تجمع مواليد ( مارس & ابريل ) 2014 الله يحفظهم

[baa6aa]

هلاااااااااااااااااااااا شلووونج شخبااارج وين هالغيبة

 

[اختكم نونا]

ماشاءالله عليكم ليلحين متواصلين الله لا يفرقكم

 

[لوولوو_88]

وينكم يا بنات العموم اختفى

كنت قبل اتابع تجمعكم و اخذ معلومات منكم ولدت بعدكم اب 4 شهور او 5 ..

طمنونا عنكم محد قام ادش

 

[baa6aa]

انا موجودة بس مع الاسف ماكو احد

 

[خوخه89]

انا موجوده بطه بس انتو ماقمتو تدخلون

 

[اختكم نونا]

انا كنت وياكم بس غيرت نكي
واسم الله عليه ولدي الحين كمل السنتين وشهر

كان تجمعنا حلوو ومفيد

 

[حمرة الورد]

سلام عليكم شلونكم بنات

 

[أمورته]

والله حتى انا اتابعكم ياحلو تجمعكم ماشااءالله

 

[لما ضاقت]

كيف الحال يا بنات اخباركم بنوتي الحين صارت سنتين و شهرين الله يخليها اشلونكم و شلون اليهال و الحوامل شخبارهم انا اذكر خوخة الحين ما باقي لها شي انشالله و الباقين طمنونا

 

[لما ضاقت]

سبحان الله يا بنات ما عمري ارتحت اخلص من موال ادخل بموال ثاني استغفر الله الفترة اللي طافت ت مرض ت و دخلت بمشاكل الله العالم فيها ما ادري متى ارتاح

 

[لما ضاقت]

صج حبيت اقولكم مبارك عليكم الشهر مقدما يا ليت لو نرجع نتواصل مثل قبل

 

[لما ضاقت]

بطة انتي حامل و الا بعد. شلون الحلوة شمسوية بالحضانة

 

[حمرة الورد]

اهلين لما علينا وعليج يتبارك يارب يبلغنا شهر رمضان ويبارك لنا فيه
انا احداث كثيره صارت لي وحالات وفاه من شبابنا والدنيا مو صافيه لحد الحمدلله ع كل حال
طمنونا عنكم بنات

 

[baa6aa]

مبارك عليكم الشهر بنات
زين اشوة قمتو تطلون علينا و لله الحمد
وحي الله باقي البنات اللي طلو علينا


ويارب المرات اليايه تكون كل اخباركم حلوة و محد فيكم يجرب مر يارب

ولما حبيبتي الله يحفظها لج يارب و يبلغج فيها وبالباقي ان شاء الله
الحمدلله بنيتي تسلم عليج و ماشين مع الحضانه و لله الحمد
ومع رمضان عايشين الحمدلله كله سهالات من رب العالمين


خوخة ربي يسهل عليج يارب و تبشرينا بولادتج بخير وصحة و عافيه انتي والبيبي

وحمرة الله يرحم موتاكم يارب و يحفظ لكم اهلكم يارب

شلون اجواءكم مع رمضان عسى مرتاحين

 

[حمرة الورد]

����

 

[baa6aa]

شلووونكم مع قرب المدارس
ودي اقحص بالشارع هههههههههه

 

[اختكم نونا]

هلا بطه الصراحه انا بنتي اول سنه روضه ومتحمسه وايد

و ولدي الي عمره سنتين ونص مادري ودي ادخله حضانه بس قاعده ادربه عالحمام تكرمون ويخورها وياي اخاف ادخله حضانه ويخربونه علي لاني حريصه اعلمه قبل لا اولد ويارب يستجيب ويقط الحفاضه

طبعا وقت النوم ليلحين حفاظه وكله مبلله تكرمون وبلطلعه البسه حفاظه سروال وادخله حمام عشان يتعود صج الطلعه وياه تعب تعب بس ودي يفهم

 

[baa6aa]

هلا نونا
يعطيج العافيه اول شي و يلا عطينا شلون وضع بنيتج مع الحضانه عسى مستانسه
وعلى ولدج حدددده دخليه عشان على وقت ولادتج الا شوي يصدون اثنينهم و يصير فيج حيل حق البيبي اللي بالطريج و الله يسهل عليج يارب

وعلى سالفه الحفاضه عندي و عندج خير بليل لازم حفاضه و الطلعة جدا تعب كل شوي قومي دوري الحمامات النظيفة و مرات اهون عن الطلعة بكبرها بسبة الحمام وانتي بكرامه مالي خلق امراض فصج تعب بس ان شاء الله مرحلة و تعدي بس ليلحين ماشين وان شاء الله نستمر و اليوم اول يوم حضانه بلغتهم ان ترى شبه قاطعينه وان خل يديرون بالهم فالله يستر نشوف النتيجة عقب

 

[اختكم نونا]

هلا بطه الحمدلله بنتي تقبلت الروضه بس من ثالث يوم ملت كسوله هههههه


الحين الاثنين صارت نومتهم وقومتهم وحده عشان جذي افكر ادخله حضانه بس مادخلته ليلحين

الحين ولدي على سالفه الحمام مايقول يبي يدش بس احنا اول باول ندخله وبالطلعه لازم حفاظه الي على شكل سروال وصراحه بروحي ثقلانه مافيني حيل ادخله كل ماطلعنا نص الوقت يروح

يقولون الصبي يطول على مايستوعب وانا لاحظت هالشي مو مثل اخته

والحين بدا يغار عرف انه في بيبي ياي بالطريج كل شوي يقول انا بيبي ابي حليب هههه مع اني قاطعه الحليب من سنه يمكن بس الغيره وماتسوي

اشوه فيني بنوته اتوقع لو صبي جان احتر صج لانه عشتو مدلع عمره يوم قلت له ترا بيبي صبي بشوف رده فعله انصدم ههههههه قال لا بس انا

 

[baa6aa]

هههههههه اسم الله عليهم ربي يحفظهم يارب
احسن والله احس تفكيرج صج اذا تدخلينه بعد عشان تتفرغين شوي حق عمرج مع البنوته

و من البداية ملت من الروضة ههههه بس شلون الاجواء ؟
احنا ليلحين الصبح تحاول تكسر خاطري انها ماتبي الحضانه بس لمن تشوفني مصرة تتقبل الواقع