص بيص]

رد: تجمع ..مراجعات د.نجيبه القطان..وللاستفسارات

ان شاء الله تجربونها وتدعون لي

 

[ipink]

رد: تجمع ..مراجعات د.نجيبه القطان..وللاستفسارات

انا اراجع عندها والحمدلله مرتاحتلها وايد وانشالله ناويه تولدني بس انا بجر

 

[MyLittleBerry]

رد: تجمع ..مراجعات د.نجيبه القطان..وللاستفسارات

انا بحملي في بنتي وولدي عندها ولدتني مره

والحين في هالحمل بعد عندها

موماديه وايد زينه وتسولف وتعطيج كل وقتها

وتشرحلج وضع البيبي عدل