تجمع مراهقات الستينات السبعينات والثمانيات والتسعينات والالفية

[راعي المثل]

كل وحدة منكم تتكلم عن ذيج الفترة اللي عاشتها في مراهقتها في فترة الستينات

حتى الالفية . طبعا كل وحدة على حسب المرحلة اللي عاشتها في مراهقتها .



شنو الشي اللي يتميز في ذيج الفترة ؟


شنو احلى الذكريات اللي عاشتها في مراهقتها في هذا العمر ؟ [/color]


شنو الاحداث اللي عاصرتيها في ذيج الفترة على الصعيد المحلي والعالمي ؟ سواء كانت الاحداث قوية موقوية

 

[ترانيم القصيم]

رد : تجمع مراهقات الستينات السبعينات والثمانيات والتسعينات والالفية

شنو الشي اللي يتميز في ذيج الفترة ؟


شنو احلى الذكريات اللي عاشتها في مراهقتها في هذا العمر ؟

كنت مدمنة أنمي .. و حالتي حالة

و عصبية و بسرعة دمي يفور ..

غبية ما أسمع الحكي و أمشي برايي و الناس كيفهم ..

أحسب نفسي أذكى وحدة بالعالم ,, و إن الناس هذي كلها ما عندها سالفة

حساسة بزيادة عن اللزوم ..

و أزعل بسرعة و ما أحترم آللي أكبر مني ..


و كان تفكيري سخيف شووي ..


يعني لما أجلس أحيانًـا و أتذكر سن المراهقة أحس بشووية خجل من نفسي ,, صدق عقلي كان عقل طفلة بجد


و أما أحلى شي ............... كان فيني شووي تدين و التزام من كنت صغيرة .. ما كنت أسمع أغاني و ملتزمة بالحجاب الشرعي

ما عندي حركات منا و إلا منـا ,, ماشية بطريقي محترمة و كنت كثير أحتقر البنات آللي يكلمن شباب و أكرههن من قلبي

أما الآن فـ أنا أرحمهن من قلبي و أحس إنهن محتاجات نصح و توعية ماهوب هوشة و صراخ حتى تتقبل كلامنا و تآخذ بالعقل

و الدين و منطق ..

مشكورة أختي الكريمة ,, بارك الله فيك

احترامي و تقديري

ترانيم القصيم

 

[ضماي هو وهناي]

كنت ولازلت مدمنه قراءه ....
اذكر بمره كانت معاي قصه ولابقى منها الا جزء بسيط وسهرت عشان اخلصها .. ابوي الله يرحمه ان شالله ما يحبني بكل الاحوال اسهر وطبعا كان بذاك الوقت السهر يبدا من العشر انا يمكن كانت 11 ماادري البيت كلهم نايمين ماعدى امي وابوي ..امي تعرفني لي سهرت يعني عندي امتحان وابوي رد من الدوانيه الا تقول له بنتك قاعده عندها امتحان وقعدوا امي وابوي سهرانين عشاني على التلفزيون وانا كملت القصه لما خلصت طلعت عشان اطفي ليت الممر الا اشوفهم قال ابوي ها يبا درستي عدل .. سكت واصلا كنت خايفه منه قال خلصتي قلت اي قال يلا روحي نامي ودخل الغرفه معاي وسكر الليتات قال الله يوفقج ان شالله وطالع اختي وقال مو هذي اللي نايمه على هالقصه ... القصه مالتي وحطيتها على الكمدينه اللي بيني وبين اختي ....
وطول الليل افكر فيهم بجد الله يجزي والدينا الجنه قلبي عورني عليهم وبالذات امي ياقلبي لانها ما تسهر ابد....
ماعندي مراهقات اصلا لاني تزوجت مبجر ...