تجمع مسافرات لندن في صيف 2010

[حضاره]

الف حمدلله على سلامتكم 0ام العيال 00الله خير حافظ وهو ارحم الراحمين00

والله موقف صعب!!

 

[حضاره]

بنات وينكم00 انا بروح اطلق رويلاتي عند بنات امريكا!!

 

[mr000]

السلام اشلونكم ..أم العيال الحمدلله عالسلامه وتقبل الله طاعتكم..والله الحافظ الحمدلله اللي وصلتوا الكويت بالسلامه..هلا والله حضاره ..كاني صارلي كم يوم أحوس بالتجمع بس ضيقة خلق مو وايد يدشون البنات والمنتدى كله معلق .. والله حضاره ولدي رجع من فرنسا بالقطار لي لندن وهو كان ناوي يروح ألمانيا والنمسا بس لما سمعوا بسالفة المطارات ردوا لندن..وألحين ناطرين يشوفون شيصير على نهاية هالأسبوع ..شفتي حضاره والله خيره اللي مارحتي جان توهقتي عالرده حق المدارس مايندرى صج تفتح المطارات على آخر هالأسبوع وإلا تطول أكثر

 

[كويتيه ذربه]

السلام عليكم اشلووونكم


اشلووووونكم

انا سفرتي الجمعه بس مايندرى لي وقتها يكونون فتحوا المطارات ولا لأ

 

[حضاره]

باااااااااااااااااااااااك00

اشلونكم يابنات 00وينكم يحافظ محد بين؟؟

مرووو 00اي والله خيره ولله الحمد! وولدج بيمدد اقامته؟

كويتيه 00صاجه والله مايندرى يفتحون المطارات ولا بتظل مسكره وهالعالم اللي تعلقوا مادري شبيسوون!!

سبحان الله هذا البركان ماثار بس ادخنه متصاعده 00الله يستر على المسلمين ويحفظهم ان شاءالله

 

[حضاره]

بنات00من صجكم بيطول؟؟انزين وسفرة الصيف نكمل ولابلاش منها00 استغفرالله العظيم والله وهقه!!

اللي بيسافرون بالصيف 00وينهم 00

 

[mr000]

السلام عليكم اشلونكم ..حضاره اشلونج..والله ولدي اليوم كلمته..يقول ماكو حجز قطار حق فرنسا وايد ضغط عالحجز ..على أساس فكر يرجع عن طريق فرنسا تالي اسبانيا أو ألمانيا..هو ألحين ماعنده مشكله إلا الدوام باقي على إجازته 10 أيام..والله كريم ..وعالصيف ..والله مادري يعني اللي مودافع شي مومشكله يكنسل بس اللي مثلي دافعه التذاكر خلاص .. والفندق سواء رحت او مارحت راح ينخصم المبلغ من حسابي..وخل نشوف الله يحيينا لي شهر 9

 

[M.&A. Stuff]

السلام عليكم بنات التجمع

منوو بيروح لاسكتلندا وتحديدا ادنبره على شهر 7؟؟

وشنوو راح يصير ع البركان اخاف نحجز ويوقفون الطياران!! يالله ارحمنا برحمتك

 

[بسمه الم]

السلاام عليكم بنااات ,, اشلونكم .. اخباااركم ؟؟
حضوره بعد عمري منوره ,, وربي يخليلج اعيالج يااارب ,, ام العياال الحمدالله على سلامتكم ياااقلبي ,, وتقبل الله ,,
مرو حبيبتي انشاااءالله ولدج رااح يرد بالسلاامه ,, اناا رفيجتي بالكويت متوهقه بديناا دوااام واهي للحين بالديره ,, وخواتي عندي همن متوهقين رحلتهم بااجر تأجلت لاخر الاسبوع ,, وهم مو اكيييد لاخر الاسبوع ,, الله يستر والله ,, سااارونه وربووعه الحلوه طمنوناا عنكم حبيباااتي ,,

 

[بسمه الم]

السلام عليكم بنات التجمع

منوو بيروح لاسكتلندا وتحديدا ادنبره على شهر 7؟؟

وشنوو راح يصير ع البركان اخاف نحجز ويوقفون الطياران!! يالله ارحمنا برحمتك

وعليكم السلاام حبيبتي ,, اهو المشكله مااكو خبر اكيد ,, كل يوم كلاام ,, واكو احتمال لبركان ثااني ,, الله يستر ,,
احسن شي ياااقلبي حجزي بدون مااتدفعين ,, لانه اللي اعرفه يااقلبي بهالحالات ماكو تعويض ,, انشاااءالله خير ,,

 

[mr000]

السلام ..اشلونكم ..بسمه اشلونج حبيبتي منوره التجمع..والله مشكله استغفرالله سالفة هالبركان والرماد..اليوم قلني حق ولدي دق عالسفاره وعطوهم أرقامكم يمكن يساعدونكم بالرده.. بس هم بعد مو بأيد السفاره على خطوط الطيران متى ماافتحوا المجال..أم العيال وحضاره وعز وكويتيه اشلونكم سخباركم..بعد وين باجي البنات..

 

[mr000]

طوفوا البدليات..لازم أحط ترجمه ..قلني= قلنا

 

[om l3yal]

السلام ..اشلونكم ..بسمه اشلونج حبيبتي منوره التجمع..والله مشكله استغفرالله سالفة هالبركان والرماد..اليوم قلني حق ولدي دق عالسفاره وعطوهم أرقامكم يمكن يساعدونكم بالرده.. بس هم بعد مو بأيد السفاره على خطوط الطيران متى ماافتحوا المجال..أم العيال وحضاره وعز وكويتيه اشلونكم سخباركم..بعد وين باجي البنات..

هلا والله مروووو الله يرد وليدج بالسلامة ويقر عيونج فيه وماتدرين يمككنها خيره

 

[mr000]

أم العيال توه دق ولدي وقال إنه راح السفاره قبل شوي مع ولد أخوي وخذوا أرقامهم على أساس راح يدقون عليهم ويودونهم فندق يم المطار ومتى مافتح المطار يردونهم..والله كريم ..هو بس يحاتي الدوام يقول قطاع خاص أخاف مايتفهمون..بعد شيسوون هذي مشكله عالميه مو بس هو العالم كلها انحكرت مو قادرين يردون..

 

[om l3yal]

أم العيال توه دق ولدي وقال إنه راح السفاره قبل شوي مع ولد أخوي وخذوا أرقامهم على أساس راح يدقون عليهم ويودونهم فندق يم المطار ومتى مافتح المطار يردونهم..والله كريم ..هو بس يحاتي الدوام يقول قطاع خاص أخاف مايتفهمون..بعد شيسوون هذي مشكله عالميه مو بس هو العالم كلها انحكرت مو قادرين يردون..

الله يردهم بالسلامة اليوم اكلم اختي ولدها وولد اختي الثانية رايحين ايطاليا من الخميس والمشكلة انهم انزلوا بمنطقة وجناطهم بمنطقة يعني غربال بدون ملابس حد الوهقة واثنينهم تعيين يديد بوشهرين وواحد منهم مدرس والثاني مرته على ويه ولادة والله يستر على امة محمد كلها ويردهم سالمين غانمين

 

[الدلال]

السلام عليكم

شخباركم

جم يوم وانا احاول ادخل وماكو فايده

 

[حضاره]

السلام عليكم00المنتدى صار يلوع الجبد اشدعوه من امس بالليل احاول ادش موراضي يبطل!!!!!

شخباركم بنات00الدلال اشلونج00

مرووو 00الله يحفظ ولدج وولد اخوج ويردهم بالسلامه00ان شاءالله

ام العيال00الله يحفظ عيال خواتج ويردهم سالمين ان شاءالله

مرووو 00انا قصيت التذاكر وخلصت على 9/6 00بس والله شكل الموضوع مطول 00بس الحمدلله مادفعنا فلوس الفنادق!!

عاد البرتش ماعندهم استرجاع لقيمة التذاكر!!الله يجمل الحال ان شاءالله وتستقر الاحوال00والله عاد طاااااااااااااااقه جبودنا من المدارس

وناطرين العطله على نار00نبي نغير جو!!

ربوع الحلوه هناك والمفروض على كلامها سفرتها 10 ايام وترد 00يتراوالي تعلقت هناك 00الله يستر عليها يارب00

 

[الدلال]

هلاا فيج حضاره , انا بخير الله يسلمج

والله انا بعد حجزت ودفعت حق 21 \7 على الكويتيه , بس انشالله تنحل هالمشكله وماتطول

 

[حضاره]

آمييييييييييييييييييييين 00الله يسمع منج دلال00

 

[بسمه الم]

السلاام عليكم بناات,, اشلونكم ؟؟
نسيت اقولكم عن سوق شعبي بلندن ,, اهو مشهور حييل ,, وعندهم شغلاات حلوه ,, اناا غراامي ال hair bands
ولمن ارد الديره ,, كل من يسألني عنهم ,, لانهم مميزين حييل ويهبلون ,, وهم اكو عندهم شغلاات واايد ,, بس اكثر شي يعجبني بالماركت ,, اهم اكسسوارات الشعر ,,
ال Portobello Market ,,
اقرب محطه تيوب له اهي ال Notting Hill Gate ,, ومشي شويونه راح تشوفونه سوق شعبي مفتوح زحمه حييل لانه بيوم السبت بس ,, بس صدقوني يونس تلاقون شغلات حلوه
وهذاا ساايت المااركت ,, شوفوه
http://www.portobellomarket.org/