تجمع مسافرات لندن في صيف 2010

[كيليوبترا]

مساء الخير يابنات ياحلوين شخباركم ظبى الفلا ولا مانسيتج بس والله انشغلنا مع الوالد الله يشافيه ولا والله ما يخفف على الا لما ادخل وادردش معاكم واشوف شخباركم والله يشافى كل مريض يارب ظبى الفلا احنا ساكنين 15 بارتمن سكوير يم حياة رجنسى( تشرشل )وسارونه يا حلوه شخبارج حبيبتى متى الوصول انشاء الله مرو الله يونسج بالعافيه ياحلو سوالفج والله يخليج لوليدج وياهلا فيج ياريما^ و احنا بعد نحبكم ويشرفنا التعرف عليج واتمنى لج سفره حلوه

 

[ظبي الفلا]

اليوم رحت لشبرزبوش ادور الاساور الي قالو عنهم محد عرفهم ومالقيت
شدعوة بنات مافي وحدة تعرف اساور الميني عقال وين القاه حطولي عالاقل صورته
لؤلؤة الكويت وين صورة الميني عقال الي قلتي بتحطين لي
كيلوبترا اللة يشافي لكم الوالد وكل مريض ويشافي خالتي بعد عاذرتج واللة وحاسة فيج
و سلام خااااااااااااااااااااااااااااااااااااااااااااااااص حق البيج بوس سارونة

 

[mr000]

السلام ... وي ياحسرتنا سارونه شكلها ليلحين زعلانه علينا.... سارونه بيعينا بالسوق .. ترى مانقدر على زعلج.. والله ماراح ننام الليله خلاص حرمنا..حضاره وينج.. اشصار على سفرتج..فكري بهدوء ولاتقررين بيوم واحد..

 

[kaboOOOOOOOOsa]

مشكوره سارونه ما قصرتي حبيبتي

 

[حضاره]

مساء الخير على الجمييييييييييييييييييع00

سارونه اشلونج00مرووو هلو حبيبة قلبي 00شخبارج00والله ماادري 00 ومنقثه من جم شغله غير سالفة السفر00

بالنسبه للسفره انا عامة قاعده استخير وبكمل باستخارتي00وعسى ربي يكتب اللي فيه الخيره00

 

[om l3yal]

السلام عليكم بنات لندنيات
سامحوني على لقافتي أنا من السنة اللي فاتت وانا متابعة تجمعكم بس بصمت
بس السنة ما قدرت اصمت اكثر من جذي:denya:
أعرفكم علا نفسي
أنا من عشاق لندن من مواليد اول السبعينيات
بديت اروح لندن من سنة 76 وسنويا الله يرحم أبوي ويغفر له ويرزقه الجنة ونعيمها يخلينا نصيف هناك مو اقل من شهرين وآخر سفرة مع أبوي الله يرحمه كانت قبل الغزو بشهرين وقعدنا لي بعد التحرير بست شهور
بعدها تزوجت كان يقولي زوجي شنو الحلو في لندن :gr4uu:ورحنا عشر ايام وفي ظرف شهرين رحت معاه لندن 3 مرات صار عنده إدمان لندن وقطعنا عنها فترة رحنا الشرق والغرب افترينا أوربا وأمريكا واستراليا الفار إيست كله بس العشق يظل حق لندن
علا قولتهم ما الحب الا للحبيب الاولي
الصيف اللي قبل اللي فات رحت اسبوع مع اليهال بعد ما كبروا وبعدها رحنا فرنسا بس مافي وجه مقارنة طبعا بين الثنتين خلوني ساكتة
والصيف اللي فات هيصوا لان السفرة كلها لندن
قبل اسبوع نتناقش علا السفرة ابوهم يقولهم امريكا احلا وارخص يردون بس امريكا ما فيها أسرح وامرح وانطلق بدون رقيب
وبالفعل أنا علا كثر الاماكن اللي رحت لها ماطلعت بروحي غير في محبوبتي لندن:ada:
ادل فيها شبر شبر وشارع شارع
أنا طولت عليكم وتفخت رأسكم بقصة حياتي سامحوني
والحين تقبلوني عضوة بتجمعكم*

 

[mr000]

هلا فيج أختي om l3yal وحياج الله معانا واحنا ترى كانا نفس حالتج عشاق لندن .. آنا كل مره أقول بغير وأشوف نفسي حاجزه حق لندن ..تعودت عليها ...أختج mr000 أكبر منج شويه يعني ب5 أو 6 سنين بس آنا صرت يده:wqedqw:

 

[mr000]

حضاره.. ميخالف لايضيق خلقج.. الله يكتب اللي فيه الخير..سارووووونه عسى ماشر بس طمنينا عليج...

 

[om l3yal]

mr00o الله يخليج لعيالج ويخليلج عيالج يارب
وناسة انا بنتي اتخرج السنة اتخرج من الثانوية باذن واحد احد والحين افتح الباب للخطاب واصير يدة مثلج
ياني عرض من زوجي على اخر الشهر لندن بدون اليهال لمدة اسبوع او بالعطلة مع اليهال امريكا
بس رفضت العرضين
لاني طماعة ابي لندن بالعطلة مع اليهال
وقلت له اليوم شوف انا بحجز لي ولعيالي على نص 7 تبي تيي حياك الله ما تبي حافظك الرحمن ولدي ريال وعيالي شايلين عمرهم اعمارهم 17ونص 15 الصغار 9 سنين
يسالني وين بتحجزين قلت ما يبيله غير لندن مافي بس انا ناطرة تسجيل الجامعة حق بنتي بعدها اطير

 

[حضاره]

حياج الله معانا ام لعيال00الله يخليلكم ابوكم ويخليج لعيالج 00تعيشون وتونسونهم يارب

 

[mr000]

أم العيال ..آنا ولدي متزوج ..بنتي بالجامعه بس بس مابقيتها تتزوج ورا الثانويه سيده.. خل تدرس وتستانس بالجامعه تالي يصير خير...والله شوفي إذا عيالج اسم الله عليهم كبار لندن مايبيلها شي.. حجزوا كل شي من الكويت وخلاص..

 

[سارونة1972]

مساكم الله بالخير جميعا وحياج الله معانا اختي om l3yal ونورتييينا فديتج

مر000 اشلونج حبيبتي عساج بخير انا بخير مافيني الا العافيه عسى استفدتي من الاوت لت ههههههه

حضاره اشلونج حبووبه وتوكلي على الله سبحانه وكل شي بصير بصير بإذنه سبحانه وربي يسهل عليج يارب

وظبي الفلا وكيليوبترا وزهر وردي وام بدر وريما وقهوه لاتيه والدلال ولؤلؤة الكويت وكابوساااااا كلكم حبيباتي واسمحولي اذا نسيت احد لاني مو متذكره عدل كلللللللللللللللللكم بهالتجمع الطيب حياكم الله وعلى راسي حبيباتي

شوفي المرفق فيه الكاكاو الجالكسي اليديد من لندن منو تبي ترفع ايدها هههههههههههههههه







الي مسويه رجيم لا تفتح المرفق نصييييييييييييييحه ههههههههههههههه :eh_s(15):

:aha::aha::aha::aha:

 

[kaboOOOOOOOOsa]

ايه صج ودي اعرف السر ليش كل مره انحوس ونسال وندور ونلقى روحنا حاجزين حق لندن

 

[mr000]

أهلين ساروونه <<< إي والله خوش موضوع عن الآوت لت<<< تسلم إيدج<<< حيتخرب بيتي من ورا موضوعج!!! شنو هالكاكاو حلو؟ نجربه أييب منه هالسنه ان شاء الله

 

[mr000]

يلا تصبحون على خير قاعده أكتب وآنا فاتحه نص عين<<< شكلكم رحتوا نمتوا!!

 

[سارونة1972]

يلا تصبحون على خير قاعده أكتب وآنا فاتحه نص عين<<< شكلكم رحتوا نمتوا!!

اي حبيبتي مر000 هذا الكاكاو عجيب مثل طقت الااروو مو الاااوت لت الااارووووو ههههههههههههههههههههههه


اوكي حبيبتي تصبحيين على خير ونوم العوافي

 

[سارونة1972]

ايه صج ودي اعرف السر ليش كل مره انحوس ونسال وندور ونلقى روحنا حاجزين حق لندن

السبب هو النية صافيه ههههههههههههههههههههههههههههههههههههه
:stars::stars::stars::stars::stars:

 

[Hello_kitty]

مساء الخير..انه من زمان اتابع هالتجمع واحب اشكر كل وحده كتبت وفادتني ولو بمعلووووووووومه

ان شاء الله اناويه على لندن وعندي جم سؤال بليز بليز الحلوه تجاوبني


ما نشستر شنو الأماكن السياحيه اللي فيها وجم يوم يكفيها يومين كافي؟؟؟

بلاك بول تسوى العنوه ويكفيها يوم من الصبح لي الليل؟؟شنو فيها..والملاهي كبيره يعني تاخذ يوم كامل

لأني ناويه اروحلها يوم من الصبح لي الليل ومحتاره اشلون يمديني اتسوق واتمشى فيها واروح الملاهي بنفس الوقت لأن الملاهي راح تاخذ كل الوقت؟؟

مصنع الكادبوري عرفت انه في بكنغهامظ؟جم ساعه يكفيه واقدر اتمشى في بيكغهام مدام اني واصله قبل لا ارجع لندن؟؟

 

[mr000]

مصنع الكادبري في برمنجهام<<< مروو طسي نامي بس لقافه

 

[Hello_kitty]

لووووووول سوري مرو توني انتبه حدي دايخه كتبتها غلط قصدي برمنغهام

انتي رحتيله؟؟