بنات انا بنتي عمرها شهرين وبس اشربها حليب ما أعطيها شي ثاني
حتي الماي ماتشرب تبط جبدي احاول فيها ماتبي تقعد تبجي ،
وهم نومها ملعوزني حدي تعبانه مهدود حيلي منها كله تسهر لي الصبح ماتنام الا علي طلعة الشمس
يلا عالساعه ٨ و لا ٩ الصبح أنام وما انام عدل أنام نص نومه كل شوي أفز اجيك واطل علي وحتي وانا نايمه اكون يقظه وبالي معاها مركزه فيها اخاف تبجي وما اسمعها.
وما أقعد الا عالساعه ٤ او ٤،٣٠ العصر وعلي ما اتسبح وابدل وابدلها واسويلنا لقمه ناكلها الا الساعه صارت ٧ وبعدها بشوي يوصل زوجي من الدوام
راح اليوم كله .
وفي شغله قاهرتني حاره قلبي كلش محد يقدرني ولا احد يحس فيني ،
انا ما انام الا ٩ واقعد ٤ وخالتي مناشبتني اليوم لمانزلت لها قاعد تقول شنو هذا ما صارت نوم الصبح نايمه الظهر نايمه العصر نايمه واليوم كله نوم بنوم ،
بسج دلع وبسج نوم قومي جابلي بيتج وبنتج بدال الاهمال ، وكله يقولولي انتي بنتج ماتدرين عنها ، حاذفتها ماتعرفين ارضها من سماها.
وانا والله قاعده معاها ٢٤ ساعه ماعندي خدامه ولا شي ومجابلتها اسهر معاها من ال ١٠ بليل الين ٩ الصبح وانا قاعده ابدلها واشربها واغير بامبرزتها واسبحها واتمشي فيها عشان تهدي وتنام واهزها ولما تطعمت انا جابلتها وكمدتها ومحد حتي سأل عنها كل هالتعب وما أدري عنها والله حرام تعبت محد حتي يساعدني ولا تعلمني شي بس تتحلطم وتحرض ولدها لاتشتري لاتحط لاتسوي ماله داعي لاتصرف لاتقص عليك لاتخليها تروح لأهلها وكله هات هات هات وبس فالحه ادرعم شقتي من وراي لما اكون نايمه ولا مو موجوده وتنبش بأغراضي وتاخذ اللي تبي وتقط هدومي وكريماتي حتي الكوتكس اليومي مناشبتني فيه اذا جافته عندي قطته ولا خذته تقولي حطي كلنكس وسيارتي اللي اجرتها خذتها مني وعطتها بنتها سيارتي ولدي علي قولتها مع اني انا اللي دافعه اجراها وبنتها صارلها سنه مكمله ال١٨ و ٧ تشهر من داومت بس من اجرت سياره سوت سالفه الا اطلعون ليسن لبنتي ولما رحت نفاسي ورديت جان انصدم ماخذين السياره وداشه شقتي وحاطه كل هدومي بجياس زباله ولجنه ومصففته بالصاله والممر
ولما كنت حامل موصيه ولدها مايجهز لي ولا شي ولا يوديني يعاند ويطنش لما امل وأيأس واروح بروحي مع اني كنت توني اسوق وماعرف ولا ادل السوق وقبلها كان معاي ولاده مبكره بالسادس و ولدنا توفي وحملي صعب نساتي تظل معاي لي الولاده ووكله ادوخ واطيح عليهم بس ولا همهم قطوني وخلوني احوس بروحي بالشوارع لا اعرف اسوق ولا ادل وكل شوي دايخه بالسوق وطايحه وكل ما مشيت سانتي بالسياره صفطت عاليمين ارتاح واصحصح من الدوخه ما جوف الا اسود جدامي فجأه جذي واتوهق بالسياره.
بنتي للحين ماعندها سرير ولا كبت وهدوم جم اوفراول شريتهم وانا حامل امشي حالي فيهم ومادري شالحل معاه اهو وخالتي
وانا يتيمه امي متوفيه وابوي كله مسافر يقعد مع عمي بره حاشته جلطه واهو مسافر وامنعوا من السفر واضطر يقعد وابوي علي طول عنده وانا الجعده بين شباب كلهم متزوجين ولاهين مع عيالهم وعندي خوات ثنتين بالرضاعه ، بصراحه استحي حدي اطلب منهم يودوني ويحطولي تعز علي نفسي انا مو من النوع اللي يطلب !
وعندي مرت اخوي حامل و ولادتها انشالله نهاية هالشهر لما اجوف اخوي شلون يوديها ويشترون اغراض البيبي ويجهزون له احسن تجهيز والله تخنقني العبره انا اللي حتي ما خاف علي وهذا واهو ميت له ضني ودافنه بيده ولا حتي حس ولا اهتم ،
اهم شي كلمة الماما تمشي !
بنات شالحل ساعدوني شسوي والله تعبت مادري وين اروح
منقهر ومحتره منهم
