** تجمع مسافرات دبـــــي 2011 **

[رزينه بكلمتي]

هلا زينه الهيلا شفتي شلون هههههههههههههه انا اخذلي جوله بلمنتدى والله ودي بدبي بس ريلي مو اي شي يوافق عليه وبناتي ودهم يغيرون جوو ويسافرون
رزينه ياقلبي وفيتي ياقلبي على الرد بس انا فكرت ابي شقق فندقيه احسن من الفندق لاني احب المطبخ موجود واخذ راحتي اكثر؟ابي شقق فندقيه تكون راقيه مو غالي سعرها وبجم تقريبا اذا عندج فكره ليله الوحده ؟وماقصرتي ياقلبي ووعسى عمرج طووويل

حياااتي انتي ومن قال يارب
عندج بييرل كوست الليله اب500غرفه وصاله وطبخ
وكورال خوري الليله اب 550غرفه وصاله ومطبخ
هذيلا الي متاكده من اسعارهم وراقيات وعلى ضمانتي كلهم فالبرشا جريب الامارات مول

 

[رزينه بكلمتي]

هلا والله فيكم جميعا
الاخت رزينة بكلمتي فديتك انا حجزت في فندق تاج بالاس انا ادري ان موقعه مش حلو بس انا جاية انا وبنتي فقط ، كيف مستواه حسب معلوماتك
وكم المسافة بينه وبين دبي مول بالتاكسي وهل قريبة منه محطة المترو
الف شكر على تفاعلك ولا هانوا اهل الكويت فديتهم والله

الفندق حلو وهادي يعتبر 5ستار موجود في منطقة ديره في وسط دبي بالعكس مكانه حلو
في خدمة التوصيل بس مااعرف اذا يوصلون لدبي مول
اقرب محطه له محطة مترو ديره 5دقايق مشي
بالتاكسي تاخذون 10دقايق مب اكثر يمكن اقل على حسب الزحمه
واي سؤال تحت امرج حبيبتي ويامرحبابج يالغاليه

 

[رزينه بكلمتي]

السلام عليكم أختي رزينه ماقصرتي فديتج والله والبنات بعد الله يعطيكم العافيه :hjy5jewf:
بنات أنا من زمااان ما رحت لدبي وبروح إن شاء الله آخر الشهر أبيكم عفيه تساعدوني بكتب الاماكن اللي ودي إن شاء الله أروحلها بس ما أعرف شنو الاماكن القريبه من بعض عشان أروحلها بطلعه وحده مع التاكسي الاماكن دبي مول كيدزانيا عشان عيالي :ioljnmlk: والنافوره والامارات مول سكي دبي و ابن بطوطه والمنضاااد وبرجمان الباص العجيب وميركاتو وفستيفال سيتي وسوق البحار ومرشد ونايف وقريه البوم وحديقه الخووور مع العلم ان بنوصل لدبي عالساعه 12الظهر وبنقعد إن شاء الله 5 ايام والسادس بنرجع نكون العصر بالمطار
ادري قرقت عليكم :cxxxp: بس والله مو عارفه اسوي جدول ساعدوني باسرع وقت يا الغاليااات :yaaaaaarb:

يامرحبابج حبيبتي
اول يوم توصلون فيه تقدرون اتسيرون بماانكم بتوصلون عال12ريحو عقب اطلعو للفستيفال ستي وعقب روحو لحديقة الخور جراب من بعض
وثاني يوم اطلعو من الصبح روحو لدبي مول احجزي لصغاريه في كدزينيا وروحي تمشي انتي وريلج ترى من يدخلون كدزينيا كلن يروح لهوايته الي يحبها ويكونون هناك طاقم مسؤول عنهم بس لصقي رقم الموبايل على ايدينهم
بعد ماتخلصون من الحواطه انتي وبوالشباب ردو خذو الصغاريه واطلعو احضرو النافوره الراقصه وعقب روحو لسوق البحار عدال الامارات مول بينهم جسر تعبرونه وكل مطاعم ممكن تتعشون في اي مطعم وانا اقولج جربو شكسبير

بنكون خلصنا من حديقة الخور والفستيفال ستي ودبي مول والنافوره الراقصه وكدزينيا وسوق البحار
ثالث يوم اطلعو احجزو للباص العجيب والحجز يكون من مركز برجمان الكبار اب140والصغار اب 95مكان الحجز والانطلاق من برجمان ومدة الرحله ساعه او ساعتين في البر والبحر
ومن تخلصون اطلعو عالامارات مول وممكن تدخلون لسكي دبي

رابع يوم احجزو من الصبح لسفينة البوم الوقت الي تبونه فيه من 8ونص للعشر ونص وفيه من العشر ونص لل12ونص احسن تحجزين اخر رحله بعد ماتحجزون اتوكلو على سوق مرشد ونايف واذا فيه وقت مري على سوق عكاظ

بس لازم قبل وقت طلوع الباخره بنص ساعه تكونون موجودين في قرية البوم

اليوم الخامس اطلعو اي مكان تبونه يا السوق الصيني والاوت ليت
او اقولج نصييييييييييييييييييييييييييييحه وديوهم مدينة مدهش بتكون فاتحه بيستانسوووون عيالج
واليوم السادس بتتوكلون للكويت بحفظ الرحمن والله يحييج انتي وعايلتج بينا بعد عمري

 

[رزينه بكلمتي]

كلمة مضيئه رتبت لج جدولج ممكن اتغيرين بالاماكن او الايام بكيفج
بس رتبت لج الاماكن حسب قربها من بعض بس لاتنسين مدينة مدهش لانه صج بيستانسون الصغاريه عليها
والله يوفقج وان شاء الله اكون افدتج ولو بالقليل بس ابا منج دعوه حلوه تسر خاطري

 

[رزينه بكلمتي]

انا حق سفرتنا بالعيد باذن الله حجزت شقق فندقيه اسمها كورال الخوري يم الامارات مول بالبرشا

سفرة الاسبوع الياي حجزت بولمان الامارات موول

الله يوفقج واختيار ممتاز ويامرحبابج حبيبتي

 

[الفـراشـة]

لي عودة

 

[كلمة مضيئه]

:e3: الله يوفقج يأختي رزينه دنيا واخره والله يبيض وجهج ما قصرتي يالغاليه
ويارب يحقق لج كل ما تتمنين ويرزقج من رزقه يارب :ggdw::hjy5jewf:

 

[كلمة مضيئه]

أختي رزينه ما عليج أمر ذاووك المارينا ومجمع ميركاتو وبن بطوطه قراب عند شنو

 

[قطورتي]

خوش موضوع

 

[مزيونه موت]

شكرا للاخت.....جوجو1966 على الافادة وجزاج الله خير

 

[الدلال]

يعطيج الف عافيه اختي رزينه

ماقصرتي والله

 

[bdooorh]

مرحباااااا خواتي ,,,,

انا ان شاءالله بسافر لدبي اخر الشهر الجاي من 20/7 لي 28/7 على طيران الجزيرة سعر التذكرة 41 للشخص
انا رايحه لدبي من قبل سنتين تقريبا مع زوجي بس هالمره بروح انا وخواتي ثنتين واخوي واهم اول مره بيروحون
فأنا بكوووون بوجه المدفع :wqedqw::wqedqw::wqedqw:
بس للأسف ماخططت ولاادري وين بسكن
اول كنت اسكن بفندق سمايا كاااان روعه ومحترم حيييل بديره وسعره حلو
بس الحين لازم ناخذ شقة فندقية
فيااااريييت خواتي تفيدوني بالشقق الفندقية وبرنامج سياحي حلو اونس فيه خواتي
ناااطره ردودكم :eh_s(17)::eh_s(17)::eh_s(17):​

 

[رزينه بكلمتي]

أختي رزينه ما عليج أمر ذاووك المارينا ومجمع ميركاتو وبن بطوطه قراب عند شنو

اول شي مشكووووووره عالدعوه ولج بالمثل
ذاووك في جميرا مكان حلو لتمشيه وكله مطاعم وقعدات وكافيهات
ميركاتو جريب من مردف ستي سنتر
بن بطوطه جريب من الامارات مول يعني من اييج الامارات مول على ايدج اليسار اتكملين سيده لين ماتشوفين لوحته
يعني كل واحد في مكان واي سؤال حاضرين لطيبين

 

[رزينه بكلمتي]

يعطيج الف عافيه اختي رزينه

ماقصرتي والله

الله يعافي قلبج اقل من واجبي حبيبتي

 

[رزينه بكلمتي]

مرحباااااا خواتي ,,,,​

انا ان شاءالله بسافر لدبي اخر الشهر الجاي من 20/7 لي 28/7 على طيران الجزيرة سعر التذكرة 41 للشخص
انا رايحه لدبي من قبل سنتين تقريبا مع زوجي بس هالمره بروح انا وخواتي ثنتين واخوي واهم اول مره بيروحون
فأنا بكوووون بوجه المدفع :wqedqw::wqedqw::wqedqw:
بس للأسف ماخططت ولاادري وين بسكن
اول كنت اسكن بفندق سمايا كاااان روعه ومحترم حيييل بديره وسعره حلو
بس الحين لازم ناخذ شقة فندقية
فيااااريييت خواتي تفيدوني بالشقق الفندقية وبرنامج سياحي حلو اونس فيه خواتي​

ناااطره ردودكم :eh_s(17)::eh_s(17)::eh_s(17):​

الله يحييج انتي وعايلتج حبيبتي
عن السكن بما انكم عايله اسكنو في البرشا جريب الامارات مول شقق فندقيه وايد وذكرتها قبل
وعن التمشيه وديهم لدبي مول وخليهم يدخلون لكدزينيا ويحضرون النافوره الراقصه
وديهم الامارات مول وادخلو كلكم لسكي دبي عالم كله من الثلج يجنن
ممكن تودينهم لحديقة الخور وتركبون التلفريك ويدخلون المدينه التعليميه
ممكن تاخذون لكم عشا وتسيرون تقعدون في جميرا بيتش
وديهم يوم لمدينة مدهش وايد بيستانسون
وطلعولكم يوم رحله بحريه لقرية البوم مع بوفيه عشاء
ممكن اتجربون الباص العجيب الي هو البرمائي ياخذكم في جوله لمدة ساعه او ساعتين في البر والبحر
ممكن تطلعون لرحله للبر الي هي عالم سفاري مع باربيكيوم ونااااسه
وديهم السوق الصيني اذا حد يباله شي كل الي تبينه موجود فيه
وعندج مردف ستي سنتر وبرجمان ودبي مول والامارات مول ودبي مول وسنتي سنتر ديره ومركاتو وابن بطوطه مول ممكن تروحون لبوفيه عالغداء في رديسن بلو وايد حلو بوفيه الغداء عندهم الشخص اب125يوم الجمعه وكبييييييييير ومنوع والصغاريه حسب الطول اغلى شي اب 75 هي صح وممكن ادخلينهم عالم ماتحت البحار في الاتلانتس او دبي مول وبعد ممكن يحضرون عرض الدلافين في الاتلانتس واااااايد اماكن في دبي انا مااعرف انتي شو الي تبينه بالضبط وجم اعمارهم عسبت افيدج اكثر
واي سؤال في خاطر تامرين امر والله يحييكم في بلادكم

 

[احلى قدساوية]

انا بعد ان شاء الله الاثنين الجااي بروح دبي

انا دايماا اروح لدبي احبهاااا وناااااااسه منااك

المجمعاات الحلووه عندهم>>مول امارات &دبي مول<<وفي بعد القريه العاالميه <<عالم مدهش <<

ان شاء الله الكل يروح ويرد بسلامه ياارب​

 

[~عيون المها~]

السلام عليكم ..

شخبارج اختي رزينه بكلمتي ابي منج خدمه ..

بسافر انا واختي واخوي وابي جدول سياحي حلو((مده قعدتنا 5 ايام)) وابي فندق سعره معقول واماكن سياحيه ؟

وابي مجمع شامل فيه دراريع وبلايز كشخه ولبس حلو حق العيد
وين القى محل يبيع عطور ارماني بسعر معقول مو غالي؟؟

وجزاج الله الف خير

 

[ابتسمامه]

السلام عليكم
اختي رزينه الاسواق الشعبية متى اتبطل عندكم 24 ساعة؟؟
وسفينة ابوم لازم حجز واذا بحجز من الفندق ؟؟

 

[رزينه بكلمتي]

السلام عليكم ..

شخبارج اختي رزينه بكلمتي ابي منج خدمه ..

بسافر انا واختي واخوي وابي جدول سياحي حلو((مده قعدتنا 5 ايام)) وابي فندق سعره معقول واماكن سياحيه ؟

وابي مجمع شامل فيه دراريع وبلايز كشخه ولبس حلو حق العيد
وين القى محل يبيع عطور ارماني بسعر معقول مو غالي؟؟

وجزاج الله الف خير

تامرين امر حبيبتي الاماكن السياحبه ذكرتها قبل في ردودي ممكن اتابعينها وفيه برنامج رتبته للاخت بدوره ممكن ايفيدج
والفنادق ممكن تسكنون في البرشاء عدال الامارات مول كلها شقق فندقيه اختارو الي تبونه او ممكن تسكون في المروج روتانا جريب دبي مول لانه هالمجمع الي في كل الي تبينه
وعطور ارماني بتحصلينها في بوتيك ارماني نفسه في دبي مول
او ممكن اتحصلينها في سوق عكاظ راجعي ردودي بتلاقين كل الي في خاطرج واذا شي مب موجود اساليني فديتج موجوده وبالخدمه
وربي يوفقج وزياره سعيده للامارات

 

[رزينه بكلمتي]

السلام عليكم
اختي رزينه الاسواق الشعبية متى اتبطل عندكم 24 ساعة؟؟
وسفينة ابوم لازم حجز واذا بحجز من الفندق ؟؟

سوق عكاظ ونايف ومرشد يبطلون الساعه 9بعضهم يبندون الظهر وبعضهم مايبندون والمحلات اتبند الساعه 11بالليل
لا مب من الفندق تتصلين ابهم وتحجزين لازم الصبح الساعه 10تتصلين عليهم وتحجزين
وتختارين اي رحله تبين الاولى ولا الاخيره لانهن رحلتين باليوم وحده الساعه8ونص ووحده الساعه10 ونص
رقم قرية البوم السياحيه 043243000