تجمع مواليد ( مارس & ابريل ) 2014 الله يحفظهم

[Cat ^ q8]

مسسائو
هلافيكم الحمدلله شلونكم انتم
بنات منو نفسي دوووخه وعوار راس وجسم
بكره بجيب رداده
شخبار الرضاعه انا ينزل مني نقط بس خفييييف ومارضعها مالي خلق هههه

 

[live life]

بنات شالحل مع الضيقه انا بس فيني البجيه وامسك نفسي غصب بس لا شعوري تنزل دموعي

كله افكر انه البيبي ماراح يتعود علي ولا يعرفني
ام ريلي ماسكته ليل نهار مو معطيتني مجال

شسوي

 

[baa6aa]

ليف حبيبتي ديري بالج لا يحوشج كآبه النفاس
والياهل يعرف امه ماعليج مجرد ماتحطينه على صدرج يعرف من النبضات ان هذي نبضاتج
يعرف امه
واكيد اليده بتمسكه وايد واغلب الوقت كله عندهم احنا بجر عليميه مانعرف
بس انتي اخذيه خليه بيدج الهي فيه
منها تطلعين من جو الضيقه ومنها تتعوديت عليه شوي


كات انا يبت رداده قبل يومين وقالت تبي اتيي يوم ثاني بس مافرغت صراحة ليلحين

مون النفاس الحمدلله زين ناس رايحه وراده من اهلي القراب فقازرة حدها

 

[همي رضى خالقي]

طبيعي الوحده تحس بالكآبة خاصه باوب بيبي انا حاشتني

بس ميخالف شوفي شلي يرضيج ويريحج خلي البيبي عندج قولي حق ام ريلج مابي اتعبج ولا ياخذونه

 

[همي رضى خالقي]

طبيعي الوحده تحس بالكآبة خاصه باوب بيبي انا حاشتني

بس ميخالف شوفي شلي يرضيج ويريحج خلي البيبي عندج قولي حق ام ريلج مابي اتعبج ولا ياخذونه

 

[أميره بكلمتي]

الفال لنا و مواليد ابريل و كل البنات
اندش هالتجمع ��

 

[قرة عيونه]

انا جتني كابه مو طبيعيه اول اسبوع عيوني ورمت من البجي

بس الحمدلله الحين حييييل احسن

وصج النفاس ناس داخله طالعه فيقزر

البيبي صج متعبني ومو مخليني انام بس تعودت عليه

لايف بالعكس يدته يمكن ماتبي اتعبج لانج بجر وتوج اول اسبوع ماتقدرين تشيلينه صدقيني مافيها شي بس دايم جذي النفاس ادور اي سبب عشان تبجي

انا لما اذكر روحي قبل اسبوع اقعد اضحك وحتى اهلي للحين يضحكون علي كنت ابجي ع ولا شي ههههه

حالياً قاعده احاتي طهارته خايفه عليه حيل واخاف من كثر الخوف يردلي الاكتئاب :'(

يوم الاربعا ان شاء الله بنطهره يااااارب مايتعور ويارب بسرعه يخف الجرح

 

[ام مريم ورحمة]

السلام عليكم انضميت لكم يا حلوين ولدت بفضل الله يوم 27\3 وجبت احلا علي الله يحفظه ويبارك فيه
قرة
لا تحاتين الطهارة والله سهالات امس كنت من اول اليوم خايفة لانهم بيطهرون البيبي وطهروه الظهر صج يصير عصبي ويجي وايد لما يبول بس تعدي وجم يوم وتطيح الحلقة باذن الله بس يبيلج كل غيار تنظفين خفيف بماي وملح قليل وبعدين تحطين كريم اللي بيكتبه الطيب وبس والله يعينج

 

[الرو تغليك وح]

انا من بنات تجمع ابريل بس ولدت مبجر 24 فبراير اول الثامن
ويبتها قيصري وحمد الله بنتي قعدت بس اول ثلاث ايام بالشيشه ولما طلعت طلعت
معاي وهي وزنها كيلو و 900 وخصص لي حليب خاص اشتريه من مستشفى

 

[live life]

قرة

مادري انا صايره حساسه وجبريت مره وحده الله يعين

مابي احد يجرب صوبه كلش

وعالطهار الله يعين مابي افكر فيه انا لمن صار فيه امساك طلعت روحي كله مستعسر وماينام شلون بالطهار

ريلي مستعيل ع طهورته وانا اقوله خل يكمل شهر عالأقل مع ان اذا مبجر بيكون احسن ماراح يتأذى وايد

 

[live life]

ام مريم

الحمدلله ع سلامتج ومبرووك طهورة علاوي سمي ولدي

مادري شيقولون بالطهار لول

المهم الحمدلله ع سلامتكم

 

[لما ضاقت]

أخيرا انضميت لكم

 

[لما ضاقت]

قرة و لايف لا تحاتون الطهار ترى سهالات انشالله تعدي فترته بسرعة كلها اسبوع و خلاص و الصغير ما يتعب وايد لا تحاتون

 

[لما ضاقت]

بنتي لي الحين ما لقينالها اسم كل وايد يسمي بروحه عندها تحليل صفار اليوم الفجر و اذا كان زين بيرخصونا على طول و نطلع باجر انشالله

 

[ام مريم ورحمة]

ام مريم

الحمدلله ع سلامتج ومبرووك طهورة علاوي سمي ولدي

مادري شيقولون بالطهار لول

المهم الحمدلله ع سلامتكم

الله يبارك فيج ياقلبي

 

[Q8_QT]

شلونكم بنات



أنا من تجمع ابريل بس ولدت 26 / 3 قيصرية ويبت احلى" منى "
توني امس طالعة من المستشفى ولووووية عندي وتعب غير البيبي تعب العملية الله يعينا وياجرنا يارب

 

[ام مريم ورحمة]

حاسة فيج كيوت نفس الحالة توني طالعة اليوم من المستشفى ومازال العوار مأذيني ووقت النوم عذاب على جنب واحد ولو باقوم جني سلحفة وطاحت على ظهرها اعابل بروحي لين اقدر اقعد بس الله كريم غير الكحة لان عطوني بنج كلي الله ياجرنا يارب

 

[قرة عيونه]

الله يعينكم يااارب وتمر الايام بسرعه ويطيب جرحكم

والف مبرروووك للي ولدوا

الطهاره بنات انا ساله الدكتور يقول انسب وثت من اسبوعين لي ٤٠ يوم
لايف لا تتاخرين عن الاربعين لان اذا صغير الاجساس بيكون اقل عنده

انا امس كمل اسبوعين فالا بعا بنطهره ان شاء الله

صايره مانام كلش تعبت نفسياً وجسدياً يارب يكبر بسرعه بصحه وعافيه

واقدر انام نفس قبل

 

[مناوووي]

الف مبروك للكل
والله يسهل علينا يارب

 

[3houd86]

بنات ساعدوني مادري شالسالفه :eh_s(2)::eh_s(2):
آنا صارلي 35 يوم من ولدت طبيعي, و الدم ينزل خفييييف من البدايه بس مستمر. من تقريبا اسبوعين قام ينزل نفس الماي أصفر بعدها وقف و صار إفراز أصفر بعدها وقف كل شي تماما تقريبا من 4 أيام. اغتسلت من يومين و صليت و كنت ناويه باجر أروح أسوي بخار لأن جسمي يحكني من الجلاحه :eh_s(2):

توني دخلت الحمام انصدمت بدم بني :eh_s(2):
مادري آنا ليلحين نفاس؟ و الا معقوله هاذي دوره؟

يعني بالله متى أروح أتفرك طلعتي السبت الجاي :eh_s(2):
لا بعد كنت ناويه أروح أسوي 3 مرات عالأقل. شكلها مره و حامض على بوزي