** تجمع مسافرات دبـــــي 2011 **

[الدلال]

قمر الدين قررريب ورخييص .. دشي بوكتق وحطي الفنادق اللي يم دبي مول يطلعلج الاسامي وبالكيلو شكثر يبعد

قمر الدين حلو ونفس المنزل تقريبا بس مشكلة الحمام بهالفندقين بوسط الغرفه وشفاف الزجاج وماكو شتر

اللي معاه يهال كلش مايصلح

 

[Love \ Hate]

بنات تذاكركم على اي طيران ؟؟

 

[الدلال]

بالنسبه لي حاجزه على الكويتيه

 

[مسك وطيب]

مساء الخير ..

حبيت أفيدكم توني راده من دبي ...

سكنت ليلة في فندق بولمان توه جديد مفتوح شهر 9 اللي طاف حلو ومرتب والدور الاول يدخلج على الامارات مول شحلاته فيه قريه ألعاب فوق وهي ماجيك بلانت بس اكبر من اللي بالافنيوز .. والمطاعم فيه اشكال وانواع ... كمحلات ماشفت شيء زود كل محلاتهم بالافنيوز ...

وكملت سكن ليلتين بأتلانتس ... ماكأني بالخليج ابد كلللللللللللله أجانب وهنود .. اللي يسكن فيه يدخل ببلاش للمدينة المائية والاكواريوم .. والمدينه المائيه حدث ولاحرج كلها اجنبيات ومفاصيخ قطيعه ماخذين راحتهم بكل مكان

وعلى فكره الحمام تكرمون بالفندق الاول زجاج شفاف بس فيه ستاره تنزلينها وتغطيه وبإتلانتس الحمام مكشوف عالغرفه وله باب خشبي تصكرينه


دبي مول فيه دور كامل اغلبه محلات كاكاو وكذلك الامارات مول فيه محل كاكاو عجيب

نصيحه اي محل كاكاو اشتروا وتذوقوا منه بس تأكدوا انه خالي من الكحول

 

[مسك وطيب]

نسيت أقولكم ترى اتنلانتس مافيه مول يادوب كم محل ماركه وموذاك الزود بضاعتهم ولافيه مطاعم .. يعني تضطرين تطلبين من خدمة الغرف والاكل ياربي لك الحمد ماعجبنا كلش واسعاره ناااااااااااااار او تنزلين لمطاعم الفندق وماجربناهم

في مترو يطلع من اتنلانتس ويوقف عند محطه اسمها جيت واي تالي تنزلين منها وتاخذين تاكسي يوديج اي مول ,,,وهالمترو يمشي فوق البحر مايصلح للي يخافون مثلي

 

[مسك وطيب]

كنت حاجزه عالكويتيه 4 ايام ليله ببولمان وليلتين باتنلانتس طلع علينا الشخص ب 180 ... وبناتي ثنتين اقل من خمس سنين على 77

 

[*حبيبة أعمامها*]

آنا احتمال أروح على شهر سبعه مو أكيد


إذا ان شا الله رحت راح أوفيكم بالتفااااااصييييييييييييل و التقارير و الصور

 

[لبى عيونه]

غيرنا الفندق
مو مقتنعه فيه واحتمال احجز بولمان الامارات مول

صح حبيبتي خلييج أحسن بالبولمان احسن راح يكون حر على الاقل هو بالمجمع نفسه ولا أول ماتنزلين للمجمع مايمديج خطوتين الاانتي عند المترووو والله انا جربته شهر 10 اللي طااف يونس

 

[لبى عيونه]

أنا فلاي دبي

 

[الدلال]

صح حبيبتي خلييج أحسن بالبولمان احسن راح يكون حر على الاقل هو بالمجمع نفسه ولا أول ماتنزلين للمجمع مايمديج خطوتين الاانتي عند المترووو والله انا جربته شهر 10 اللي طااف يونس

حجزت في بولمان , واخذت الجناح الجونيور :ggdw:

بعد عمري والله ماقصرتي على النصيحه الحلووه :eh_s(7):

 

[عاشقة لندن]

السلام عليكم

ان شاءالله بروح دبي ثاني يوم العيد

كنت حاجزه 6 ايام في اتلانتس بس بعد كلامكم بخليها يومين وباقي الايام ب موفينبك بن بطوطه شرايكم فيه؟

 

[ليش ساكت]

انا أول مرة الروح دبى
وراح اروح ان شاء الله على طيران الجزيرة

والله ما اعرف فيهااا شى سااااعدونى يا خبيرات دبى
وتروحون وتردون بالسلامة

 

[كافيه نعناعه]

:krkrkr:واااااااااااااي ضيقتوا خلقي على أتلانتس ,,, انا بروح اخر6 وحجزت خلاص ,,, معقوله مافيه اكل ومطاعم حلوه وانا رايحه للاسترخاء ومابي سووووووق الكويت فيها كل شي,, ​

 

[*حور العين*]

انا بروح اخر 6 بس يومين ):حجزت باتلانتس الفندق روعه قعدت فيه من قبل كافي تتمشين فيهوبالنسبه للاكل عندهم مطاعم صج شويه غاليه بس اكلهم حلوو للامانه جربته ريووق روووووووووووووووووووووووووعه اكلهم كل شي فيه كافيه نعناعه حبيبتي الله يخلي المطاعم طلعو تمشوا شويه واشتروا من مطعم ليش ساكت دبي تينن كل مكان فيها حلوووو بالنسبه للمجمعات عندج دبي مول وامارات مول فيهم كل المحلات والمطاعم ابن بطوطه حلوو تمشي وااايد في اماكن هذا اللي فبالي الحين تروحون وتردون بالسلامه رحلة سعيده للجميع

 

[كافيه نعناعه]

مشكوره وايد حور العين ،،،:yaaaaaarb:ريحتيني اهم شي الاكل ،،، اليوع كافر ،،،،،،،،،:eh_s(11):​

 

[رزينه بكلمتي]

مرحبا خواتي انا من الامارات والي حابه اي استفسار مني اتحطه اهنيه بالموضوع عسبت الكل يستفيد

 

[رزينه بكلمتي]

الكل يسأل عن سوق الكرامه وعن الشقق الفندقيه
سوق الكرامه عباره عن محلات عدال بعض اتبيع كل الي يخطر ابالكم وهم بعد اتبيع الشنط التقليد رقم اوالاكسسوارات والنعول والشيل كله تقليد رقم 1

 

[رزينه بكلمتي]

الشقق الفنديه وااااااااااااااايد عدال الامارات مول وهالمنطقه تتسمى البرشاء
وافضل الشقق هي كورال خوري وبييرل كوست واكزيكتيف واااايد الشقق والاسعار تتراوح امبين 350درهم لل700درهم
طبعا ممكن تعطوني اسم الشقق الي تبونها وانا اقول لكم ادا حلوه او لا وكم حجره تبو وانا احجزها من هنيه لكم بدون عربون بس ياليت الجديه فالموضوع وهالشي بس عربون صداقه مني لكم وترحيب فيكم في بلادي

 

[رزينه بكلمتي]

حبيباتي الي تقولون الاتلانتس مب شي واكله مب شي بالعكس يالغوالي احسن بوفيهات ومطاعم في اتلانتس
صح غالي بس غلاته فيه
وترى بالاخير اختلاف الاذواق مب معناته مب حلو انا جربت عندهم بوفيه الريوق لايعلى عليه ومستحيل اتحصلين شراته في دبي وبعد عالغداء والعشاء البوفيه شي مرتب ويشبع ومنوع وشي مطاعم وايد اكثر من 5مطاعم في الاتلانتس

 

[وايت اند بلاك]

حبووبة ايغا اروح دبي ان شاء الله الاسبوع اليااي
وابغاا اسماء شقق فندقية قريبة من دبي مووول00