((( تجمع معلمات قسم الاجتماعيات 2011 - 2012 )))

[ميونة الحلوة]

أبلات سادس أبي مواضيع دروس حلوة تصلح أسويهم درس ريادي مادري نموذجي :bbbiu:

<<< طالبة ميداني :eh_s(11):

حبوبه على حسب تبينه بالكورس الاول و لا الثاني اذا الثاني انصحج بدرس التلوث سهل و تلقين فيه صور و فيديو و تسوين مشهد تمثيلي

الكورس الاول عندج درس مجلس التعاون

 

[ميونة الحلوة]

فرحله و لكن كان ودي افيدج بس بصراحه ناسيه شالي صار بالضبط معاي يوم اسجل

 

[ميونة الحلوة]

نسيت اقول ان تخصصي علم اجتماع يعني مو تربويه

 

[ميونة الحلوة]

الي حابه تسوي انشطه غير الدرس النموذجي عندي كذا شغله ممكن تفيدج

1- تقدرين تسوين مجله عن طريق برنامج مايكروسوفت بوبليشر و اول ما ارجع الكويت بالسلامه ان شاء الله راح اصور لكم الخطوات بالضبط

2- تقدرين تسوين برشورات وطنيه حطي صورة و كتبي تحتها عبارة وطنيه و لوني الكلام اوفر لج تطبعين كذا شكل بورقه وحدة و تروحين عقبها التصوير يكبرها لج على a3 و قبل لا يغلفها تاكدي انج كاتبه اسمج بظهر الورقه عقبها غلفيها و علقيها على الطوف او اذا عندكم لوحه خاصه يم القسم

و سوي نفسهم صغار و غلفيهم و قصصيهم و تسوينهم مداليه و المداليه الحديده موجودة بلوازم العايله ما تبين حديدة المداليه اخذي شريطه و ربطيها بشكل حلو و انتهينا

3- لوحة الكفوف و هذي امانه مو فكرتي فكرة رفيجتي مدرسه مصريه الله يذكرها بالخير كانت معاي تجيبين لوحه فلين متينه بيضه و تجيبين اوراق ملونه اخضر و احمر عشان نسوي شكل علم الكويت طبعا ماكو اوراق سودة فانتي كيفج يا انج تحطين اوراق قص و لزق و تريحين نفسج او تسوين نفسي انا رحت المكتبه و قعدت ادور بين اللوحات لقيت لوحه خفيفه مثل الورقه و قصصتها و لزقناها و بعد ما لزقنا الاوراق و صار عندنا لوحة على علم الكويت ناخذ اوراق حمرا و خضرا و نقصها على شكل كفوف و نخلي الطالبات يكتبون كلام عن حب الكويت و تكتب اسمها و صفها سوي وايد عشان تختارين احلى الاشكال

و ان شاء الله لي ردة ثانيه

 

[qadsawia39]

السلام عليكم ورحمه الله وبركاته
انا طالبه في جامعه الكويت ابي نقد حق منهج الخامس بلادي الكويت من المحتوى العلمي المنهج ولغه المنهج والصور وانتقداكم
وابي ايجابيات المنهج
الله يخليكم ساعدوني