ياحلووووووو ماليزيا وطاريها
برد عليكم كلكم
اول شي الاماكن صن وي لاقون يومين (اهو فندق دائري وبنصه نفس المسيله المائيه بس كبييييييييير يهببببل لعبت لعب وناسه وفي مجمع بنفس الفندق تهبل هالمنطقه تجنن) قعدو بفندق صن وي لاقون
2_بيننق 4 ايام (اهي جزيره خيييييال ورومنسيه تقعدين الصبح على صوت البحر والعصافير ياااااي تهبل تهبل ركبنا برشوت فيها وجتسكي وسبحت وفي طاولات تحجزينها حق العشا على البحر رومنسيه تهبل ) غير فندق بارك رويال لاتفكرين تحجزين اي نسيت فيه سبا بالفندق يجنننن يعطونج ككاو صحن كبير تحطين حق ريلج على جسمه وويهه واهو يحطلج ومساج مع بعض لعبنا لعب وستانسنا احلى ايام عمري
3_جنتنق يوم واحد (نفس المدينه الترفيهيه بس فوووق الجبال تروحين لها بتلفريك تخيلي طلقة الدبوس يدخلج بنص الغيوم وينزلج ههه وناسه والفندق تبطلين الدريشه تطلين تحت ماتشوفين ولاشي من الغيم احنا مانمنا هناك رحنا الصبح وردينا بالليل بس برررررد )فندق فيرست ورلد
4_كوالالمبور 3 ايام (العاصمه مافيها الا المجمعات بصراحه حق اللي تحب شوبنق حلوه بس انا ماحب المجمعات بالسفر في مجمع بافليون ارقى واحد وكله ماركات نفس لافنيو )فندق ملينيوم اخو بشارع العرب حلو راقي حده
على الاسعار اعارض اللي تقول ماليزيا رخيصه مع ان رحنا لها بشهر 2 يعني ارخص من الصيف ومع هذا ناار كنت حاطين المصروف 2000 والله زدنا عليه بعد
الملابس والاحتياجات
خلو لبسكم قطن خفيف لان هناك رطوبه وقمته حر بس جنتنق برد
طبعا لاتنسون شحن تلفون+الكاميرا وشحنها+بندول ومسكن لاسمح الله نفسي ضرسي ذبحني+بلاستر+نظاره سمشيه+سن بلوك+مكياجج خليه خفيف لايسيح هناك هههه+ديري بالج تاخذين كعب كله فلاتات+استشوار+شيالج وباندات+ملابسكم شي اكيد +سائل تعقيم الايدين+كلينكس معطر+صبغ اظافر+قطن+فرشتج ومعجونج+علج+بريج لان اغلب الفنادق ماكو شفاط
+مايوه اسلامي+بكيني شي اكيد+ثوب الصلاه+كوتكس +ديودرنت+اكسجين انا حواجبي يطلعون بسرعه كنت اشقرهم هناك+ابروخيط لان بمطار ابوظبي نقطع نفنوفي وتوهقت +كريم قارص ناموس.
ترا المصبغه ناااار تخيلو ادز جينز وتيشيرت وشيلتي غسيل اوتي ب10 دنانير +لاتاخدون اوتي بكل الفنادق في طاوله واوتي
تروحون وتردون بالسلامه استانسو بكل دقيقه هناك ولا تخلون شي يعكر مزاجكم
