((( تجمع معلمات قسم الاجتماعيات 2011 - 2012 )))

[نفول]

بنات شلونكم شخباركم مع التدريس
طلبوا منا نجهز حق الاجتماع الفني مادري شنو يعني وشنو اجهز؟
وابي برنامج اذاعي حلوو لان مطلوب مني حق الاجتماعيات ثانويه

 

[Programmer.Girl]

يعطيكم الف عافيه ابلات

 

[jen2n]

وينكم بنات عسى المانع خير شمسوين ويا سلك التدريس

 

[fri2010]

بنات اشلونكم شخباركم ليش محد قام يدخل التجمع؟

 

[عيون سارة]

صح وينكم

 

[BadoOora.m]

مســـاء الخيــــــر



تدرووون لووية دوام و بيت و شغل و تحضير ...

أختي فراي .. لا تستعيلين اذا قالتلج تو الناس و من هالحجي عادي .. لأن صج تو الناس .. نطري اسبوع جذي و وذكريها ان شاء الله .. و فكرة ان تقدمين ورشه مع وحده قدييمة خووش شي ... عالاقل وحده معاج عندها خبرة و تساعدج ..

انتي بس سأليها منو هذي اللي بتقدمين معاها .. و سألي المدرسه القديمة عن موضوع ورشتكم عشان انتي عالأقل تطلعين الجزئية اللي بتتكلمين عنها .. لا تسوين شغلج و شغلها !!!! .. نصييييحه .. بس جزئيتج انتي ولا تستحين لأن اكتشفت ان الحيا ماينفع كللللللش .. و أي شي تسوينه لو شي تافه و بسيط قوليه حق رئيسه قسمج عشان تكون بالصورة و تعرف كل شي انتي سويتيه و طلعتيه ..


و موضوع انج كلما سألتيها ردت عليج بإجابه مختصرة ميخالف .. مافهمتي قوليلها ما فهمت .. شفتيها مشغوله سألي مدرسه معاج .. حاولي تسألين كثر من وحده عشان تستفيدين .. و سألي عن أدق التفاصيييييل و أكرر لا تستحييييييين كللش ..

و الله يوفق الجميع ان شاء الله
​

 

[kbssma]

اشلونكم بنات
مبرووووووووووووووووووووووووووووووووووووووووووووووك علي التجمع
اتمني تقبلوني معاكم
بقيت خدمه الله يوفقها اللي تساعدني
لاني حدي متوهقه عندي درس نموذجي وما ادري شسوي للمرحله المتوسطه بللللللللللللللللللللللللللز هلب

 

[نفول]

للرفع

 

[زينب حسين دشتي]

بنات بغيت اسال انا قاعده اسوي اوراقي بالتربيه. وتخصصي علم اجتماع
تهقوون اي مرحله يحطوووني ؟؟؟؟؟
ولا انا اختار ؟؟؟؟؟؟؟

 

[زينب حسين دشتي]

وييييييييينكم بناااات

 

[Moi belle]

السلاااااااااام انا خريجة كورس ثاني بسال عن شغلا انا خريجة كلية العلوم الاجتماعيه علم اجتماع ودي اصير مدرسة بقسم الاجتماعيات ؟؟ اصير ؟؟؟؟ وانزين سمعت من وحده انا الكوادر بس حق التربويين ومعاش يختلف عن التربويين ؟؟؟

 

[كويتيه cool]

كبوسا مرحلة المتوسطه سووي لها شي يخص الكويت احسن شي لان وايد عندنا التوجيه مركزين على الجانب الوطني
زينب احتمال يحطونج ابتدائي او متوسط بس غالبا متوسط لان في نقص شديد
بروووي ايه يصير تصيرين مدرسه بس سالفه الكادر يختلف ما عندي فكره بس الاكثريه يقولون نفس الراتب والكادر

 

[زينب حسين دشتي]

ثااانكس حبيبتي كويتيه كوووول 

 

[ملآمح يوسفيه]

,

مساءالخير
شلونكم يا اهل التجمع
مشتاقه لكم

الي يسالون عن علم اجتماع
يحطونكم مرحلة المتوسطه
معااااااااش نفسه ما يختلف على تربويه

​

 

[زينب حسين دشتي]

انزين عفيه بنات في امتحان اجتماعيات ومقابله قبل التوظيييف ؟؟ وفي نجاح وسقوووط ؟؟

 

[كويتيه cool]

ايه فيه زينب لما تذاكرين عدل بكل مناهج ابتدائي متوسط ثانوي

وفي نجاح وسقوط

وينعاد لج الاختبار 3 مرات

والمره الرابعه خلاص يحولونج حق وزاره ثانيه

بس ان شاء الله راح تعدينها من اول مره لا تخافين

 

[زينب حسين دشتي]

امبيييييه خرعتيني
انزين شلون طريقه الامتحان شنو اذاكر بالضبط
حياااتي فيديني
ناااااااسيه كل شي

 

[زينب حسين دشتي]

بنات بليز ردوا علي الله يجزاكم خييير

 

[رُۈحَ ۈ رْيحَآن]

*?? تــٌذكــيـر/ ????
صيام الايام البيض 13-14-15 ذوالقعدة تبدأ الثلاثاء و الاربعاء و الخميس
11-10-2011 الثلاثاء
12-10-2011 الأربعاء
13-10-2011 الخميس
الرجاء انشرها لتذكير المسلمين ..


بنات بلييز ادعوا لاختي كب كيك انه الله يحقق لها امنياتها ويجعلها خير لها لانها اهي اللي ذكرتني:yaaaaaarb:

 

[كويتيه cool]

امبيييييه خرعتيني
انزين شلون طريقه الامتحان شنو اذاكر بالضبط
حياااتي فيديني
ناااااااسيه كل شي

والله يا زينب اهم كل شهر يغيرون في امتحانات فذاكري اكثر شي عن الكويت والغزو والتاريخ الاسلامي غزوات الرسول عليه الصلاه والسلام و المعاصر قليل يبو اسئله عنه والقضيه الفلسطينيه بعد الامتحان 3 صفحات موضوعي ومقالي 20 دقيقه الحل ويقولون المقابله اهم المقابله ام يسألونج بتخصصج او موقف تصير لج بالفصل ،،، بس اشلون ناسيه كل شي وتخرجتي من الكليه توج!