تجمع Diet Calendar ...

[LiBra LaDy]

...السلام عليكم ...
يا بنات يا حلوين
انا وحده رجيمي يطول يومين او 3 و بعدين اخربه حاولت محاولات الدنيااا بس ماكو فايده...
ابي احد يشجعني و انتو بعد اكيد محتاجين احد يشجعكم !!!
عشان جذي عندي فكره حلوه... انسوي رزنامه فاااضيه حق شهر كامل و نحطها بتوقيعنه ...
اليوم اللي انخربط فيه نحط ويهه زعلان
اذا نص و نص حطي ويهه نص و نص
و اليوم اللي نمشي فيه عدل انحط ويهه مستانس :eh_s(6):

و النظام مكون من جزئين
اول شي رجيم ( يعني نقيلج رجيم معين تمشين عليه)
و الثاني رياضه ... ( نقيلج نظام عين تمشين عليه بعد
مثلا اليوم لازم امشي ساعه او انط حبل
انا لازم اكون مقرره و مسويتلي جدول من زمان..
اذا ما سوييته راح احطلي ويهه زعلان
اذا سويته و مشيت على رجيمي ما خربطت احط ويهه مستانس
انشالله تكون الفكره وصلت...

وهذا ال Calendar انا سويته حق نفسي و اللي تبي تشترك وياي تسجلي اسمها و انا اسويلها واحد بسمها
بس شررط الالتزام و كتابة اليومياااات !!!

للاشتراك اسمج و طولج و وزنج شنو رجيمج و شنو رياضتج...
و انا libra lady
وزني 75
طولي 165
رجيمي عبدالله المطوع
و ياضتي ساعتين باليوم ايروبك و تمارين

انشالله يكون عجبكم و يلااا دوووركم :
​

 

[babya]

هلا والله يصير ادش وياج:ggdw:

 

[LiBra LaDy]

Yes ofCourse
حياج الله قوليلي وزنج و طووولج و رجيمج و رياااضتج و اذا بتبدين من اليوم او باجر كيفج

 

[babya]

وزنى 60
طولي 160
المشي :ggdw:

 

[ساندرين]

:اخيرا لقيت تجمع جديد
تدرين حبيبتي سويت نفس الجدول وعلقته على كبتي واليوم الي اخربط فيه احط عليه x
مدة ثلاث اسابيع نزلت 7 كيلو:ggdw:
الحين بطبق وياكم حق نتشجع مع بعض امي علت قلبي انت متينة انت متستمرين اكثر من اسبوع
اخر مرة تقولي اختي بنت عمي تطالعج من وراى وتتضحك ابي اضعف بموت حرة >بتكتب قصة حياتها
الوزن 70 كيلو
الطول 159
الوزن المطلوب 50 كيلو يارب اوصل هالوزن

 

[LiBra LaDy]

حياااااكم الله حدي استانست انه في ناس سجلوو

يالله انشالله نضعف
كلناااا سويتلكم جدااااول عشااان كل وحده تصير اسبشل و مفكره نسوي عقااب حق كل وحده تخربط 3 مرات لووول

يلا حطووهم بتواقيعكم
طبعن اول 6 ايام خلصوو شطبو عليهم

 

[أم مهند]

يالله شدوو حيييييلكم

حلوه الفكره

 

[babya]

الله وناااااااااااسه جدول خاص فينى مشكوره:ggdw:

 

[ساندرين]

بنات وينكم مااشوف احد يدخل ........:eh_s(1):
ماعرفت انزل الجدول في التوقيع حملت الصورة بس يطلع لي مربع فيه x ...

 

[نشميه]

قوه حبيبتي انا بشترك وياكم بعد لاني صج صج صج صج صج احباط موقادره التزم وبنطروناتي ضاجت علي ويييييييييع ما احب جذي يعني بدال ما يصغر قياسي قاعد يكبر عفيه شجعوني وعجبتني الفكره وااااااااااااااااااااااايد


وزني 68
طولي 164
رجيمي طالب الشمري
الرياضه ليلحين ما قررت يمكن اشتريلي جهاز بس بروح ادورلي عن شي زين

 

[LiBra LaDy]

سووووري بناااات اليوم حاولت ادش بس النت ماااادري شفيه ...
المهم حياج نشميه ويااانه و الحال من بعضه انا بعد مثلج هدوومي صايرين ضيجين
ساندرين على الصوره اللي حطيتها رايت كلك روحي properties يطلعلج الرابط نسخي و حطي بالتوقيييع ...
انشالله من باااجر ببدي اكتبلكم يومياااتي و سووووري اليوووووم ...
يلااا تصبحون على خير يا حلوين شدو حيلكم بالرجيم

 

[نشميه]

وانتي من اهله

بنات وينكم لا تغطون لان من تغطون يبدا شغل التخربط

انا توني قاعده من النوم وقست وزني علشان ابدا من اليوم الجد 68.1
طالما اني راح اسهر ماراح اكل شي الحين بس بشرب ماي ونسكافيه وهالسوالف وباكل على الساعه 12

لي رجعه انشاء الله

 

[نشميه]

ليبرااا ترا ناطره جدولي