تجمع مسافرات لندن في صيف 2010

[mr000]

حضاره زين قلتيلي عن تذكرة الباص أقول حق ولدي يقول حق رفيجه اللي بيسافر مع زوجته..بس ولدي الثاني اللي بيروح باجر ماكو إلا يشتريها من هناك..والله حضاره ماأذكر امتحانات التكامل..أذكر بغريد6 كان فيه فاينل بس بغريد 4 جنه عالإختبارات الشهريه بس يعني مو إختبار نهاية الفصل.. والله مومتأكده..عاد تصدقين ألحين ولدي بالعالميه ماعندهم فاينل بالميدل سكول كله من غريد 6 لي 8..وآنا طلعت عيوني مع ولدي بالتكامل..قلت ياليتني ناقلته من قبل..

 

[mr000]

حضاره لندن بال3 سنين الأخيره ماقام يحوشهم حر مثل قبل بالصيف ..يعني آنا أذكر بسنة 2004 بآخر 7 حاشنه حر بالنهار حتى كنت أروح مناطق ثانيه أبرد.. بس الوالد يقولي العام وأولة العام كلش ماياهم حر..و بشهر 6 الجو زين.. يعني مطر وهوا بارد..بعد مادري يمكن الوالد ريال كبير ويستبرد بسرعه فبالنسبه له برد..

 

[mr000]

نشوفكم على خير بالليل يلا:bye22:

 

[الدلال]

السلام عليكم

شخباركم

مشغووله حدي مع ولدي وامتحاناته بس قلت ادخل واسلم عليكم

 

[حضاره]

اهلين الدلال اشلونج00الله يعينا وياكم على هالامتحانات 00صرنا انتشفق العطله اكثر من عيالنا لوووووووووووول

 

[حضاره]

مرووو حافظج الله ماتشوفين شر ان شاءالله مايحوشنا حر هالصيفيه00

 

[الدلال]

اهلين الدلال اشلونج00الله يعينا وياكم على هالامتحانات 00صرنا انتشفق العطله اكثر من عيالنا لوووووووووووول

هلا فيج حضااره

اي والله صدقتي

وغير جذي ولدي بعد عمري عنده عمليه يوم الاربعاء حق اللحميه, وقاعده ادرسه من هالاسبوع علشان اخاف يتعب وما يقدر

يعوض اليومين اللي يغيبهم, احاتيه والله

 

[بسمة السلطان]

بسمة السلطان ان شاءالله تروحين وتردين بالسلامه وتستانسين بسفرتج..أماكن التسوق وايد ولوعندج وقت تقرين الصفحات اللي طافت وايد كتبوا البنات عن أسواق.. عندج ويستفيلد مول.. والآوت لت في بستر فيليج.. وبلوووتر بس بره لندن شويه في كنت.. وأكو مجمع كبير وايد شوفي ساروونه حاطه عنه بالصور في ميلتون كينز..وعندج المحلات في بوند ستريت وريجينت ستريت ونايتسبريدج يم هارودز..

تسلمييييييين وماتقصرين واللة ---:sfg:

 

[بسمة السلطان]

بسمه السلطان 00ماعندي زياده على كلام مرووو غير الهارودز00والله يتمم عليج بخير ان شاءالله

مرووو 00ام العيال00قاعده افكر والله اخليها بالصيف وبدال ال10 ايام تصير شهر بس انا ماجربت لندن بالصيف اشلون جوها00

كنا متلهفين على جوها بشهر 4 غيم ومطر وبراد يشوووووووووق00عسى ماتصير حاره بالصيف!!!!!!!!!!

مشكووووووورة يالغالية بس ملينا من هارودزوسلفريج واللي تعودنا عليهم قلت يمكن في شي يديد بجيك علي المجمع اللي ساارووونة ذاكرتة:sfg:

 

[mr000]

الدلال مايشوف شر وليدج ولاتحاتين ان شاءالله بسيطه العمليه..

 

[بسمة السلطان]

سااااااااارونة حاولت ارسلج علي الخاص بس عندج ليمت الرسائل متعدي

 

[om l3yal]

بسمه السلطان 00ماعندي زياده على كلام مرووو غير الهارودز00والله يتمم عليج بخير ان شاءالله

مرووو 00ام العيال00قاعده افكر والله اخليها بالصيف وبدال ال10 ايام تصير شهر بس انا ماجربت لندن بالصيف اشلون جوها00

كنا متلهفين على جوها بشهر 4 غيم ومطر وبراد يشوووووووووق00عسى ماتصير حاره بالصيف!!!!!!!!!!

هلا حضارة والله السنة اللي فاتت كان الجو عجييييييييييييب انا كنت من 20/7 لي 7/8 براد ومطر وحتا السنة اللي قبلها رحت اول 8 كان الجو وااااااايد حلو

 

[الدلال]

الشر ما يجيج مروو

ماقصرتي يالغااليه

حاولت ارسل حق ساروونه لقيت صندووقها مليان ما يستقبل

 

[سارونة1972]

صباح الخير بنات جميعا حبيت اسلم عليكم واسمحولي الرسايل عندي فل توني فضييتها واي شي دزولي انا حاظره واسمحولي لي تاخرت عليكم بالرد لاني حدي مشغوله فديت روحكم

عيوني مغمضه وانا اكتب لكم ودي اذكر اساميكم وحده وحده بس جد تعبانه من الجو برد وارهاق واسمحولي الحين نشوفكم على خير:aha::aha:

 

[mr000]

هلا والله سارونه اشلونج شخبارج.. معذوره حبيبتي إحنا بس حبينا نتطمن عليج مومشكله جابلي شغلج ولاحق عالسوالف! بس زين اللي قريت ردج إن برد هناك وولدي كان توه بيروح المطار قلتله خل بإيدك جاكيت حق هناك رايح بتيشيرت صيفي!بس مادري اشلون نطلع أوقات الصلاة يعني صلاة الصبح الساعه كم؟آنا قلتله شوف بالانترنت في bbc weather ‎‏ متى شروق الشمس ومتى الغروب وأحسب الوقت!

 

[mr000]

حضاره وأم العيال وينكم اليوم شخباركم! حضاره جيكي إيميلاتج! بنات منو فيكم راحت كناري وارف بلندنcanary wharf‏ في وحده بالدوام مع ولدي قايلتله المكان حلو ومايروحون له الخليجيين وايد وفيه شوبينغ سنتر ويصلح حق أيام المطر لأن السوق مغطى وآنا شفته بالنت تقريبا ساعه بالباص بس هم يروحونله بالاندرغراوند وإن شاءالله أرد أحطلكم سايت المكان! بس بقيت راي البنات اللي رايحين له!

 

[mr000]

http://www.canarywharf.com/mainFrm1.asp?strSelectedSubmenu=Spaces&strSelectedArea=Lifestyle هذا سايت المنطقه كاناري وارف http://www.mycanarywharf.com/شوفوا هذا بعد عن المطاعم والمحلات

 

[سارونة1972]

هلا والله سارونه اشلونج شخبارج.. معذوره حبيبتي إحنا بس حبينا نتطمن عليج مومشكله جابلي شغلج ولاحق عالسوالف! بس زين اللي قريت ردج إن برد هناك وولدي كان توه بيروح المطار قلتله خل بإيدك جاكيت حق هناك رايح بتيشيرت صيفي!بس مادري اشلون نطلع أوقات الصلاة يعني صلاة الصبح الساعه كم؟آنا قلتله شوف بالانترنت في bbc weather ‎‏ متى شروق الشمس ومتى الغروب وأحسب الوقت!

حبيبتي مر000 هذا الرابط فيه تواقيت الصلاه في لندن


http://www.iccuk.org/page.php?section=education&page=candl

http://www.iccuk.org/downloads/Prayer_Time_Table.pdf

 

[حضاره]

الدلال مايشوف شر وليدج ان شاءالله وزين تسوين درسيه الحين قبل العمليه00

ام العيال ونستيني والله 00يعني الجو حلو00عسى ان شاءالله

سارونه ياقلبي يامال العافيه00

مرووو00اصلا الجو بارد بلندن الحين يعني ضرووووري الجاكيت وكيفه عاد اذا تحته تيشيرت!!

مرووو توني راده مع العيال من شوكليت بار البدع00وكان في وحده مع حفيدتها والخدامه مادري ليش حسيت انها انتي بس البنوته اصغر من

السنتين وسولفت معاي ع الماشي وهي طالعه00قاعده اقول جان زين انتي 00لايكون انتي!!

 

[رمسه777]

مرحبا بنات من فترة حطيت بعض الاستفسارات و محد رد علي

و الحين بحطهم مره ثانيه..


طبعا انا ناويه اسافر مع زوجي و ولدي 6 سنين و بنتي 3 سنين و على موعد السفره في اوخر يونيو بكون حامل بالشهر السادس..
هل في وحده فيكم جربت تسافر و هي حامل او الافضل اني اهون و اجعد بالديرة ؟

ويالليت تفيدوني عن فندق حلو وسعره ممتاز وابيه قريب من التسوق و الاماكن السياحية المهمه لاني مثل ما جلت لكم حامل و ما اجدر على المشي للاماكن البعيده ابي استانس بالمقاهي و الجعدات و اروح اماكن قريبه عشان عيالي وزوجي يستانسون...
وسوال ثاني بعد هل بيكون في تنزيلات على اواخر يونيو و اول يوليو ؟؟؟؟؟​