تجمع مراجعات مستشفى رويال حياة

[glby7sas]

باذن الله بستخير دكتوري زين ومااقدر اغيره لاني حاله خاصه واهو متابعني من قبل لا احمل والحمدالله جربته بعمليتيه ماتأخر عليي والحين قررلي اني اولد قيصري يعني اتفق معاه على موعد الولاده والساعه جم اولد جذي بس مو عارفه ابي سيترات سنعين لانه جسمي نوعه بسرعه يبقع مره سحبو مني دم ايدي صارت بقعه كبيره زرقه ومااقدر احركها وبعدين انا بجر واخاف ابي ناس يهدون ماابي احد ينفس عليي لوول

 

[سيكولوجية]

قلبي حساس

انا توني والده من 40 يوم

بصراحه روعه وخدمتهم ونفسيتهم تهبل
وكان كل شي ممتاز

وان شاءالله كل ولاداتي عندهم
ودكتورتي نجلاء الزعفراني فوق الممتازه

 

[glby7sas]

سيكلوجيا الف مبرووك مايااج ومشكوره على طرحج لتجربتج

 

[Moo14oon]

قلبي حساس

انا توني والده من 40 يوم

بصراحه روعه وخدمتهم ونفسيتهم تهبل
وكان كل شي ممتاز

وان شاءالله كل ولاداتي عندهم
ودكتورتي نجلاء الزعفراني فوق الممتازه

حبيبتي راسلتج على خاص مارديتي علي ?وكلمتج هني بعد

 

[سيكولوجية]

قلبي حساس
حبيبتي ربي يبارك بعمرج ويسهل عليج

مون
سامحيني مودايم ادش المنتدى لاهيه مع بنتي
رديت عليج :*

 

[baa6aa]

بلش العد التنازلي وبلشت الخرعه معاه ههههههه

 

[Aloe Vera]

ليش خايفة؟

بالعكس الولادة وناسة بس تعور شوي ههههه

 

[glby7sas]

بنااات اليوم قررت على رويال واخيرا واخترت كاميليا انا ماراح اسوي استقبال اشرايكم فيها زين وسيعه وله وايد صغيره
وبعد في مشكله انا سألتهم اشلون اذا يوم الولاده مالقيت الغرفه كانو فل مايصير اخذ الاصغر بعدين اروحلها يعني مثل السلام قالي لا مايصير اشلون عيل وقتها

 

[glby7sas]

بنااات اليوم قررت على رويال واخيرا واخترت كاميليا انا ماراح اسوي استقبال اشرايكم فيها زين وسيعه وله وايد صغيره
وبعد في مشكله انا سألتهم اشلون اذا يوم الولاده مالقيت الغرفه كانو فل مايصير اخذ الاصغر بعدين اروحلها يعني مثل السلام قالي لا مايصير اشلون عيل وقتها

 

[baa6aa]

الو فيرا بس تعور شوي ها ههههههه

قلبي حساس الغرفه راهيه ماعليها قصور بس اخذي اللي اثاثها اسود مو اخضر ..

و ان شاء الله ما تكون فل لان كل ما اروح القى اقل شي ٣ فاضين فلا تحاتين

 

[Aloe Vera]

قلبي حساس

الكاميليا وايد حلوة و تصلح حق استقبال اذا محفوف زين و حتى لو بدون استقبال هم زينه و تكفي
و اذا ماحصلتي الغرفه اللي تبينها تاخذين يا اللي اكبر او الاصغر حسب المتوفر
انا صارت فيني مرتين و خذي اللي اكبر و اخر ولادة الحمدلله حصلت اللي ابيها

 

[lawyara]

الكاميليا زينه ، مرت خالي سوت استقبالها فيها بس كان محفوف يعني بس الاهل القراب

 

[glby7sas]

مشكورين بنات ماقصرتي وان شاءالله على حظي ماتكون فل يارب

 

[مناوووي]

قلبي حساس
لاتحاتين
سستراتهم روعه ماشاءالله ويهدونج ويشيلون الخوف منج
عسل عسل
بالولاده جربت شفتين كلهم عسل
وغير بعد الولاده يوم رحت للغرفه مافيه سستر غثيثه حمدلله ارتحت لهم كلهم
اناا صارلي سنه والده
واختي تو من شهرين ونفس كلامي وتقول السسترات يهبلون

 

[glby7sas]

مناوي الحمدالله ياارب هذا اهم شي

بسألكم اللي مجرب من قبل صج يقولوبج سعر بعدين يطلعولج باشياء ثانيه ؟!

يعني جم احطلي زياده عن سعر الغرفه

 

[مناوووي]

حسابات زوجي نفس ماقالو اللهم الزيادات الي انتي تطلبينها منهم
غرفه الي حصلتها فاضيه ليلي كنت ابي كاميليا بس فل
فاتورتي طلعت ٨٠٠ وشي
حنا حاسبين اذا نبي ليلي او كاميليا
واسعار جنه الي دكاترتهم من نفس المستشفى غير عن الي من برا
اناا دكتورتي من نفس المستشفى

 

[مناوووي]

بسالكم بنات الي دكتورتها خالده المجيبل
بعد الولاده تشوفونها؟؟ تمركم؟؟
اناا ماشفتها الا بوقت الولاده بس بعدها كلش مامرتني الي تمرني دكتوره ثانيه مع انه الدكتوره تكون موجوده بعيادتها مفروض تجي اتطمن وتشوف
على حسب الدكاتره الي سمعت عنهم يمرون عالمريضه ويتطمنون عنها ويشوفون اذا تبي شي
خالده كلش لا انا ولا اختي ولا بنات خالتي مرتهم
هذا طبعها والا شنووو؟؟؟

 

[baa6aa]

في دكاترة ما يمرون و تخلي احد من اللي تحتها يجيك عالوالدة

 

[glby7sas]

مناوي مشكوره حبيبتي طمنتيني على هالسالفه

 

[مناوووي]

العفوو قلبي حساس
ماسويت شي