تجمع مواليد شهر يناير (1) + فبراير (2) +مارس (3)-2011 / تم دمج تجمعين من قبل الاشراف

[adore.life]

دلول اشلونج وشلون الحلو ولدج
من زمان عنج اشتقنا لج

 

[Dalal.al3tibi]

اشتاقتلج العافية
حتى انا
كنت احاتيج وكله افكر فيج
يقولون ولادتج كانت عسرة وغطيتي مابينتي كلش
شمسوي بدراستج كملتي الكورس الي ولدتي فيه ولا لا
والكورس هذه شسويتي فيه
ومتى تخرجين

 

[adore.life]

بعد عمري القلوب عند بعضها
والله مشيت الايام والحين كل شي تمام
الحمد الله
والجامعه وقفت قيدي لانه حبيبي كان ضغير حيل و
يبله اهتمام وان شاء الله الكورس الياي راح اكون معاج
والتخرج اذا تيسرت الامور سنتين اكثر شي

 

[Om 3zo0oz_2011]

ام عزوز انا بنتي و ولدج ما بينهم شي كبر بعض انتي 25/1 وانا بنتي جبتهاا 22/1 وكلناا ولدنا بالصباح

انتي ليش ما تلبسينه بدلات انا بنتي باليووم البسهااا بدلتين لبسيه وخليه يتعووود ع البدلات

انزين بنات شنو امفكرين لقرقيعااااان والله احترت سااااعات اقووول بسوووي انا القرقيعان ابشتري كل مستلزماته واسوي وساعات اقووول اخذ من مره احسن اخااااف ما اضبط التوزيعااات لانه اهلي ريلي واااايد يبيلي تقريبا 50 او 60 حبه

انتم شنووو قررتم ؟
وكم حبه بتسووون ؟؟

واذا تعرفووون حريم يسوووف قرقيعان قولولنا بليززززززز


عسى الله يخليلكم بيبياتكم 

الله يخليها لج يارب
انا البسه بدل بس مايطول بالبدله بسرعه ابدله يمكن خلاص ساعه 4 بدل البسه لان ولدي اذا رجع مايرجع شويه لا ناافوووووووره :eh_s(2): من فووق لي تحت كلا تدمر بدلته
وبخصوصا القرقيعان انا ماشالله عايلتنا كبييييييره وفكل عايله بعطيها قرقيعان كبير شي عدل هي وعيالها ان شالله فهمتي علي
بس الكبار الي عندهم بيبيات بعطيهم يعني مثلا خالتي بعطيها وبناتها المتزوجين علي واحد واحد
انا ما ابي اشتري من حريم اول شي غالي ناار واحب اشتري انا لان ااخاف اذا شريت من حريم يكون مكرر وشايفينه قبل

 

[Om 3zo0oz_2011]

^^^^^
نفس المشكله
محتاره أسوي ولا أشتري جهاز؟؟؟؟

وين اقدر احصل علب وتوزيعات قرقيعان حلوه ؟!

أم عزوز
فديته عزيزان كبر العصبي بعدعمري اسم الله عليه
أنتي شلونج ، شخباري عنج من زمان ما سولفت معاج !

اي والله كبر وصار عصبي جنج تدرين اسملا عليه مايبي هدووء يبي يهال يموت علي اليهال اذا وديته بيت امي يستانس
اليوم تصلح جهازي ادزلج شغلات كلا قرقيعان تستاهلين يبا

 

[Om 3zo0oz_2011]

مررحباا بنات


عندي لكم سؤال جم وجبه تعطون عيالكم في سن سبع شهور
وشنو انواع الوجبات
يلا بنات الكل يفيدنا

ان شالله البنات يفيدونج انا توه 5 مابقي شي ويدش ال 5 واعطيه سيريلاك ومره عيش وبطاط مهروس وبسكوت
اذا دش السادس ببلش معاه فواكه وعصائر

 

[Om 3zo0oz_2011]

مو جنة التطعيمة اليي بالايد عاد هذه احلى تطعيمة لاحرارة ولا تكميد

هذي 3 شهور الدرن صاجه ماتعور
بس قصدها اخر 4 هذي 3 ابر حدها مليقه :eh_s(2):

 

[Om 3zo0oz_2011]

والله لبسة خو احنا كله نطلع واحط المريول لانه كله يسعبل وساعات يرجع شي بسيط بس اول ماادخل على العالم اقط مريولة وليش تمهديني للحين خلاص كبر انا يادوب بالاربعين كنت امهده نص تمهيده عقب بطل مايحب لمهاد ولدي وعوديه على لبس الطلعة حتى لو موطالعين لبسيه في البيت على العصاري اخر العصر جذي

انا بعد شبه يوميا اطلعه بس ولدي مايرجع نتفه يعني كل بدلته يدمرها اسملا عليه انا جنطتي فيها 3 مرطب ديتول ما الحق :eh_s(4): نافوره ترجيعه لووول وأي احد ياخذه يسبحهم الحين محد ياخذه يطالعونه من بعيد لي بعيد وام ريلي اذا نزلته لها تحت لااااااازم تتسبح لان يدش داخل ههههه ونوعه ريحته خايسه انا بالدقيقه اتسبح حتي خدامتي مسكينه
قاالوا لي اذا طب 3 شهور وال 4 يخف بس استغفرالله ما اشوفه خف الا زاد من يوم عمره يوم وهو يرجع
وبخصوص المهاد انا ماكنت ابي اعوده علي المهاد لي هالعمر قلت جذي مثلج لمن اطلع من الاربعين ما ابي امهده بس ام ريلي كل ماتشوفه بدون مهاد تقولي مهديه ومهديه ما احب اقولها لأ والحين لمن تشوفيني تزفني اشكبرا ريال ليش امهده اقول بقلبي لمن علمتيه علي المهاد تبيني افصخه بسهوله
الحين عودته ينام العصر بدون مهاد ساعه مايطول ويقعد الحمدالله بس بليل انسي ينام بدونه يمكن ينام ربع ساعه ويقعد :eh_s(2): معني مايحب المهاد كلا يعافر يبي يطلع ايده بس المشكله مايعرف ينام الا امهد والصراحه ما ابي اخرب نومته علبوا ابي اعوده وراي دوام مالي خلق تخترب نومته خلاص بخليه لمن هو بروحه مايبيه

 

[جذابه بنت ذيابه]

مو جنة التطعيمة اليي بالايد عاد هذه احلى تطعيمة لاحرارة ولا تكميد

لا قلبو هذي اللي بالرجول اللي باليد تطعيمة بو 3 شهور

 

[جذابه بنت ذيابه]

مساء الخير حبايبي

ام عزوز حبيبتي شلونج ..؟
عساج بخير وشلون عزيزان ..؟




لا تطعيمة ام 4 شهور ابرتين مو 3 ابر

 

[Dalal.al3tibi]

هذي 3 شهور الدرن صاجه ماتعور
بس قصدها اخر 4 هذي 3 ابر حدها مليقه :eh_s(2):

اي هذه اذكر طعمتها ولدي حدها مليقة اخيس تطعيمة

 

[Dalal.al3tibi]

انا بعد شبه يوميا اطلعه بس ولدي مايرجع نتفه يعني كل بدلته يدمرها اسملا عليه انا جنطتي فيها 3 مرطب ديتول ما الحق :eh_s(4): نافوره ترجيعه لووول وأي احد ياخذه يسبحهم الحين محد ياخذه يطالعونه من بعيد لي بعيد وام ريلي اذا نزلته لها تحت لااااااازم تتسبح لان يدش داخل ههههه ونوعه ريحته خايسه انا بالدقيقه اتسبح حتي خدامتي مسكينه
قاالوا لي اذا طب 3 شهور وال 4 يخف بس استغفرالله ما اشوفه خف الا زاد من يوم عمره يوم وهو يرجع
وبخصوص المهاد انا ماكنت ابي اعوده علي المهاد لي هالعمر قلت جذي مثلج لمن اطلع من الاربعين ما ابي امهده بس ام ريلي كل ماتشوفه بدون مهاد تقولي مهديه ومهديه ما احب اقولها لأ والحين لمن تشوفيني تزفني اشكبرا ريال ليش امهده اقول بقلبي لمن علمتيه علي المهاد تبيني افصخه بسهوله
الحين عودته ينام العصر بدون مهاد ساعه مايطول ويقعد الحمدالله بس بليل انسي ينام بدونه يمكن ينام ربع ساعه ويقعد :eh_s(2): معني مايحب المهاد كلا يعافر يبي يطلع ايده بس المشكله مايعرف ينام الا امهد والصراحه ما ابي اخرب نومته علبوا ابي اعوده وراي دوام مالي خلق تخترب نومته خلاص بخليه لمن هو بروحه مايبيه

ولزج وديه الطبيب استشاري أطفال أحيلك مو طبيعية حالة ولدج
وله أخاف دائماً داشة هوا ومستبرد دهني بزيت زيتون دافي بليل لما ينام بعدين لبسية لحامة مصكرة ولفيه

 

[Dalal.al3tibi]

بدلة ولدي للعيد وصلت

 

[adore.life]

عليه بالعافيه دلول

 

[H.A.K.W]

دلول
مشالله عجبتني البدله البيج
ملبوس العافيه انشالله .

 

[نحوله عسوله]

هل الررابط بيفيدج مثل مافادني وغيري شوي ونقصي افكار وزيدي افكار او سويلهم كوبي
http://www.q8yat.com/t866973.html

مشكوره حبيبتي دلول ع الرابط بس هذا يبيله وحده دقيقه

وانا الله بالخيررر مااعرف 

 

[Om 3zo0oz_2011]

مساء الخير حبايبي

ام عزوز حبيبتي شلونج ..؟
عساج بخير وشلون عزيزان ..؟




لا تطعيمة ام 4 شهور ابرتين مو 3 ابر

يختج انا وقت التطعيم ما اطالع يمه قلبي يوووقف يمكن ابرتين والخماسي مثله بس زياده علي قطره شلل الاطفال بالحلج:eh_s(1):

 

[Om 3zo0oz_2011]

ولزج وديه الطبيب استشاري أطفال أحيلك مو طبيعية حالة ولدج
وله أخاف دائماً داشة هوا ومستبرد دهني بزيت زيتون دافي بليل لما ينام بعدين لبسية لحامة مصكرة ولفيه

والله وديته 3 دكاتره كلهم نفس الحجي طبيعي خذوله سونار وشافوا معدته وكلللل شي طبيييعي
وراثه علي ابوه ريلي جذي يوم كان بعمره ام ريلي تعلمني تقولي بالدقيقه يرجع بس الفرق ريلي كان بطه متييييييييين ماشالله الي يشوفه يعطيه اكبر من عمره وولدي عصقول كتكوت لوول الي يشووفه يرجع يقولي عافيه عافيه بس ما اشوفه يمتن الحمدالله علي الصحه والعافيه اهم شي
ما ابيه متين
وبالعافيه بدله ولدج مااشالله حلوه اي عضوه الي تبيع جذي
انا شفت عضوه قالت 5 قطع بس يوم ديتهم 3 قطع
واخاف اشتري الحين حق العيد ماتصير كبره انا ثوله بالقيااس كلا اشتري يااكبر منه او اصغر منه
اشكثر ملابس شريتهم توه صغار عليه بعطيهم هدايا اي وحده تولد

 

[Dalal.al3tibi]

مشكوره حبيبتي دلول ع الرابط بس هذا يبيله وحده دقيقه

وانا الله بالخيررر مااعرف 

عاد انا وحدة احب هل السوالف انت جربي شوي شوي دوري شي سهل انا انشالله اذا بلشت بحطلج شغلي

 

[Dalal.al3tibi]

والله وديته 3 دكاتره كلهم نفس الحجي طبيعي خذوله سونار وشافوا معدته وكلللل شي طبيييعي
وراثه علي ابوه ريلي جذي يوم كان بعمره ام ريلي تعلمني تقولي بالدقيقه يرجع بس الفرق ريلي كان بطه متييييييييين ماشالله الي يشوفه يعطيه اكبر من عمره وولدي عصقول كتكوت لوول الي يشووفه يرجع يقولي عافيه عافيه بس ما اشوفه يمتن الحمدالله علي الصحه والعافيه اهم شي
ما ابيه متين
وبالعافيه بدله ولدج مااشالله حلوه اي عضوه الي تبيع جذي
انا شفت عضوه قالت 5 قطع بس يوم ديتهم 3 قطع
واخاف اشتري الحين حق العيد ماتصير كبره انا ثوله بالقيااس كلا اشتري يااكبر منه او اصغر منه
اشكثر ملابس شريتهم توه صغار عليه بعطيهم هدايا اي وحده تولد

بدلة العيد طلبتها من التاجرة فطامي شغله ذرب وكله من مواقع امريكية
ويتني القطعة مثل ماهي قايلة معني قلتها القطعة شكله شتوي جان تقولي لا صيفية وفعل الخام خفيف
وخمس قطع بالضبط البنطلون والقميص والببريها والببيونا والشيال
انا شايفة شغلها على موقع الرسمي بس لما حسبتها قلت اطلبها منها احسن لانه عقب ماصار ارامسك حرامي وزايد اسعارة وكل قطعة يوصلها بيوم مو مع بعض عشان يخمط منج خمطة سنعة قلت اهي اوفر واحسن واضمن
وعلى المقاس انا طلبت ام 12 شهر احب اللبس يكون شوي راهي على ولدي
انا عكسج ولدي لازم اشتري اكبر من قياسة اذا شريت قياسة مايطول كلش معاه ويصير ضيج عليه
الحمدالله ولدي جسمه مربرب وزين بس لي يشوف ويه يقول هذه صغيرون طالع علي ويهي صغير ولما يشوفوني العالم يقولون عصلة وانا جسمي زين