تجمع مسافرات لندن في صيف 2010

[mr000]

السلاااام اشلووووونكم لندنيات..هلا والله حبيبة قلبي كويتيه ذربه..الله يوفق عيالج ويعينج على تدريسهم..أي والله صاجه..من كثر ماندرسهم نحفظ الدروس أكثر ..والله يفتر راسج من التدريس.. الله يعينج..شنو آخر أخبار لندن؟؟حضاااااااره بلييييييز طلي علينا ...منو بعد هناك فرفر وتشيلسيه..شخباركم..

 

[بناتي زينة حياتي]

السلام عليكم ,,

البنات اللي بلندن ياليت توضحون لنا الجووو يحتاج ملابس ثقيله او ربيعي خفيف ومعاه جاكيت احتياط ,,, محتاره ناس تقول اربع فصول بيوم واحد وناس تقول بررررد موووت ,, معاي بنات صغار فيدوني جزاكم الله خير

 

[الدلال]

صبحكم الله بالخير

شكل المنتدى ما يفتح الا الصبح , مرات بالليل ودي ادخل واوسع صدري القاه خير شر ما يفتح

متى يتعدل؟؟؟ ويرجع يفتح مثل قبل؟؟

 

[الدلال]

شلونكم كل الموجودين واخر اخباركم؟؟

 

[om l3yal]

شلونكم كل الموجودين واخر اخباركم؟؟

هلا الدلال اخر إخباري أنا مستانسة وضايق خلقي بنفس الوقت
مستانسة لان اليهال خلاص اليوم اخر يوم تدريس بأجر يخلقون
وضايق خلقي واحاتي بنتي الكبيرة بأجر تبدي اول يوم اختبارات ربي يوفقها ويتمم عليها ولا يخسر لها تعب ان شاالله وعيالكم والمسلمين اجمعين

 

[kaboOOOOOOOOsa]

اشلون الجو براد ولا موجه حر

 

[kaboOOOOOOOOsa]

نسيت اقولكم الباوند قاعد يصعد امس كان 429 فلس واليوم 434 لاء لازم اللي ماصرف اصرف وياريت ينزل اول الاسبوع

 

[mr000]

السلاام اشلونكم لندنيات شخباركم..والله زين إذا كان 429 أمس ...آنا صارفه قبل أسبوع 434 أو 435..حتى قلتله أنطر أحسن قالي لا صرفي قاعد يرتفع( هذا كلام اللي في المزيني)..المفروض الواحد مايسمع كلامهم...الموظف في بنك برقان ذاك اليوم يقول لاتصرفون بالويك أند دايما يكون مرتفع تالي ينزل على يوم الأحد والأثنين..

 

[mr000]

أم العيال اشلونج ..لاتحاتين ان شاءالله سهاله الأمتحانات والله يوفق بنيتج وتخلص امتحاناتها بتفوق ان شاءالله وتسافرون وتستانسون ..انحاشوا ترى بيطفون الكهربا الأيام اليايه ووزير الكهربا يقولكم جدامكم رمضان صعب..آنا ما أحاتي شي إلا الأيدام بالفريزر..على فكره توني كلمت الوالد الله يحفظه بلندن..يقول الجو حلو عجيييييب..الجو مشمس..حلوه مشمسsunny ومطر خفيف اللي يسمونه شاور وبرااااد حلو .عليهم بالعافيه وعليكم بالعافيه المسافرين ..أم العيال أبي منج صوغه كم كيس فيهم هوا بارد حق لي طفت علينا الكهربا..حضاره وربوع اشلونكم طمنونا عليكم. الدلال وعز وأم عبودي..وفرفر وتشلسيه..شخباركم..كويتيه اشلونج...بسألكم أمس بالمثنى شفت أوتي صغير خفيف حق السفر وعالبخار بس مو براون نسيت شنو ماركته قالي ب7 دنانير..بس ماأخذته قلت تو الناس عالسفره..بس مو متذكره إذا فندق ثيستل كان فيه أوتي وإلا لأ..منو فيكم قعدت فيه؟؟

 

[الدلال]

هلا الدلال اخر إخباري أنا مستانسة وضايق خلقي بنفس الوقت
مستانسة لان اليهال خلاص اليوم اخر يوم تدريس بأجر يخلقون
وضايق خلقي واحاتي بنتي الكبيرة بأجر تبدي اول يوم اختبارات ربي يوفقها ويتمم عليها ولا يخسر لها تعب ان شاالله وعيالكم والمسلمين اجمعين

هلا وغلا ام العيال

شلوونج وشخبارج, لج وحشه والله

اي والله انا بعد مستانسه ان اليوم اخر يوم تدريس

بس الله يعين اللي راح يبلشون عقب

الله يوفق بنيتج ويسهل عليها يارب

 

[جوجوا]

أم العيال اشلونج ..لاتحاتين ان شاءالله سهاله الأمتحانات والله يوفق بنيتج وتخلص امتحاناتها بتفوق ان شاءالله وتسافرون وتستانسون ..انحاشوا ترى بيطفون الكهربا الأيام اليايه ووزير الكهربا يقولكم جدامكم رمضان صعب..آنا ما أحاتي شي إلا الأيدام بالفريزر..على فكره توني كلمت الوالد الله يحفظه بلندن..يقول الجو حلو عجيييييب..الجو مشمس..حلوه مشمسsunny ومطر خفيف اللي يسمونه شاور وبرااااد حلو .عليهم بالعافيه وعليكم بالعافيه المسافرين ..أم العيال أبي منج صوغه كم كيس فيهم هوا بارد حق لي طفت علينا الكهربا..حضاره وربوع اشلونكم طمنونا عليكم. الدلال وعز وأم عبودي..وفرفر وتشلسيه..شخباركم..كويتيه اشلونج...بسألكم أمس بالمثنى شفت أوتي صغير خفيف حق السفر وعالبخار بس مو براون نسيت شنو ماركته قالي ب7 دنانير..بس ماأخذته قلت تو الناس عالسفره..بس مو متذكره إذا فندق ثيستل كان فيه أوتي وإلا لأ..منو فيكم قعدت فيه؟؟

مرحبا مر اشلونج انا اخت ام لعيال:eh_s(6): فندق تستل في كل الغرف فيهم اوتي ، بس بغيت اسألج انتي حجزتي الفندق ؟ادا حجزتي الفندق ابجم طلعت عليج الغفرة وشنو نوعها ؟

 

[mr000]

هلا والله جوجوا ..آنا ماخذه غرفه ستاندرد بسريرين 8 أيام ب1500 باوند..العام كنت ماخذه نفس نوع الغرفه ب1200 10 أيام..بس آنا للأسف ماحجزت من booking.com ولا من العروض اللي يسوونها مكاتب السياحه جان حصلتها أرخص..

 

[فـرفـر]

يابنات تري الجو باارد
انا مت بررررررررررررد ومرضت

 

[SoSo88]

انا سفرتي 17-7 راح يكون برد؟؟ اخذ وياي صيفي ولا شتوي ولا شسالفه

 

[om l3yal]

يابنات تري الجو باارد
انا مت بررررررررررررد ومرضت

عيل انا عكسج مت من الحر ومرضت
ونااااااااااااسة عليكم بالعافية بس ياليت يتم لين نوصل
تدرين فرفر اليوم انا بالسيارة والله اشوف الحرارة 50 وولدي قبل جم يوم مصورها مت من الضحك 54 يعني دمااااااااااااااااااار

 

[om l3yal]

مرووو اليوم رحت خذيت الجناط من كارفور تدرين انا ماخذة مثلهم من امريكا قبل 3 سنين ولما الحين عندي يهبلون بس باجي جناطي مادري وينهم وكيلج الله 3 اطقم مفقودة تدرين بجم ماخذتهم ب 100 دولار يعني 29 دينار

 

[om l3yal]

مرحبا مر اشلونج انا اخت ام لعيال:eh_s(6): فندق تستل في كل الغرف فيهم اوتي ، بس بغيت اسألج انتي حجزتي الفندق ؟ادا حجزتي الفندق ابجم طلعت عليج الغفرة وشنو نوعها ؟

شكبرهااااااااااااااااااااااااا شالبدلية
مرووو رايحة على شهر 9 يعني ماراح تفيدج

 

[om l3yal]

حضااااااااااااااااااااااااارة
بسسسسسسسسسسسسسسسسسسسسسسسسسسمة الم
مصخت سالفتكم
ترا نحاتيكم وايد ويييييييييييييييينكم

 

[كويتيه ذربه]

السلاااام اشلووووونكم لندنيات..هلا والله حبيبة قلبي كويتيه ذربه..الله يوفق عيالج ويعينج على تدريسهم..أي والله صاجه..من كثر ماندرسهم نحفظ الدروس أكثر ..والله يفتر راسج من التدريس.. الله يعينج..شنو آخر أخبار لندن؟؟حضاااااااره بلييييييز طلي علينا ...منو بعد هناك فرفر وتشيلسيه..شخباركم..

وعليكم السلام هلا والله حبيبتي
هلا بالغاليه
تسلمين والله
والله قررت ااجل سفرتي ان شاءالله حق عيد الفطر
ريلي يقول مو شي الحين زحمه خلي حق العيد احسن
قلت بحجز حق تاريخ 12 \9او 13 \9
بس اليوم مريت التكامل خذيت شهاردة بنتي
قالوا ان دوامهم 14 \9 شكلي يااغيبها او اخليها عند امي


انتي اشلونج ومتى السفرة ان شاءالله

 

[mr000]

هلا والله كويتيه ليش ماتسافرين قبل..عندج عطلة العيد ب9/9 تقدرين تاخذينها معاج وتغيبينها بس كم يوم ..أنتي اشكثر ناويه تسافرين؟؟ آنا بروح من 7/9 لي 15/9 واحتمال أمدد 3 أيام حسب الظروف لأن مايسوى أرد يوم الأربعا ممكن أمدد لي السبت..بس آنا بخلي ولدي لأنه بالثانويه راح يداوم بنص رمضان 24/8 وبنتي بالجامعه بتروح معاي..