تجمع مسافرات لندن في صيف 2010

[حضاره]

اهلين مرووو 00شمقعدج من الصبح وولدج معطل؟

 

[mr000]

آنا مشكلتي لي قعدت صعب أرد أنام...عاد ولدي بإجازه بس ريلي يقعد حق الدوام فأقعد وتالي ماأقدر أنام...ودي أطلع أمشي ألحين بس بنت ولدي مريضه أخاف تقعد ألحين

 

[mr000]

حضاره إنتوا سفرتكم الثلاثا على إي طيران؟ ولدي وولد أخوي الثلاثا الصبح عالبريطانيه!

 

[حضاره]

مرووو سفرتنا مو الثلاثاءلأ00الجوازات يالله ناخذها الثلاثاء العصر !! افكر جديا ماأسافر ماتسوى جم يوم وطالعه علي بذيج القيمه!!

الله يسهل دربهم يارب00ويروحون ويردون بالسلامه00

 

[حضاره]

اشسويتي على حفيدتج00وديتيها الطبيب 00اشقال عنها 00

امس بناتي الثلاث مراضى ورحنا الطبيب قال لوزهم ملتهبه وخذينا مضادات حيويه00الله يشفي عيالنا وعيال المسلمين يارب00

 

[om l3yal]

صباح الخير بنات 00اشلونكم00:aha:

مرووو انا امس انشغلت مع العيال 00دروس وواجبات وامتحانات وبروجكتات بعد!:flower:! ان شاءالله الاسبوع الجاي عطلة الابداع ونرتاح عاد!

ام العيال 00اشدعوه بس انتي تقولج 00يعني احنا مالنا خاطر نسمع00انا بعد وياكم!!:eh_s(9):

افا حضارة خو انت الخير والبركة
شوفي انا خل اساحلها وتقولي ولي قالت لي اساحلها مرة ثانية علشان تقولج

 

[om l3yal]

صبحج الله بالخير00وانا بعد مثلج 00انطرهم يطلعون وبرد انااااااااااااااااام

ييت بنام والا ولدي مو رايح المدرسة وعند امتحان والحبيب طبعا مو دارس قلت له راجع وعلى الساعة 8 اوديك
طبعا طار النوم
بروح اوديه المدرسة وعقب بروح ابصم بعدين ابي احد يطلع معاي مالي خلق ارجع البيت
شرايكم منو تيي معاي

 

[om l3yal]

اشسويتي على حفيدتج00وديتيها الطبيب 00اشقال عنها 00

امس بناتي الثلاث مراضى ورحنا الطبيب قال لوزهم ملتهبه وخذينا مضادات حيويه00الله يشفي عيالنا وعيال المسلمين يارب00

حضارة ماعليهم شر بناتج وربي يشافيهم
ليشش ما تخلين سفرتج اول الصيف اول ما يعطلون اليهال مباشرة احسن لج

 

[om l3yal]

ويييييييي وينكم حضارة مرووووو انا الظاهر قاعدة اقرق بروحي

 

[mr000]

السلام اشلونكم..أم العيال ..سوووري هديتكم فجأه.. خذت بنت ولدي نيمتها ونمت معاها شويه..حضاره ..حسافه والله عالسفره هالفيزا عطلتكم.. بس مابقى شي على عطلة اليهال متى يخلصون عيالج بالإبداع؟ مثل ماقالت أم العيال سافروا أول مايعطلون..آنا ولدي يخلص بأول أسبوع من شهر6 لأانهم أول ناس يداومون في 24أو 26 /8..!! أم العيال جان قلتيلي تبين أحد يطلع معاج جان طلعت بدال ماأنام..عاد جنه الجو غبار موشي حق الطلعه..سارونه وينج ..شخبارج.. كيلوبترا..ريما..ربوع ..بسمه..البنات كلهم شخباركم..

 

[mr000]

حضاره اشلون بناتج ألحين..مايشوفون شر.. والله بنيتنا شوي أحسن ... بس بعدها تعبانه وتكح وايد..الله يشافي كل مريض ..شنسوي هذا جونا بعد...

 

[mr000]

بنات بسألكم.. حق ويستفيلد مول اشلون يروح بالأندرقراوند..أي محطه؟وإذا بالباص أي باص؟ انزين من وين تشترون كرت الباص؟؟

 

[Lily]

mr 00 ويستفيلد تروحيله من باص 94 جبال بريمارك المحطه وراح يوقف يم شبربوش تنزليين
وبطاقه الباص اهيا بطاقو اويستر تلقينها عند بقالات اجواررود

 

[om l3yal]

وحق الاندرجراوند تاخذينها الخط الأحمر من ماربل ارش لي شبردبوش
وتذاكر الباص تقدرين تاخذينهم من محطات الاندرجراوند
حسافة والله جان زين قائلة وطالعين مع بعض عاد أحسن الطلعة معاج حدها وناسة يلا خيرها في غيرها

 

[mr000]

أي والله أم العيال ان شاءالله أقرب فرصه نروح مره كافيه ..وإلا مكان نقعد نسولف فيه..وأتعرف عليج أكثر..آنا بالنهار أحب الرايه والصالحيه والأماكن الهاديه اللي مافيها ناس وايد..لما كانت بنتي عندها عطله كنت أروح معاها..بس ألحين مع ولدي مايحب هالأماكن..فماأروح..al3aneda مشكوره حبيبتي عالوصف..عاد توها وحده بقسم ثاني هم قالتلي نفس الوصف..ان شاءالله أكتبه حق ولدي واحفظه حقي بعد لأن بآخر سفره رحت بالتاكسي حرام 30 باوند روحه ورده!!

 

[بسمة السلطان]

بنات يعطيكم العافية انا سفرتي انشالة يوم الجمعة بتم 6ايام اللي عندها خبرة في المجمعات اليديدة ياليت تفيدني شكرا لكم

 

[mr000]

بسمة السلطان ان شاءالله تروحين وتردين بالسلامه وتستانسين بسفرتج..أماكن التسوق وايد ولوعندج وقت تقرين الصفحات اللي طافت وايد كتبوا البنات عن أسواق.. عندج ويستفيلد مول.. والآوت لت في بستر فيليج.. وبلوووتر بس بره لندن شويه في كنت.. وأكو مجمع كبير وايد شوفي ساروونه حاطه عنه بالصور في ميلتون كينز..وعندج المحلات في بوند ستريت وريجينت ستريت ونايتسبريدج يم هارودز..

 

[حضاره]

بسمه السلطان 00ماعندي زياده على كلام مرووو غير الهارودز00والله يتمم عليج بخير ان شاءالله

مرووو 00ام العيال00قاعده افكر والله اخليها بالصيف وبدال ال10 ايام تصير شهر بس انا ماجربت لندن بالصيف اشلون جوها00

كنا متلهفين على جوها بشهر 4 غيم ومطر وبراد يشوووووووووق00عسى ماتصير حاره بالصيف!!!!!!!!!!

 

[حضاره]

مرووو ترى بطاقة الاويستر تنباع اهني بالسفاره!!

 

[حضاره]

مرووو الابداع اخر يوم امتحانات لهم 7/6 والتكامل مادري عنهم بس بنيتي بجريد 4 تهقين عندهم فاينل؟!