تجمع مسافرات لندن في صيف 2010

[الدلال]

صبحكم الله بالخير

شخباركم بنااات

يا حلوو سوالفكم والله

 

[حضاره]

السلام عليكم جميعا 00اشلونكم بنات

بشرونا عنكم 00احس خلاص بدا العد التنازلي حق الصيف 00وناااااااااااااااااااااسه قربت السفره

مرووو وينج00شابكه ومادشيتي التشات؟! اشلون البرنسيسه الله يحفظها00

ام اي ستاف00زين تسوين 00خو مايصير الواحد رايح بريطانيا ويخطر لندن00ماتنخطر00عليكم بالعافيه ان شاءالله

 

[حضاره]

الدلال00صبحج الله بالخير 00اشلونج

كويتيه وام العيال 00اشلونكم 00

ربوعه00الله يعينج ويوفقج في امتحاناتج يارب 00وتسمعينا اخبارج الحلوه 00شيكي الخاص ربوعه!

 

[om l3yal]

الدلال00صبحج الله بالخير 00اشلونج

كويتيه وام العيال 00اشلونكم 00

ربوعه00الله يعينج ويوفقج في امتحاناتج يارب 00وتسمعينا اخبارج الحلوه 00شيكي الخاص ربوعه!

حضارة الله يصبحج بالنور والسرور اي والله انا قاعدة اعد الايام علشان العطلة بس انتو تخلصون قبلنا عليكم بالعافية

 

[ربوع الحلوة]

mroo mroo mroo

مطلووووبه مطلوووبه حالا بالا حالا بالا وينج وين غاطه شنو شاغلج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الدلال]

هلا وغلا حضاره انا بخير الله يسلمج

شلوونكم وشخباركم

 

[الشامريه]

السلام عليكم.......

بنات ابي تنقذوني انا بسافر لندن وبطول هناك وعقب زوجي بيلحقني

ولذلك انا ابي صالون او وحده تجي الشقه حق الشيره والحواجب والبديكير


وابي صالون حق الصبغات الكشخه


طبعا انا متحجبه يعني ابي صالون نسائي

 

[الشامريه]

8
8
8
8
نسيت اقولكم يفضل من الجنسيه العربيه

 

[ربوع الحلوة]

8
8
8
8
نسيت اقولكم يفضل من الجنسيه العربيه

وووي الله يعينج الشامريه إحنوا نروح أكثر شيء شهر ومانتحمل حواجبنا لاطلعوا شلون مده طويله أنا شفت بدبنهامز

هنديات فوق حاطين كرسيين يشيلون الحواجب بالخيط بس ماجربت لأني متعوعده علي صالونتي

شوفي يمكن أقدر أفيدج بشغله في كتاب بلندن معروف للسياح (( إسمه بيباي لندن )) في عناوين كل شيء ومن ضمنها

صالونات بس مادري عاد إذا عربيه بس أتوقع عربيه لأن الكتاب حاطينه للعرب السياح

 

[ربوع الحلوة]

http://travel.maktoob.com/vb/travel273590/


اللي تبي تشوف كناب بيباي لندن تدخل الرابط

 

[mr000]

السلام أشلونكم..شخباركم ..هلا والله حضاره..والله ماكو من قعدت الصبح الصغيره عندي تالي انشغلت شويه بالمطبخ و عقب الصلاة ودينا الصغيره تلعب بالأفنيوز..هلا والله ربوع بعد قلبي ..كاني موجوده ..ها عسى تذكرتي مكان حلو بلندن وبتقولين لي عنه؟بس يكون إكسكلوسف ..بس حقي:O_SHH_:..وايد صايره نحيسه هالأيام..:jbdwjbd:

 

[mr000]

ربوع لما فتحت السايت اللي أنتي حاطته..وسجلت بالمنتدى هذا وفتحت مواضيعه..شفت موضوع عن محل يبيع أنواع الشاي والقهوه يعني كافيه وهم يبيع أنواع الشاي ومكانه بسكه ضيقه يم دبنهامز اللي مقابل هارودز ..أعتقد مره وحده من البنات كتبت عنه..بس ناسيه منو..شوفوا هالسايت..http://travel.maktoob.com/vb/travel346107/

 

[الدلال]

مروو في محل يبيع انواع الجاي وتشربينه عندهم يهبلللللل بالسكه اللي يم صيدلية بووتس مقابل دبنهامز اللي باكسفوورد

 

[الدلال]

توني افتح الرابط واشوف المحل

سبحان الله توارد خواطر بس ترى هالمحل مو يم هارودز لا يم بووتس ويهبل وادمنته هنااك

 

[mr000]

في وحده بمنتدى المسافرون حاطه موضوع عن تنزيلات هارودز وقت الكريسمس..وأنها خذت جنطة غوتشي من الكوليكشز اليديد 2010 سعرها الأصلي ب375 باوند وبالتنزيلات 166..حتى ماتطلع 100 دينار ..يبيله روحه بالكريسمس..ها اشرايج حضاره..يقولج خوش استجمام بالكريسمس

 

[mr000]

الدلال سووووري آنا كتبت غلط كنت شايفه موضوع عن هارودز وتداخلت المعلومات بمخي صاجه المحل بأكسفورد يم بوتس اللي مقابل دبنهامز

 

[mr000]

آنا شكلي بعشش بهالمنتدى..وايد حاطين فيه مواضيع عن لندن وصور..

 

[ربوع الحلوة]

ربوع لما فتحت السايت اللي أنتي حاطته..وسجلت بالمنتدى هذا وفتحت مواضيعه..شفت موضوع عن محل يبيع أنواع الشاي والقهوه يعني كافيه وهم يبيع أنواع الشاي ومكانه بسكه ضيقه يم دبنهامز اللي مقابل هارودز ..أعتقد مره وحده من البنات كتبت عنه..بس ناسيه منو..شوفوا هالسايت..http://travel.maktoob.com/vb/travel346107/

mroo أنا مشتركه بمنتدي المسافرون كلمة روووعه شويه علي وايد إستفدت منه ومحل الشاي رحناله وشربنا الشاي

الأبيض هذا الله يسلمج أفضل أنواع الشاي ويكون علي شكل ورده تنحط بالكوب تشوفينها تتفتح جدام عيونج وتالي تشربينه

يهبل وعنده قهوه ومافن وكيك وقعدته الكراسي علي شكل جذع شجر يصير بسكه يم بوتس يم محل صغير (( كوكيز بينز ))

وإذا تحبون الوافل بعد في محل (( يلفة أديداس )) جدام سيلفردج محل وافل روعه للقعده

هذا لليوم بببببببببباي

 

[ربوع الحلوة]

وصاجه mroo قريت موضوع اللي شاريه جنطه من هارودز بالكريسمس بسسسسسسسس إذا عندج إستعداد توقفين من الفجر وتاخذين رقم

في وحده طرشت زوجها واقف بره من الفجر يقول الشارع فاضي وماخذ ريوقه معاه هذا يوم واحد بس mroo (( بوكسنج داي ))

 

[mr000]

أي صاجه ربوع ..آنا سامعه أن طابور ونطره من الصبح كم ساعه..بنت حماتي تروح بالكريسمس مانشستر.. وتروح آوت لت قريب على مانشستر..وهم والله تشري وايد.. شاريه جناط برادا على 270 الوحده..يعني بالكويت عندنا بالتنزيلات 500...عاد آنا مكان زحمه ماااااأحبه لو يوزع ابلاش مادشيت..