((( تجمع معلمات قسم الاجتماعيات 2011 - 2012 )))

[زينب حسين دشتي]

اناا دراستي بعلم الاجتماع الي يدرس المجتمعات
مو بالاجتماعيات والتاريخ والكويت
انا خريجه كلية العلوم الاجتماعيه عرفتي

 

[زينب حسين دشتي]

كويتيه كوول انتي وين تدرسين واي مرحله ؟؟؟

 

[كويتيه cool]

زينب ادري بس ما اخذتي مقررات عن مجتمع الكويت او الوطن العربي؟

وشغله ثانيه ترا بتنزل مقررات يديده بمرحله الثانوي اللي اهيا علم اجتماع وعلم اقتصاد

انا ادرس ثانوي

 

[كويتيه cool]

بنات وينكم نبي نستفيد من بعضنا علي الاقل بس الانشطه الاستهلاليه عقدة حياتي لول

 

[fri2010]

بنات عسى ما شر وينكم؟​

انا اليوم عطيتهم بالتاريخ الاسلامي الهجره الى يثرب وكان نشاطي الاستهلالي ابيات الشهر طلع البدر علينا وحطيتها بسي دي وحطيت مسجله عشان يسمعون ويقولون شنو سبب هذي الابيات​

اما الوطن العربي بديت بالسكان وطرحت عليهم سؤال النشاط الاستهلالي هل الوطن العربي يعاني من ثوره سكانيه ام لا ؟​

وانتو بنات وين واصلين وشنهي انشطتكم الاسهلاليه ؟​

 

[jen2n]

انا واصله بالوطن العربي توني الاقاليم حدي متأخره

 

[خفجاويات]

مساء الخير ........... ابي مساعدتكم ,,,,,,,,,,,,, عندي درس نموذجي عن درس سابع عن الحضارة المصرية القديمة :::::::
ابي افكار جديدة

 

[بطاطا]

مساء الخير يا حلوين

غطيت عنكم وااااايد ... و انا جذي من يبدي الدوام اختفي عن الانترنت :bbbiu:


قريت جم صفحة من التجمع ما شاء الله مبدعين و طوفت الباجي الصراحة و ببدي معاكم من هالصفحة ان شاء الله



انا خريجة اداب تاريخ يعني مو تربوية
ادرس هالكورس التاريخ الاسلامي + الوطن العربي

واصلة بالتاريخ .. غزوة احد
واصلة بالوطن .. السكان


و بــــــــــس :eh_s(10):​

 

[بطاطا]

الشي اللي يحير بالتحضير النشاط الاستهلالي ...

بدرس الهجرة الى يثرب كان نشاطي خريطة توضح لهم مكة ويثرب
و نهاية درسي كان مقطع من فلم الرسالة ( طلع البدر علينا ) و يستنتجون منه شلون استقبلوا المسلمين الرسول صلى الله عليه وسلم لما راح المدينة و كان الدرس ممتع لكن البنات مالهم خلق شي عقب قرار الوزير الخاص بالدرجات ماكو تفاعل ميتييييييييييييين بمعنى اصح



اما الوطن العربي ... اكثر شي النشاط الاستهلالي يكون صور لان ماكو شي ممكن الواحد يبدع فيه كله حقائق و معلومات ماكو شي ممكن يكون اجتهاد ... لكن البداية بسؤال مثل الاخت فراي وايد حلوووو
انا خلصت الهجرات ... هالاسبوع بدش بدرس النمو السكاني في الوطن العربي وخليت النشاط صور بس شكلي بضيف عليه سؤال فراي :> عجبني و ممكن يحركهم شوي

 

[بطاطا]

انا واصله بالوطن العربي توني الاقاليم حدي متأخره

شدي حيلج جنان ... هالدرووووس خليها ورقة عمل احسن لج و اسرع لج و راح يمديج تخلصينهم

دروس الاقاليم والغطاء النباتي و السكان ( الهجرات) كلها سويها أوراق عمل اسهل لج و افهم للطالبات

و ان شاء الله تخلصين و ما تتاخرين يا رب

 

[بطاطا]

يا بنات منو شرت داتا شوووو ؟

و بجم ؟

و من وين ؟

و شلونه معاكم بالشرح ... عملي او اذية وايرات ولابتوب و هالسوالف ؟

​

 

[بطاطا]

مساء الخير يا مدرسات الإجتماعيات الحلويــــــــــــــــــــن ​

 

[^هــنـــوي^]

ابلات الثانوية مادة التاريخ
بيليز ابي منكم مساعدة انا صارلي 3 ايام اقولب كتاب التاريخ درس حماية الدولة من ص 37 الى نتائج غزوت بدر ص 41
الي عندها بوربوينت او اوراق عمل تصورها وتحطها وانا بسويها واضبطها واطبعها .. وابي اهم النقاط وجذي
وبما انكم مدرسات شنو اكثر شي تحبونة من بناتكم الي تدرسونهم يعني لما تشرح وجذي شنو تسوي شنو تجيب وبما اني احب ابلتي واحب شرحها ابي اسوي شرح وحصة حللوة وتعجبها وهذا جزء بسيييط من الي تسوية لنا
ومشكوورين مقدماً
وسوري ع دخولي تجمعكم وطلبي هذا بس انتو خواتي الكبار ومحد بيساعدني غيركم ..

 

[كويتيه cool]

السلام عليكم اشلونكم

انا بعد ادرس تاريخ اسلامي ووطن عربي

التاريخ الاسلامي باجر راح اتكلم عن سرية نخله وجزء من غزوة بدر يعني الاسباب والاطراف ونشاطي الاستهلالي فقره خارجيه وعليها سؤال

اما الوطن العربي بعطيهم اول درس بالسكان وهم النشاط الاستهلالي سؤال ما المقصود بالسكان

بنات بس بالدرس الثاني اللي اهوا النمو السكاني

في شغله غلط ان اقل دوله في معدل الوفيات الكويت!

بس بالجدول محطوط السعوديه اشلون؟

وبالنسبه حق انخفاض عدد المواليد بدول مجلس التعاون شنو حله؟

وجدول رقم 3 عن النمو السكاني شنو فايدته يعني؟

قاعده احضر حق الدرس الثاني بس في اشياء مو فاهمتها!

 

[بطاطا]

ابلات الثانوية مادة التاريخ
بيليز ابي منكم مساعدة انا صارلي 3 ايام اقولب كتاب التاريخ درس حماية الدولة من ص 37 الى نتائج غزوت بدر ص 41
الي عندها بوربوينت او اوراق عمل تصورها وتحطها وانا بسويها واضبطها واطبعها .. وابي اهم النقاط وجذي
وبما انكم مدرسات شنو اكثر شي تحبونة من بناتكم الي تدرسونهم يعني لما تشرح وجذي شنو تسوي شنو تجيب وبما اني احب ابلتي واحب شرحها ابي اسوي شرح وحصة حللوة وتعجبها وهذا جزء بسيييط من الي تسوية لنا
ومشكوورين مقدماً
وسوري ع دخولي تجمعكم وطلبي هذا بس انتو خواتي الكبار ومحد بيساعدني غيركم ..

ما شاء الله عليج ياريت كل الطالبات مثلج .. لو عندي عطيتج بس ما عندي اوراق عمل للتاريخ كللللللللش

و اللي نحبه ان البنت تييب تقارير وصور وتساهم في الدرس واي سؤال ينطرح تشارك في حله وتكون ع الخط مع الأبلة في كل معلووومة تشرحها الأبلة

عسى الله يوفقج وياريت كل البنات نفسج

 

[fri2010]

باجر بعطيهم قيام الدولة الاسلامية في المدينه ونشاطي الاستهلالي عن خريطه ذهنيه بالاعمال

اما عن الوطن العربي النمو السكاني بحط صوره وفيها وايد ناس وبقول لهم ما المقصود بالنمو

بس بنات الجداول اللي بالكتاب شنو فايدتها ؟ خاصه رقم 3 مثل ما قالت كويتيه كول

 

[بطاطا]

السلام عليكم اشلونكم

بنات بس بالدرس الثاني اللي اهوا النمو السكاني

في شغله غلط ان اقل دوله في معدل الوفيات الكويت!

بس بالجدول محطوط السعوديه اشلون؟

و عليكم السلام ورحمة الله و بركاته

لا مو غلط ركزي بالجملة حبوبة

الكويت ( من ) اقل الدول .... الخ
مو
الكويت ....... أقل الدول ..... الخ

عرفتي ... يعني المقصود ان الكويت تعتبر من الدول اللي عدد الوفيات فيها قليل لكنها مو اقل وحدة لان السعودية اهيا الأقل ...

---------------------

وبالنسبه حق انخفاض عدد المواليد بدول مجلس التعاون شنو حله؟

1- عدد السكان أقل
2- خروج المرأة للعمل
3- ارتفاع المستوى المعيشي والتركيبة الإقتصادية

وجدول رقم 3 عن النمو السكاني شنو فايدته يعني؟

يبين لج معدل نمو السكان في دول الوطن العربي
الاولى = عمان
الثانية = الامارات
الثالثة = الكويت

وجذي رتبيهم حسب النمو الأعلى في الوطن العربي

قاعده احضر حق الدرس الثاني بس في اشياء مو فاهمتها!

ايهو الدرس الثاني بالضبط ؟

تطور نمو السكان في أقطار الوطن العربي ؟؟

للحين ما وصلت له او حضرته بس شنو اللي مو مفهوم فيه حبوبة ؟



--------------------


ان شاء الله اكون قدرت افيدج :eh_s(10):​

 

[بطاطا]

بس بنات الجداول اللي بالكتاب شنو فايدتها ؟ خاصه رقم 3 مثل ما قالت كويتيه كول

يبين لج معدل نمو السكان في دول الوطن العربي
الاولى = عمان
الثانية = الامارات
الثالثة = الكويت

وجذي رتبيهم حسب النمو الأعلى في الوطن العربي




يا مدرسات الوطن العزيزات

الجداول مهمة خلوا الطالبات بالحصة يحلوووونهم
اكبر اقل ... الخ

اييهم اسئلة اكملي الفراغ او رسم بياني

 

[fri2010]

رقم 3 بطاطا قاعدين يقولون ان النمو السكاني صاير سريع بس موحاطين اسئله عليه نفس جدول رقم 2

 

[بطاطا]

رقم 3 بطاطا قاعدين يقولون ان النمو السكاني صاير سريع بس موحاطين اسئله عليه نفس جدول رقم 2

اي مو الا اسئلة لازم تطلع من الجدول اهيا بروحها

انا هذا اللي بسويه و اللي نسويه بمدرستنا الجدول لازم يندرس:>