تجمع مراجعات مستشفى رويال حياة

[؛؛sokrrah؛؛]

انا خذيت اسعار الغرف مسجله بورق
ومكتوب بضبط بورقه عندي
العرض على أجنحة ليلى وكاميليا لا يشمل اي خصومات اخرى

 

[؛؛sokrrah؛؛]

واي اساله انا حاضره عندي ورقة الاسعار توني من اربع ايام ماخذتها

 

[Aloe Vera]

بنات اللي عندهم تامين سعر الولادة غير في ورقة خاصة حق اسعار التامين طلبوها من الرسبشن

 

[Q8_QT]

ان شاءالله مراجعتي الياية اجيك مع الرسبشن
مشكورين بنات

 

[وداعيه]

السلاام عليكم

قبل جم يوم راجعت عند الدكتوره نجلاء زعفراني

ارتحت لها بصراحه
والولاده تساهيل من رب العالمين




وضيقتوا خلقي على زيادة الاسعار

اعوذ بالله شهالطمع.



الله يهون علي وعليكم

 

[وداعيه]

قلبي حساس الله يعينج صج ميزانيه اذا توأم

بس ليلي ترى صغيره
حتى لو ماتبين تسوين استقبال

بس ماتشيل اهلج واهل زوجج يمكن

غير رفيجاتج واذا انتي موظفه بنات الدوام اكيد بيزورونج


الحين العموم يفضلون يزورون الوحده بالمستشفى

وعسى الله يسهل ولادتج يارب

 

[glby7sas]

حبيبتي وداعيه اميين ويسهل عليج

اي والله انهلك مصرف كل شي غالي دخلت الدكتور السونار المستشفى العمليات كل شي يزيدون عليي بس الحمدالله اهم شي الصحه والعافيه ويطلعون بخير هذا المووهم شكلي قررت على كاميليا

 

[Aloe Vera]

قلبي حساس

الله يسعل عليج و تقومين و البيبيات بالسلامة

 

[glby7sas]

حبيبتي اميين ويسهل علييج ياارب

 

[Aloe Vera]

انا ولدت خلصت صارلي ٦ شهور هههههه بس الله يسمع منج و يسهل علي تربية عيالي ومسئولياتهم يا رب

 

[glby7sas]

هههه ماشاءالله الله يخليلج النونو ياارب ويرزقج بر عيالج

انتي ولدتي برويال؟!

 

[Aloe Vera]

اي حبيبتي ثالث ولادة لي برويال

 

[glby7sas]

عفيه قوليلي شنو تنصحيني فيه اهناك ومنو دكتور التخدير ووو عفيه قوليلي كل شي واذا في شي حابه تنبهيني علييه بصراحه اول مره عندهم حتى مابطلت ملف ليلحين لازم ابطل واشلون العنايه والخدمه

 

[سيكولوجية]

بنات لاتحاتون

انا ولدت من 3 شهور برويال حياة

الله يشهد على اللي بقوله

مستشفى روعه وعنايه تهبل وسسترات نفسهم تهبل وبشوشين

ومستشفى راقيه حتى اكلهم لول لذيذ كان

الله يسهل عليكم ان شاءالله

و من ناحية المستشفى تطمنوا

بعد تجربتي عندهم ما افكر اغير المستشفى
كل ولاداتي بأذن الله عندهم

زوجي الحين حتى لو راح مستشفى ثاني يقولي عزاه يا رويال حياة عز

 

[Q8_QT]

مساء الخير بنات


دكتورتي دزت لي مسج انه بتطلع من المستشفى وتفتح عيادة ضيقت خلقي وانا بدش شهري يوم الاثنين حدا مو وقته
عاد صليت استخارة وقلت بروح للدكتور محمد بكري اهو مولدني في بجري بتصل باجر الصبح واشوف المواعيد والله يسهل يارب
دكتورتي ريا القزويني

 

[glby7sas]

سيكلوجيه حبيبتي الف مبرووك المولوود والحمدالله ريحتيني انا بعدي ماجربته وريلي يقول هالجمله من بعد ماشاف الهدوء فيه لوول

كويت حتى لو بعياده خارجيه عادي تييج المستشفى انا دكتوري من بره بس سبحان الله يمكن خيره اهم شي وين قلبج يرتاح

 

[Aloe Vera]

قلبي حساس

حبيبتي لا تحاتين شي ان شاء كلشي زين بس لو عندج اي سؤال او استفسار علطول دقي عالنيرسات لا تستحين و انا ماجربت دكاترة التخدير ماقدر افيدج و اذا دخلتي ولادة حجزي الغرفة من قبل لا تولدين و الله يسهل عليج


Q8 qt


حتى لو طلعت الدكتورة اعتقد تقدر تولدج و اذا عالتأمين ممكن يسوونلكم refund

 

[glby7sas]

مشكووره فيرا هههه مو عارفه انطق نكج بالعربي ههههه

 

[Q8_QT]

قلب حساس ادري عادي تييني بس انا غيرتها لان ريلي مو بالع المستشفى مادري شفيه لما شاف اسعار الباكج تحلطم علي وغالي ومادري شنو انا كنت اولد بالسلام بس دكتورتي طلعت واللي ارتاح لهم بعد طلعوا من جذيه غيرت الدكتورة لان حسابها بيصير غير قلت شلي بعوار الراس قاعدة اتجنب المناقشة معاه اول مرة الله يهدي يتعنفق جذيه

فيرا حبيبتي شنو يعني refund

 

[Aloe Vera]

Q8 qt


قصدي اذا انتي عندج تأمين ساعات ما يقبل يتعامل مع العيادات ،لازم مستشفى فا بهالحاله تروحين العيادة و تدفعين المبلغ كامل بعدين تودين اوراقج حق شركة التأمين يردونلج فلوسج هذا اذا عندج تأمين



و حبيبتي ماتشتغلين في وزارة انتي او زوجج؟ او عندكم كرت الوطني؟ لان يعطونكم خصم حلو و اسعار رويال حياة مو وايد اعلى من الباجي