*تجمـع سبعينيـات نبي نوصل الستينيات لـي بدايـة عطـلة الربيـع .. ( حيـاكم شـاركونـي )*

[اخت خالتهم]

السـلام عليـكم و رحمـة الله وبركـاته ..


شلـونكم بنـات .. شخبـاركـم ..

سبعينيـات شلـونكم شخبـاركم ؟؟



انـا للأسـف رديت للسبعينات بعد ما ودعتها مده سنة تقريبـا .. وصلت 65 المناسب لطـولي

وكان جسمي سمبتيـك

بس اللحين هدفي 62

و وزني وصـل 75 من الزواج بظرف 4 شهـور :eh_s(2):


المهـم .. فـ هـدفي الستينات مـره ثـانية


و حيـاكم الله معـاي لكل سبعينية تبي تشجيـع ..


أولا القـوانين ..

تعبئة البيانات

الوزن :

الطول :

الهدف :

الرجيـم المتبع :

- - - - -

- و لازم نكـون صادقيـن يعني اذا خربطت وحـده تعترف .. و تقول انها كلت جذي وجذي

- يجوز أكل الككاو مرة بالاسبوع او مرتين بشكل ايسكريم او ككاو عـادي ..

- البيبسي و السفن و الغازيات ممكن مرة او مرتين بالاسبوع فقط ..

- الالتزام بكتابة الوزن كل اسبوعيـن ..

- الأهـم تشجيـع بعضنـا البعـض و المشاركة بالموضوع على الاقل 3 مرات بالاسبوع ..


انـا بحطلكم رجيم مضمـوووون مليون بالاميـة لو بدون رياضـه


أولا


شـرب 10 أكواب ماء باليوم و اكثـر

الريـوق :

عصيـر مـع قفشة لبنـه و زعتر بدون خبز أو حليب أو بس عصير مع كوبين ماء


بين الريوق والغدا .. جاي و ماي


الغدا :

بيضة بدون دهن مع خس و عصير و جبن

أو

ايدام البيت من لحم او دياي او سمج مع سلطة


بين الغدا و العشا :

ماي + كوب زنجبيل + كوب جاي أخضـر


العشا :

روب مع بيضـة و ماي ..

أو خس وبيض

أو فقط روب




و ان شـاء الله كـل اسبوعين راح نشوف وزنـا

اليوم التاريخ 21 / 10

راح نشوف وزنا 4 / 11


و بعدها نحدد متى نشوف وزنـا مرة ثـانية


و هذا شعـار التجمـع للي حـابة تشـارك ..

ولازم نكـون صـادقين مع بعـض


انـا عن نفسي حلفت ما اكل من هارديز و كنتاكي و ماكدونالدز و بيرجر كنج و البطريق عشقي البطريق .. المهم لي بداية شهر 12


أمـا باجي المطاعم مرة بالاسبوع اكل وجبة دسمة


واذا طالعه مع ريلي قررت اكل سلطة و عصير برتقـال أو مشاوي


لا ستيكات ولا شي ..


و نسأل الله العلي العظيم التوفيق
بسم الله توكلت عـلى الله

 

[اخت خالتهم]

الوزن : 75

الطول : 164

الهدف : 62

الرجيـم المتبع : كمـا هـو بالموضوع

 

[Miss shatha]

على الجررررح موضوعك


والاه داخله هلقسمم ابي تجمع انا سمنت كثير وابي انحففففف كان جسمي بجنن وببدا معك وبعنننننففف

الوزن ٧٤
الطول ١٦٤
الهدف الاول ٧٠

الاخير ٦٥


والحين باديه مو برجيم بس تخفيف

الفطور بيضه مسلوقه مع ساندوتش مع شاي وسكر دايت

الغدا توست مه تونه او مع نقانق مشوي او هامبرقر مشوي

العشا بحسسب الظروف عاد احياننا شي خفيف احياننا دسم

بس الحين بحاول اخفف اكثر


وبسسس يعطيك الفا عافيه

 

[Miss shatha]

على فكره

الشاي الاخضر يثبت الوزن
مايضعععف بس يثبت
يعني ماينفع مع الرجيم ينفع بعده


سمعت كثير وجربت عجززت انزل

يوم تركته نزلت

وامي سنتين كل يووم شاي اخضر وزنجبيل وثاااابت وزنها تركته نزلت ١١ كيلو مع الرجيم طبعا
يعني ماانصحكم اذا خلصنا رجيمنا نبدا نشربه*

 

[اخت خالتهم]

مس شذى حيـاج الله يا قلبـي نورتي التجمـع والله أول عضـوه بالتجمـع حيـاج ..

انـا اليـوم مخلية عشـاي فـري
أما غداي كان بيضة مع مشروم .. اليوم بديت الرجيم
بس انا قررت ان اليمعـه أو الخميس يكون وجبة فري

و باجي أيام الاسبوع اذا طلعت مع ريلي مثل ما قلت اكل سلطة بس يعني رجيم والتزام ..

مس شذى معلومتج واااايد مفييييده قـواج الله حياتي ما قصرتي​

 

[دبه موت]

ودي اكون معاكم أذا فيه حماس لانه أنا باقي 21كيلو على المثالي وابي قروب يشجع
وأنا اليوم تو بديت نظام جديد الكيوي والاناناس ينفع اكون وياكم ولا لا؟

 

[اخت خالتهم]

دبدوبة اكيد حيا يا عمري
المهم ان وزنج بالسبعين
حياااج يا قلبي ..

 

[دبه موت]

دبدوبة اكيد حيا يا عمري
المهم ان وزنج بالسبعين
حياااج يا قلبي ..

الله يحيج أكثر قلبي
أيه بالسبعينات أنا بس أهم شي نتحمس عفيه مابقى شي على العيد وعلى زواج بنت عمي:eh_s(2):

تعبئة البيانات

الوزن :76كيلو:eh_s(11):وصلت 75 بس ثبت وسوويت كسر رجع كيلو

الطول :155أول يقولون لي طولك 158 وقست طولي بلمستشفى ياعيني قصيره صايره:rgewrg:

الهدف :70

الرجيـم المتبع :الاناناس والكيوي

 

[دبه موت]

يومياتي
الفطور: كاس ماي على الريق نص تفاحه+نسكافيه بلمبيض بسكر دايت ماشربته كله
الغداء:تفاحه صغيره ونص
العشاء:كوب عصير بالاناناس والكيوي
شربت من شوي بيالة شاي بسكر الرجيم ونص كوب قهوه
الرياضه:ماسويت لانه اجازه الجمعه عندي

 

[توووووتة الحلوة]

الطول: 156
الوزن الحالي: 72
الهدف الثاني: 70

اليوم

الريوق
2 بيض مسلوق و نصف رغيف خبز بر. حبة طماطم وكاس شاي
السناك
ويفر بالشكولاته و شيبس 12 جرام.

الغدا
مافيه غدا

العشا
2 بيض مسلوق و نصف رغيف خبز بر. حبة طماطم وكاس شاي
السناك
ويفر بالشكولاته

الرياضة
ساعة مشي
ان شاء الله في اخر الليل بسوي تمارين الذراعين

 

[توووووتة الحلوة]

اخت خالتهم، مشكوررررررة على التجمع. انا لايعة جبدي من وزني و من الشحوم المكدسة، هدفي المبدئي 60 لكن الهدف الاخير 50

 

[اخت خالتهم]

دبـة حبيبتي
الله يوفقـج يااارب اكيد بنشجع بعض بنت عمتج بأي شهر عرسها عشان ازفج

تراا بنات انا ازف لووووووووول فـ عاااادي مو تزعلون بس ابي اشجعكم

توته حبيبتي نوووورتي التجمع
و مبروك النزول
اي والله انا مشكلتي اذا زاد وزني تكبر الحلوه و بطني
فـ اللحين لان وزني زاد بسرعه فـ اقدر بإذن الله انزلة بسرعه


يـلا بنوتـات الهمـه بلييييز

انا باجر بكتب يومياتي ان شاءالله

و على قولة مطرف المطرف
ولااا راح الامل ولا شي قد حصـل ..

 

[fdeet_shosho]

مرحبا ابي اشارك وياكم

الطول: 155
الوزن الحالي: 73
الهدف الاول: 67
الهدف الثانى: 62

بس اوصل لل 62 اكون مرتاحة ومستانسه ​

حاليا مشتركه نظام وجبات من رجيم سنتر الاسبوع اللى طاف اول اسبوع ومانزلت ولا شي لما راجعت وقفوا عنى نظام الوجبات وعطونى برنامج امشي عليه هالاسبوع بس حييل احس انى جوعانه وكله نعسانه ابي انام لان مافينى طاقه
نظام هالاسبوع الريوق ثلاث حبات تمر مع حليب خالى الدسم وعقبه بساعتين اشرب ينسون او جاى اخضر والغدا سمج مشوى او دياي مشوى وعقب ساعتين حبة كيوى او اناناس وبالليل العشا روب مع خيار وموعدى الاحد بشوف جم نزلت وهل راح يردون لى نظام الوجبات
ابي احد يشجعنى كل اللى حوالي بس ياكلون تعبت نفسيا ​

 

[اخت خالتهم]

فديت شوشو
حبيبتي نوووورتينـاااا
و يلا نشد الهمـه ....
ان شاءالله بنشجع بعض من باجر نكتب يومياتنـاااا

 

[براءهـ]

ابدخل معكم ممكن

ههههههههههههه

 

[براءهـ]

طولي 161

وزني مادري اتوقع 68

 

[دلع الشرقيه ضي]

ابي انظم لتجمعكم
وزني 74
طول 160
الهدف الاول 69
الهدف الثاني 64

بس ابي اعرف كم عدد المشتركات بالتجمع

 

[دبه موت]

دبـة حبيبتي
الله يوفقـج يااارب اكيد بنشجع بعض بنت عمتج بأي شهر عرسها عشان ازفج

تراا بنات انا ازف لووووووووول فـ عاااادي مو تزعلون بس ابي اشجعكم

..

بعد جبدي والله فديت اللي يزفون بس
الشهر الجاي يوم 11/12
لا فديتج مانزعل زفي على راحتج:rerrerek:

 

[((غنج))]

انا معاااااااااااااااكم

الوزن : 72

الطول :158

الهدف : 60

الرجيـم المتبع : ريجيم الكربوهيدرات

 

[веᴅоо]

سجلوني معاكممم

الوزن : 78
الطول : 166
الهدف : 65

الرجيم المتبع : تخفيف