تجمع مواليد ( مارس & ابريل ) 2014 الله يحفظهم

[همي رضى خالقي]

بنات انا لاحظت شي لمن اشفط حليب صدري تكرمون ينزل مني دم نفاس اكثر

تهقون له شغل ؟ يعني ينزل وايد لمن اشفط

 

[حمرة الورد]

همي انا مقسمه ريوقي مرات بيضتين وقلاص حليب قليل الدسم مع زنجبيل

ومرات توست اسمر زبده ومربى وقلاص حليب بالحلبه

ومره مافن كيك مع حليب جاي

وخضار كامله مع بيض وقلاص حليب

والغدا خضار وسمج سلمون مرتين وعصير

سماش بتيتو مع قطعه لحم وعصير طبيعي

شوربه ودجاج صدر مشوي مع عصير

وخضار مرق ولحم مع خبز رقاق

والعشا ماحب اتعشى اكل الموجود وخفيف

والعصر قهوه مع تمر ولا كيكه وبس واشرب اعشاب القشر القهوه

 

[حمرة الورد]

والله مادري همي بس يمكن ينظف الرحم شي حلو

 

[Q8_QT]

انا وزنت نازله بس 3 كيلو للاسف

وشكلهم بينردون من عصيدة امي

على كثر ما احب العصيده لاعت جبدي منها


كيوت

دام نظفتي وعمليتج زينه مارسي حياتج العاديه طلعي واستانسي

انا ان شاءالله بس يطيح الخياط وانظف بطلع وبستانس

ما ابي يصير فيني نفس بجري تعبت نفسيتي

مون انا اساسا قاعدة اطلع اودي ولدي المعهد واييبه من المدرسة وناوية ازور نهاية عالاسبوع بس عفوا بهالكلكة اقصد النومة الحين ماتأثر عالرحم عادي ولا انطر بعد

 

[Q8_QT]

مون


انا قضيت اذون بنتي يوم رحت موعدي وابوها اللي لزم انا كنت ناوية انطر شهر

والعصيدة يميييي اموت عليها خصوصا من ايد يدتي الله يخليها لي ويخليلج امج اكليها عليج بالعافية

 

[dewy twilight]

انا قضيت اذون بنتي يوم صارلنا 23 يوم بالشفااا



كلام الدكتور مقققنع وايد خرابيط نسويها

وعالطلعه انا اطلع عادي بس زيارات وهالسوالف لمن اخلص 40 عشان النيولوك موعشان شي هههههه

 

[Q8_QT]

صاجة ديوي وايد اشياء خربوطة
والطلعات مااقصدها اقصد مع ريلي عادي عقب شهر ولا لازم 40 يوم والنيولوك ناوية اصبغ شعري واحتمال اقصه بس بزور لان اصلا هالتغييرات محد بيشوفها غير ريلي مااقط حجابي بالزوارة وهم غيرت شوي بستايل لبسي وطريقة مكياجي هم بغيرها شوي

 

[مناوووي]

مرحبا
صباح الخير
شلونكم
ولادتي كانت ١٩ / ٤
وللحين فالمستشفى الصبح يسوولي تحاليل واطلع ان شاءالله
ولارحت البيت ان شاءالله استفيد من خبرتكم

 

[baa6aa]

صباح الليل
ماشاءالله تبارك الرحمن العدد زاد و صرنا وايد

حتى انا فاقده لما تصدقوون

وبالنسبه حق اكل النفاس اول ١٠ ايام حلبه ولهوم
والحسو ما وقفته ليلحين عالاقل يفيد ولا يضر صارلي شهر اكله
وبس سلامتكم

 

[MOOON&M]

همي

حتى انا ملاحظه لما اشفط حليبي ينزل دم

واذا ما شفطت ما ينزل شي طول اليوم

اتوقع له علاقه


كيوت

والله ما ادري بخصوص هالشي

ان شاءالله يفيدونج البنات

ديوي ولكم باك طلعتي من الاربعين والا لا

بسالكم متى يطيح الخياط

انا لي 13 يوم

 

[همي رضى خالقي]

صباح الخير مادري ظهر الخين النوم معتفس هههه

بنات جني مليت من النفاس خخخخ اكل النفاس مليت منه اسكر خشمي واكل

 

[sara_87]

مساء الورد

همي

اي والله النفاس ممل

انا الاسبوع الياي يكون لي ثالث اسبوع برد بيتي

اريح لي الصراحه

احس انا تعبت مع حوسه عيالي وامي بعد حبيبتي اتعبت معانا

 

[MOOON&M]

هههههههههههه هههههههههههه

شفينا كلنا بنرجع بيوتنا قبل لا نكمل ال 40

حتى انا مفكره هالاسبوع الجاي ارجع

بشوف وضعي واقرر

اي والله النفاس حددددددده ممل

خاصه اللبس الطويل والتدفي والحر ببجي والله

بخاطري ماي بااااااارد وابي برد من بنك بيري وبيبسي وودي البس بجامه قصيره حالتنا مأساه مع النفاس ونظامه

 

[همي رضى خالقي]

انا مابي ارد بس الجو كئيب شوي والخياط مو مخليني اخذ راحتي احب اقعد واجفس ريولي واصعد دري بس امي تزفني


بنات سويتو استقبال؟ منو بتسوي بالبيت ومتى بتسويه

 

[همي رضى خالقي]

انا مابي ارد بس الجو كئيب شوي والخياط مو مخليني اخذ راحتي احب اقعد واجفس ريولي واصعد دري بس امي تزفني


بنات سويتو استقبال؟ منو بتسوي بالبيت ومتى بتسويه

 

[baa6aa]

الخياط تقريبا اسبوعين و يطيح بس اهم شي البخاخ و الكريم
والاستقبال سويته ببيتنا عقب اسبوع من ولادتي

 

[دلوعة ماماتي 88]

مووون



نفس سؤال


متى يطيح الخياط




خايفه ارجع لبيتي بعد الاربعين (( فيني بچيه )) احس اربعين يوم مايكفي

 

[حمرة الورد]

ليش مايكفي الله يعينكم بجريات وشي جديد عليكم راح تتعودون غصبا عنكم لوووول

 

[ليالي العاشقينه]

بنااااااااااات الي يابت شيخ
متى ناويييييييين تطهرينه ..
اااااااخ انا قلبي متقططططع من الحين
والدكتور قال ماتطهرينه لمن يكمل 3 كيلوووو ..

حرام ولدج صغير مافيه حييييييل وانتو ؟؟

شجعوني بنات قلبي يعورني

 

[حمرة الورد]

طهرته اول يوم والحمدلله تمام التمام