تجمع مسافرات لبنان في عيد الفطر

[ياعيون مغليك]

مسا الخير شخباركم
حبيت اسوي تجمع صغيرون على قدنا
للي مخططين عالسفره للبنان بعطلة العيد باذن الله

رحلتنا انشالله عالجزيره بتاريخ 3/9 والرده 7/9
يعني اربع ليالي

الفندق للحين ماحجزناه بس اكيد ببحمدون
والتذاكر طلعت علينا ب350 شخصين

يلا شاركونا واللي عندها استفسارات او نصايح لاخواتها لاتبخل علينا
وانطر مشاركاتكم

 

[قلب الغالي]

هلا وغلا
أنا قبلج بأروح 27 وبأرد 1/9 بأحضر أول أيام العيد
أبي أعرف نظامهم برمضان ومتى تفتح الأسواق
وأبي أروح جعيتا بس شلون برمضان يفتحون بعد الفطور وإلا لا
اللي تعرف ياليت تفيدنا الله يخليكمــ . .

 

[وومنتي]

حبيبتي يالقلب الغالي اللبنانيين مالهم شغل برمضان اللي يتقيد وعنده اختلاف بالمواعيد بمناطق المسلمين مثل طرابلس وصيدا وصور يسكرون المطاعم قبل الفطور مثلنا وباقي المناطق مايتغير عندهم شي يعني مغارة جعيتا مالها شغل برمضان
وتحياتي لج اختي الكريمة.

 

[غرررررام]

اب اب

 

[kingq8q8]

انا انشاءالله رايحه 27-8 والرده 7-9 انا وعيالي الاربعه الله يحفظهم وزوجي وتذاكرنا على الكويتيه اب 760 دينار

والسكن في منطقة الجبيل شقه اخذنا وبشوف لبنان هذي اللي ساحره زوجي وانا اول مره بروحلها انشاءالله وزوجي

من قبل 10 سنوات رايح راد عليها ... وهالمره قلتله غصب طيب توديني ولا والله لااااسويلك فضيحه

والله يستر لاالقى مرته وعياله على قولة خواتي

 

[ياعيون مغليك]

الله كرريم
والله ودي اطول فيها فيها بس زووجي دوامه يووم بيومين ومايقدر ياخذ اجازه الا زام واحد يعني ٥ اياااام
ووراي مباشرة العمل نبيها بس تغيير جو وكسر رووتين عشان ندش عالوظيفه بكل قوواانا 



الا صج بنااات ابي فندق شيخ بحمدوون هوو اسمه جذي؟؟؟
دورت ببوكنق مالقيت اسمه
والناس تمدحه مدري شلووون يحجزووونه؟؟؟

 

[ياعيون مغليك]

لا كنق فااال الله ولافالج
وعلا قولت اللي يروحون لها تراها تسحر 
اخوي ومرته رااحو لها شهر ٧ اقعدو اسبوعين مع عيالهم
عااد الحين تقووز مرته على فتحة المدارس بخلي عيالي كلهم وبرووح مع ابوالعيال شهر عسل


ربنا يطعمنا