تجمع مراجعات مستشفى رويال حياة

[Talyan Rose]

صاجه حساافه على وايد دكاترة

انا كنت عند نجلاء وايد زينه
ووريا القزويني تينن
ما بقا احد !!"(

 

[miss-s]

مرحبا بنات منو جربت دكتور عصام صقر انا كنت أراجع عنده بالسيف والحين انتقل لرويال حياة وكملت مراجعات معاه بصراحه انا مرتاحة وايد معاه محترم وكلامه مريح بس حابه اعرف عنه اكثر بالولادة ومنو جربت القيصريه عنده

 

[Talyan Rose]

صباح الخير
دكتور عصام معروف انه عجيب لو ما اني ماحب ريال يولدني جان رحتله اول واحد
ماشاءالله شاطر شاطر شاطر

 

[Talyan Rose]

منو جربت دكتورة ريا القزويني ؟؟

 

[Pink_Roses]

اشرايكم بخالدة المجيبل لتاخر الحمل

 

[miss-s]

Talyan rose
مشكوره يا قلبي ما قصرتي

 

[Looloo2008]

بنات ودي اولد برويال بس احس اسعارهم بزياده حيل
تنصحون فيه ولا لا
وفي مصاريف من كيفهم ولا وفي
احد جرب معصومه مخصيد وششرايكم فيها

 

[Looloo2008]

ماكو رد

 

[baa6aa]

اسعارهم حلوة على مستوى الخدمة مالتهم صراحه
يعني الكاميليا ب1000 اذا ولاده طبيعية ة الغرفه تصلح حق استقبال ماعليها قصور صراحة

صح ان اذا بتقارنين مع الباقي تعتبر غاليه بس شوفي مستوى الغرفه و الخدمة

يعني دار الشفا الجناح الملكي صح ب 740 اتوقع و سعره وايد حلو حق جناح ملكي بس ازعاج و الولاده مالتهم تسمعين كل الازعاج

 

[Talyan Rose]

معصومة انا جربتها بس مو بولادة كامراض نسا عجيبه ومن اشطر الدكاترة الي مرو عليي
راجعتها على بجري باول 4 شهور بس ماعجبتني طريقتها انها تحولني على الدكتورة المساعدة في باجي الشهور وما تشوفين معصومة الا حزة الولادة
بس اعرف وايد ناس ما يغيرونها حدها عجيبه

رويال ما اعتبرة غالي لانه امس سالت عن اسعار السيف شي رهيييييييب صك على رويال كاميليا بالف وتصلح لاستقبال بعد
انا وايد احب رويال وولدت فيه وحمد لله كانت تجربة تينن بس الحين الكل يشككني بالمستشفى لانه يقولون ضغط مو طبيعي عالمستشفى الي لي درجة في وحدة اعرفها ولدت س12 الفير ما عطوها غرفه الا س5 العصر حالة مزرية
حدي خايفة واحب رويال

 

[baa6aa]

اللي تكون جذي مو معطينها غرف تكون محدده غرفه معينه تبيها حق استقبال و يكون ضغط على هالغرفه نفس ياسمين و لوتس
بس كاميليا عادي اذا عاجبتج ماعليها ضغط اوفر اللي كله بتكون زحمة

 

[Talyan Rose]

بطة

الي اعرفها بغت كاميليا وفلللللل

 

[baa6aa]

غريبة مع ان كل ما اروح لهم اقول ابي اشوف الغرفه كاميليا شكثر فاضين
وفي مالت الغرف اسمها وداد تكلمينها تتفقين معاها اول ما تدخلين تتفقين معاها و تجهز الغرفه يكون لج اولويه لانج بلغتيها انا جذي سويت

 

[Talyan Rose]

اي والله وحدي خايفة لانه قررت اخذ الياسمين
زين قلتيلي خل اخذ رقمها من المستشفى

 

[baa6aa]

ياسمين وايد حلوة و اليكج مالها اذكر كان ب 2000
واذا كنتي تداومين يعطونج خصم وزارات 15%
يعني تقريبا يشيلون لج 200
حلوين صراحة
واذا ريلج يشتغل بمكان له خصم معين ياخذون خصم واحد يا منج او منه
فتاكدي من هالشغله
واذا عندج تامين بعد يشيلون منج مبلغ حلوو

التامين حق ياسمين و اللي اكبر بس ما يدش معاهم كاميليا و ليلي

وبعد اذا تبين اكثر من وحده فلبينيه حق الخدمه بلغيهم في فلبينيه مسالوه عن الخدمه تكلمينها و تناديلج اللي تبين
والله يسهل عليج يارب و تبلغينا بولادتج

 

[سفرجل-]

ان شاءالله ناوية أولد في رويال لثاني مره وعند الدكتوره خالده خياطها عجييب ومرحه وحبوبه ومريحة
وتوني خذيت موعد عندها شهر 2زحمه بس تستاهل النطره
والله يسهل علي يارب ويتمم علي يارب
اول مره ماغنيسيا 1400مع إبرة وكمام و بالون وادوية وسويت عملية جيس دهن مع الولاده
عشت كأني ملكه
بالنسبة لي السيف وااايد غالية ومبالغين بالاسعار
والله يسهل عليكم يارب

 

[NWWWA]

السلام عليكم ورحمة الله وبركاته
شلونكم بنات ؟؟
ابي اسال عن ولاده برويال حياة؟
شلون كمامهم وابرة الظهر؟
وابسال احد جرب او سمع عن دكتورة بريتي كومار
بليزززز ردو علي

 

[baa6aa]

سفرجل
الله يسهل عليج يارب و زين تسوين خوش دكتورة

nwwwa
وعليكم السلام
الولاده عندهم من احسن ما يكون صراحة
انا خذيت ابره الظهر بدون الكمام عجيب عجيب عجيب ماتحسين بولا شي
والدكتورة ماعرفها مع الاسف
بس كنت والده عند زينب و حدها عجيبة
وفي بنات ولدوا عند دكتورة منى بعد يمدحونها حيل

 

[!! شعر بنات !!]

بنات نصيحه لا تفكرون تولدون عند دكتوره نداء بو خضور

انا ولدت عندها قبل 3 سنين مع ان نصحوني ما اروح لها

وكرهت شي اسمه ولاده.

المستشفی ييهبل بس الدكتوره سيييييييئه

 

[!! شعر بنات !!]

انا ولدت بليلي مرتين وكانت حلوه بس مجكنمه شوي ودي هالمره اخذ الي اكبر منها كاميليا ودكتورتي من برا المستشفی بنات لما ولدت فيه صج صج استانست دلع وسعرهم وااايد زين بالمرتين طلع الف