السلام عليكم ورحمة الله وبركاته
شلونكم بنات
بنات مالي غير الله ثم انتو ان شاءالله تساعدوني
انا باقي لي اسبوع على سفرتي
والحمدلله الحجز وحجزته والفيزا وخلصتها
وهذه اول تجهيزاتي حق السفرة
رحت الديرة وعطوني ابلكيشن وعبيته وقعدت انطر دور بس الي بط جبدي بالمكان الموظفة الي اهناك صج صج تبط الجبد
ولمن تروحون بتشوفونها انا حركاتها ما اعجبتني بس يالله بلعتها ومالي خلق مشاكل
ثاني شي جني قاعدة بحراسه هههههههههههههه يحليلها الفلبينية المتينة الي هناك خرعتين كنت اتكلم بالتلفون ولا يايتني ركض كلوز كلوز
انا تنحت خير شنو كلوز
اثاري ممنوع اتكلم بالتلفون
خلصت ووقعت ورحت بصمت وشريت من عند الهندية الي تبصم وتصور الخريطة بدينار انا حسبتها بالعربي اطلعت بالانجلش ههههههههههههه هيهات وافهمها هههههه
بنات بليز انا طيارتي على الاقطرية وانا موتي والطيارة اخاف منها والله يصبرني عليها
هذه مشكلتي الاولى ياليت تفيدوني بحبوب تنومني او شي بالطيارة لان تصير فيني لوعه وراسي يعورني؟
بنات تحملوني اول مرة اروح لندن وموععارفة شي وبنفس الوقت خايفه الصراحه الن اول مرة اروح لها
ابيكم تعلموني من البداية الحين لمن اخلص من المطار شلون اروح الفندق انا بسكن بكمبرلاند بتكسي ولا قطار ولا باص مو فاهمه الطريقة ؟؟
ثانيا بنات ابي جنطة الف خاطري فيها وتدرون بالكويت شوي غاليه ياليت تدلوني مكان يبيعاه ؟؟
وسمعت ان في مكان اوت ليت شلون اروح له؟؟
وعلى الايقو شلون من وين اشتريها من الكويت ولا وين عالشان ابي اكلم واشوف بنتي ؟
وماعليكم امر ابي جدول سياحي وتسويقي واهم شي تسويقي لمدة 8 ايام هههههههههههههههه
وبسالكم عن لندن اي شنو القريب منه عالشان اروح له بنفس اليوم
ابيكم تيمعون الاماكن القريبة عالشان اروح لها بنفس اليوم؟؟
وتقريبا جم اخذ معاي مصروف تدرون فيزا ههههههههههه
وايد اسمع يمدحون محل بريمارك شنو اشتري منه وصج بضاعته زنة؟؟
ابي عطووووووووووووور للجسم ؟؟
وابي هدايا بس بسعر معقول وخاطري اييب بضاعه تنصحوني ودي استانس فيها جدام اهلي ههههههههههههههههه شكو
انزين وبنات بساكم انا بسكن بالاكسفورد شنو القريب منه ابي اشياء اسعارها معقوله ترى
وسمعت عن سوق الاحد شنو فيه وشنو اشتري منه وشلون اروح له وشنو شارع العرب
وان شاءالله اذا قدرت اصور لكم واحط لكم الصور وانا بلندن
وسوري تعبتكم معاي
ماعندي غيركم سالت وحدة من رفيجاتي النحيسه عيت تقولي تقول تبين اقولج وبعدين تييبين بضاعه شكو الحمدلله والشكر وحتى لو يبت انتي بتبيعينها عند اهلج وانا عند اهلي شكو
الله لا يبلانا
((( وهذا ردي حبيبتي علي الموضوع ))
أولا في بالمستوصف أو الصيدليات بالكويت حبوب حق الطياره تريح وهناك بلندن في ببوتس بعد
ثانيا من المطار تقدرين تروحين بتاكسي المطار بره أو هذا رابط حجزي سياره تييج المطار أرخص
,, على حسب السياااره وجم شخص ,,
الرقم داخلي 02077014321
خارجي 00442077014321
اسم الشركه simply airports
وهذاا سااايتهم (تقدرون تحجزون اونلاين )
http://www.simplyairports.co.uk/index.html
ثالثا جنطة LV تاخذينها من هارودز أو من بوتيك LV الكبير في بوند ستريت كل التكاسي يعرفونه إذا مادلين
رابعا في سوق أوت لت إذا أول مره تروحين لندن روحيله (( بسترفيلج )) من محطة ماريلبورن ستيشن قطعي تذكره
قوليلهم بروح ( بسترنورث ) ويعطونج معاها تذكرة مني باص لما توصلين يوديج الأوت لت ويرجعج المحطه لاخلصتي
خامسا محل بريمارك بوسط أوكسفورد في حق بضاعه إذا بتبيعين وحق صوايغ
وهذي الشوارع اللي فيها أسواق حلوه (( ريجنت ستريت / سلون ستريت / أوكسفورد سيركس / هارودز / هاي ستريت
كنغستون / سوق السبت إسمه بورتابولو/ مجمع ويسفيلد بشبربوش )) مادري بعد وايد أشياء وكلها التكاسي يدلونها
شارع العرب ياقلبي إهوا (( إجواررود )) في بقالات كل شيء فيها ومطاعم إيرانيه وعربيه ولبنانيه وفي محلات تيلفونات
تقدرين تاخذين خط النقال إسمه ليبارا وتشترين الإيقو بعد
هذا كل اللي أقدر أقولج أما جدول ماعرف أحط لج بس نصيحه تصفحي بالصفحات السابقه وحطي نوته راح تستانسين
لأن كل البنات الشقرديات ربعنا ماقصروا حطوا وايد معلومات عن كل شيء وحياااااااااااج
