تجمع مراجعات مستشفى رويال حياة

[حنووونه25]

السنه الي طافت كانت القاعه اب ٥٠٠ زادو اسعارهم

 

[حنووونه25]

رويال حياة صار شي مو طبيعي من الزحمه
اذكر كنت ابغرفة الولاده ووحده بره تنطر غرفة تفضى عشان ادش
من جذي هالمره هونت ماابي اولد عندهم معنهم وايد زينين بس بدورلي مكان اخف مافيه زحمه

 

[حبيبة اهلهاا]

الوووووي مفكره يا اخذ قاعه او كاميليا لحد الحين مادري

 

[حبيبة اهلهاا]

نوووف اكيد غرفهم خاصه

العمومي بس بمستشفيات الحكومه

و اعتقد عادي ادخلين اكثر من شخص بس تدفعين زياده

بس تبين الصج وقت الولاده ماودج احد يدخل معاج خصوصا زوجج لا يشوف الدم و يكره الولاده

 

[حبيبة اهلهاا]

عن النسا افرق امين يزاج الله خير حبيبتي و الفال لج

 

[حبيبة اهلهاا]

اي حنونه كل شي ادبلوووه و مع ذلك هم زحمه حيل بعد مو شويه

السلام روووووعه

انا بولد فيه عشان دكتورتي ما تولد الا فهالمستشفى

 

[noufb]

مشكورين بنات انا سالت لاني والده قبل هالمره بدار الشفا وكان في نوعين غرفه بروحج وغرفه خاصه تدخلين اهلج معاج ولها مبلغ بروحها عرفتو عشان جذي سالت

 

[حبيبة اهلهاا]

الله يهون عليج نوف حبيبتي

 

[Aloe Vera]

نوف


اكيد عادي شخصين يدخلون بس مو اكثر و في سكيوريتي برا شديدين و مايخلون احد زيادة يدخل

 

[سيكولوجية]

الله يستر من هالزحمه قمت احاتي

 

[سيكولوجية]

مساء الخير

بنات انا الاسبوع الياي حابه ابلش اراجع عند دكتورة نجلاء

بعرف جم فتح الملف ؟

وقالولي اذا زوجج بالدفاع له خصم 15%
حتى عالمراجعات ؟ والتحاليل عليها بعد خصم؟

 

[noufb]

اي حبيبتي لهم خصم
الله يسهل عليج يارب

 

[Aloe Vera]

اعتقد الخصم ينطبق على كل شي
الله يسهل عليج

 

[HLoOma]

والله انا كنت مفكرة اولد فيه بس عقب الاشكال اللي الله يستر عليهم شفتهم جنهم رايحين عرس مو استقبال ولادة
والله كرهته و عساني ما طبيته بعد

 

[سيكولوجية]

مشكورين ويسهل علينا يارب كلنا

حلومه
هالاشكال بتشوفينها بكل مكان وبكل مستشفيات
شي عادي ماله علاقه بالمستشفى نفسه ! انا شفت بالسيف ودار الشفا
بس مالي شغل فيهم
المهم انا وين ارتاح

 

[HLoOma]

سيكولوجية

شرايج بالسسترات و الخدمة أمانة زينين؟ لأن انا ولادتي قيصرية و احتاج بين كل ساعتين تغيير ضماد جرح العملية

 

[baa6aa]

سيكولوجيه انا عند نجلاء

خذت مني 20 جنا فتح ملف و 15 سونار اذا ماني غلطانه

بس تحاليل قالتلي اسويهم برة اذا ابي او عندها

بالمستشفى خذو مني 100 حق تحاليل فقلت المرات اليايه بسويهم بالمستوصف واييب لها النتيجه بالموعد اللي عقب

 

[Aloe Vera]

حلومة


ظحكتيني ههههه
يعني اشكال الناس طبيعي كاشخة اذا رايحين استقبال
و الناس بتكشخ واهي رايحة استقبال ولادة ماله شغل اي مستشفى
و عالسسترات حسب تجربة ولادتين كانو قمة معاي بس انا ولاداتي طبيعية مادري عن القيصرية

 

[noufb]

انا امس كنت بالطوارئ كلش ماحبيتهم. نفسيتهم خاااايسه ويع
والدكتوره طلبت مني تحاليل تكلفني عندهم95 وقبل جم بوم مراجعتي سوتلي مسحه هم خذو ٩٧ المستشفى غالي سويت التحاليل بره كلفوني ٥٧ فرق

 

[سيكولوجية]

حلومه
انا اول مره براجع عندهم وان شاءالله اولد عندهم
الكل يمدحهم عشان جذي نويت اراجع عندهم


بطه
يعطيج العافيه
اي يقولون تحاليلهم غاليه لي سويتيهم بمختبر بره ارخص