لحظه نسختها لج
تفضلي
شوفي مجمع
تايم سكوير فيه بلايز وبديات حلوووه ورخيييصة على دينار ودينار ونص
والنعول الله يعزج ماتتعدي الـ4 دنانير
وبعد تحصلين دهن عود معتق او سيوفي روووعه
التولة تقريبا بـ 10 دنانير انا سويهم ارباع يعني كل ربع تولة في غرشة
ريحتهم خياااال وتتم في الملابس ..والعود مب كل مره احصل النوعية الزينه ..
اذا حصلتي السيوفي تمام
وعندج
klcc فيه كل الماركات وبعد محلات حق الاكسسوارات روووعه حق البنوتات
ومحلات اطفال وعطور يعني مجمع شااامل
وقلت لكم من قبل ان في الدور الثاني او الثالث كل مطاعم كوالامبور تقريبا تحت سقف واحد
والدور الارضي احلى سكريم يم يم
مجمع
سنجي وينج في شارع العرب
عجيييييب في كللل شي مايخلص في يوم
من ملابس وجواتي الله يعزج وعطور وساعات واكسسورات والعاب الكترونية والعاب غريبه للاطفال
يتكون من طوابق كم بالضبط ماادري ..
عموما شارع العرب فيه محلات حلووه
وبعد عندج مجمع
ميغا مول روووعه اغلبه ملابس
وصن واي بيراميد هالمجمع لازم اروحه اخذ حق بنتي الصغيرة بدل للعيد والمناسبات
تحصلين اطقم ملابس للاطفال روووعه
سوقو احلى مافيه النعل الله يعزج حق امعاتنا نعلهم طبية ومريحه ..
وفي الدور الارضي عروض ع الملابس والشنط وحق الاطفال بجامات على نص دينار
نوعينهم ممتازة
ممممممممم
واخيرا
السوق الصيني انا احب اخل المحلات اللي ع الجنبين والله عندهم ملابس روووعه ورخيصة
واخذي حق اليهال هدايا على كيف كيفج
وفي العربات تحصلين شنط التقليد والساعات انا احي اخذ ابواك تقليد واجيب حق صديقاتي وخواتي
واذا تذكرت شي بكتبه
اتمنى اكون فدتج
