تجمع مواليد ( مارس & ابريل ) 2014 الله يحفظهم

[قرة عيونه]

السلام عليكم ورحمة الله وبركاته

الحمدلله حمداً كثيرا طيباً مباركاً فيه

الحمدلله يارب اللي رزما باحلا مواليد

حبيت افتتح التجمع ولو ان مبجر ع ابريل بس ان شاءالله اسبوعين ويبشرونا

اتمنى من كل العضوات اللي بتجمع الحمل مارس وابريل يشرفونا هني اذا ولدوا عشان نتواصل نع بعض

ونستفيد ونفيد بكل امر بتعلق باطفالنا :eh_s(7):

 

[مآيكبرني نك]

مبرؤك افتتآح التجمع ،

ومبرؤك مآيبتي قرة

وعقبالنآ ♡

 

[fofowa_q8]

مبرووووك التجمع اليديد والحمدلله على سلامة اللي ولدو

والفال حق الباجي الله يسهل علينا يارب

 

[مناوووي]

الف الف مبروك افتتاح التجمع
مبروك للي ولدو والله يسهل عالباقي
اي والله مابقى شي على تجمعنا ابريل

 

[عاشقة هواك]

مبروكين على احلى تجمع والله خوش فكرة بغيت افتح موضوع بس نطرت البنات يفتحونه زين سبقتيهم خخخخ

 

[sara_87]

مبروووك التجمع وعقبالنا ياااارب

 

[قرة عيونه]

حبيباتي الله يبارك فيكم يارب

نورتواا التجمع

 

[كيكة عسل]

مبرووك التجمع وان شاء الله ينضمون لنا باجي البنات بسلامتهم

ونفيد ونستفيد من هالتجمع وان شاء الله نتواصل دوووم ونتابع اخبارنا واخبار بيبياتنا

مشكوره قره على الافتتاح

 

[دلوعة ماماتي 88]

مبرووووووگ افتتاح التجمع

الحمدلله ع سلامة اللي ولدوو والفال لنا ان شاءالله

 

[قرة عيونه]

الله يبارك فيكم ويسلمكم يارب

الا بغيت اسالكم اللي ولدوا شلون نفسياتكم ان شاء الله زينه

 

[نورة حسام 2]

مبروك بنات على التجمع
ومبروكين للي اولدو وعقبالنا انشالله بالايام هذي

 

[baa6aa]

احلى شي عشان ما ننقطع
صج تعودنا على بعض
وعقبال القروب يزيد و يزيد ونظل على طول

 

[Harper]

السلام شلونكم بنات ،،،

انا من مواليد مايو ،، بس ولدت 5/3 ولاده مبكرة اول الثامن ،،

ولدت قيصريه وبنتي للحين ما طلعت ،،

 

[عاشقة هواك]

قرة عيونه النفسية نص ونص من نفاس استغفر الله انا ما خليت احد ما تهاوشت معاه اي شي مو عدل جدامي ماقدر امسك اعصابي ان شاء الله يعدي النفاس على خير

 

[3houd86]

مبروك التجمع و الله يسهل للباجين على خير.

آنا صحيح ولدت 26 فبراير بس آنا كان موعدي مارس فبحشر نفسي معاكم بعد :d

و أول جم يوم نفاس آنا كنت حيل متضايقه اللهم لك الحمد, بس ألحين حيل حيل أحسن.

 

[عاشقة هواك]

ان شاء الله مع الايام النفسية تتعدل وامورنا تتعدل انا للحين اغراضي واغراض البيبي مطشره عفيسة يبيلها تعديل ومالي خلق شي الصراحة

 

[همي رضى خالقي]

السلام عليكمم

عاشقه المفروض تكونين مرتبه الشغل من قبل لا تولدين

نصيحه خلي يمج صندوق او سله فيها الاغراض اليوميه حق البيبي يعني صدريتين و قطن وبطل ماي صغير واعواد اذون ومشط وفوط صغار

 

[همي رضى خالقي]

بنات بسالكم منو يابت ولد وطهرته متى طهرتوه وشنو احسن تطهير و وين وشلون العنايه بعد التطهير

 

[3houd86]

بنات بسالكم منو يابت ولد وطهرته متى طهرتوه وشنو احسن تطهير و وين وشلون العنايه بعد التطهير

آنا طهرت ولدي ثاني يوم و أنا بالمستشفى بدار الشفا. حطوله حلقه و كانوا قايلين المفروض أسبوع و تطيح بروحها و إذا ما طاحت أروح لهم. و كانوا يقولون الدم ينزل نقطه بالحفاظه عادي.
أمي و جدتي عنايتهم فيها تقريبا بس كانوا كل ما يبدلون حق ولدي حفاظته يصبون زيت زيتون شويه على الحلقه باستمرار. 10 أيام تقريبا و طاحت الحمدلله.

 

[قرة عيونه]

اي زين يعني مو بس انا نفسيتي حيل تعبانه

انا اي تغير بحياتي اتعب منه فتره لين اتعود عليه حتى لو كنت حيل احبه

الله يعدي فتره النفاس ع خير الحمدلله مرت ٧ ايام يارب الايام تمر بسرعه وع خير وتتعدل نفسيتي بسرعه

كله ابجي وماكل ماشتهي شيء واحس بضيقه

بس اليوم الحمدلله احس احسن

بنات اذكروا الله ع طول الا بذكر الله تطمئن القلوب كله اقولها واقول ربي اشرح لي صدري والحمدلله حسيت بسكينه شوي