تجمع مسافرات لندن هذا الصيف <<<<<

[miss_heathrow]

السلام عليم بناااات

شلونكم شخباركم



اللي ناويه تسافر لندن _03BA:هذا الصيف وبعز ظروفها الماساويه بالمرض اللي منتشر باوربا بشكل غير طبيعي
عطوني راييكم
واللي تحب تتكلم عن لندن وطلعاتها وسوقتها وحدايقها والموااااقف اللي صارت لها هناك :ggdw:


انا بالنسبه لي بسافر يقولون الاوضاع هناك هاديه حييل وماكو شي يخرع :eh_s(1):
وانتو شرايكم بتروحون ولا هونتو وغيرتو رايييكم ؟:eh_s(6):​

 

[rayo0om]

بصراحه انا ودي اسافر لندن بس الى اسمعة وشوف وايد ناس هونو بسبب المرض

 

[حورية الكويت]

انا بعد ابي اعرف و اشوف شلون الوضع

انا اعرف ناس بسافرون و عادي

 

[غالية22]

انا بعد ودي اروح بس مو لندن ودي اروح بره لندن يا جلاسكو او نيوكاسل بنات اللي رايحتهم من قبل ياليت تفيدنا شنو احلى جلاسكو ولا نيوكاسل حتى لو عالخاص ابي الاماكن السياحية والاسواق والمطاعم

 

[العطر 87]

انا بودي ولدي للعلاج بلندن بس حييل متخوفه لو بكيفي اجلتها بس مجبورين نسافر والله يستر

 

[العطر 87]

بنات صج بغيت اسال شلون الجو هناك شهر 6و7 علشان ما ادري شاخذ لولدي ملابس

 

[bride collection]

مافيها شي لندن غير اذية المطارات
ولا الوضع عادي بالصيف لانهم ينطرون السواح على احر من الجمر حق اجارات الشقق والتكاسي و المطاعم

 

[ام حمد(قطر)]

اذا عني بأذن الله مسافره لان الوضع جدآ طبيعي والدليل ان حجوزات الفنادق فل وبعد الطيران فل واسالوا الناس اللي بلندن بتعرفون ان الوضع عادي

 

[رايحه جايه]

لا رض ولا شي انا رايحه لندن بعد جم يوم وهذي المره الخامسه مثل جنون البقر الاصابات بلندن وصلت اكثر 200اصابه وكلا داخل لندن ولا شفنا شي ماكو الاالعافيه شوشره سياسيه اقتصاديه اعلاميه بس جذب

 

[mr000]

والله آنا رحت لندن بشهر 4 ورجعت قبل لاتطلع سالفة المرض بس الوالد حليا موجود هناك الصيف كله ويقول ماكو شي تعالوا شوفوا العالم بس اشكثرهم! ولندن تهبل ووناسه تشرح القلب واللي تحب توخر عن الزحمه والحر روحوا مناطق بره لندن آنا رحت برايتون ومارجيت وبلاكبول قعدنا فيها 9أيام ورحنا منطقة البحيرات أسمها ليك ديستريكت وايد حلوه تالي رحنا بالقطار اسكتلندا تهبل حتي بشهر 8 بااااااارده ولايوم يانا حر قعدنا بأدنبره ورحنا يوم كلاسجو مادري ماعجبتني وايد كلها مصانع وجامعات بس يمكن فيها أماكن حلوه ماشفتها كلها! في مناطق باسكتلندا أخوي رايح لها يمدحها وايد وهي انفيرنس وأبردين! بالنسبه حق لندن بس المناطق اللي بره هم يقول كارديف وويلز ومانشستر حلوين وايد

 

[شمايخ]

قوه بنات انشالله مسافره لندن وحاجزين خالصين بس والله شوي خايفه لان معاي يهال او ودي اسافر اغير جو قبل الدوام ساعات ايني الوسواس واقول اكنسل وساعات اقول لا اللي الله كاتبه بيصير لو انا قاعده في بيتي

الله كريم

 

[mr000]

أختي شمايخ آنا أقول توكلي على الله وسافري غيري جو وأرتاحي وماكو ألا العافيه وبدام معاج يهال روحوا أماكن سياحيه ودوهم الأكواريوم وحديقة الحيوان ومتحف الشمع ووخري عن الزحمه روحوا مناطق بره لندن! وأذا تبين ملابس حلوه حق اليهال وتصلح حق العيد يعني ماركات وكشخه مثل روبيرتو كافالي وموسكينو وأرماني شوفي هذا السايت مال محل أسمه بليز مام آنا رحت له بشهر 4 وشريت منه بس ماكان عنده وايد تنزيلات يعني البضاعه كلها يديده فغاليه وايد بس ألحين مسوي تنزيلات فتلاقين أسعار زينه! وأذا بقيتي عنوانه يطلع لج بالسايت أو قوليلي وأدزه لج هو عنده 3 محلات بوسط لندن!www.pleasemum.co.uk

 

[miss_heathrow]

بنااااات انا خواتي بلندن الحين يقولوووووووووووون ماكو ولاشي زهبوا جناطكم وقبوا انتو وعيالكم
ونسوهم مساكين

طيروا طيرواا وكلو البط والوز ناطرينا بالهايد بارك


والجو حلو
بالنهار غيم وشوي شمس وساعات يطق مطر خفيف
وبالليل برااااااد شوي جاكيتات


يالله فوقه تروحون ؟؟؟؟

 

[miss_heathrow]

شراكم نسوي جدول مدته اسبوع وين بنروح وشنو بنسوي وجم مصاريفنا خلال هالاسبوع

 

[شمايخ]

أختي شمايخ آنا أقول توكلي على الله وسافري غيري جو وأرتاحي وماكو ألا العافيه وبدام معاج يهال روحوا أماكن سياحيه ودوهم الأكواريوم وحديقة الحيوان ومتحف الشمع ووخري عن الزحمه روحوا مناطق بره لندن! وأذا تبين ملابس حلوه حق اليهال وتصلح حق العيد يعني ماركات وكشخه مثل روبيرتو كافالي وموسكينو وأرماني شوفي هذا السايت مال محل أسمه بليز مام آنا رحت له بشهر 4 وشريت منه بس ماكان عنده وايد تنزيلات يعني البضاعه كلها يديده فغاليه وايد بس ألحين مسوي تنزيلات فتلاقين أسعار زينه! وأذا بقيتي عنوانه يطلع لج بالسايت أو قوليلي وأدزه لج هو عنده 3 محلات بوسط لندن!www.pleasemum.co.uk

مشكووووووووووووووووووووووووووره حبيبتي ماقصرتي اي انشالله رايحه والله كريم واللي الله كاتبه بيصير بس بسالج هذا المحل يم هارودز صح يعني بنفس الشارع

 

[شمايخ]

شراكم نسوي جدول مدته اسبوع وين بنروح وشنو بنسوي وجم مصاريفنا خلال هالاسبوع

والله فكرتج وايد حلوه شرايكم بنات خل نسوي جدول

 

[انا ودنيتي]

هلا والله
انا الحين بلندن وتعالو ما كو الا العافيه
لا مرض ولا شي كله اشااعات

 

[mr000]

إي عدل المحل بنايتس بريدج نفس شارع هارودز وفي محل ثاني في بورتمان ستريت ورا سيلفريدج وفي فرع ثالث لملابس الأولاد بس ماأعرف عنوانه

 

[ام الفوارس]

انا ناوية باذن الله اروح بعد شهر

بس ناوية على برايتون ومانشستر

ما لي خلق العواصم ابدا .. احسها زحمة وغثة على الفاضي

اللي افكر فيه الحين .. اني اخذ معاي ماجلة واطبخ هناك .. لان باذن الله ناوين نسكن في شقة
انا ما اثق في مطاعم برة ابدا واوفر بعد

 

[ريم الرشيقة]

بنات اباسألكم عن الملاهي للعيال ثورب بارك وألتون تاورز منو راح؟وشرايكم لو اودي عيالي؟ بعيدة الطريج اشكثر ياخذ وقت؟