*تجمـع سبعينيـات نبي نوصل الستينيات لـي بدايـة عطـلة الربيـع .. ( حيـاكم شـاركونـي )*

[om_fajer83]

اكلي اليوم ريوقي وغداي شريحة توست سمرا وحدة مع قفشة صغيرة قيمر ومسحة مربي
واكلت بطاط نايس
وبسكوت رجيم قطعة وقطعتين مادري ٤ قطع ككاو رجيم مع موكا رجيم
وقطعة بسكوت الياف والعشا طقطقت من عشا البيت وبيبسي دايت

وان شا الله بكرا اطبق رجيم ٣ في ٣ عدل

انا طبقته لي يومين بس ودي التزم فيه اكثر

 

[om_fajer83]

شيخة الغيد حياج دشي معانا

 

[Miss shatha]

هاي حبيباتيً


اليوم فطوري زبادي قليل الدسم


قبل الغدا ب ربع ساعه كاسين ماي

الغدا ملعقتين اكل رز مه حبتين نقانق مشويه


سناك سلطه


وماي كاسين


العشا سميوسه وحبتين كبه وورق عنب

ومن بعد ٩ مااكل شي لين انام

شووفو


انا عرفت لتفسي

عشان الد
وره قريبه كل شي ابي اكله


لا كلت شي احرم نفسي من شي امات سمبوسه وعلخرابيط خلاص مافي اكل بعدها

وبكره فطوري بيكون شي خفيف ممممرررررا

 

[Miss shatha]

سسسسوري لاني داخله من اي باد كلله بدليات


كنت اقول اني لاكلت شي احرم نفسي من شي مثل يوم كلت سمبوسه وهلخرابيط ماكلت شي بعدهمم

 

[مس مونتريال]

مساء الخير بنات ..... أنا ودي ادخل معاكم ... بس وزني 67 ... يصير أدخل​

 

[دبه موت]

ياحياتي وانتي وحشتيني زود يالغاليه مو مشكله ياقلبي أن شاء الله بتنزلين اللي زاد وأكثر ياروحي بس أهم شي أنتي بخير وخواتج
ولا يهمج ياقلبي بس أهم شي طمنينا عليج بين فتره والثانيه

دبة عاد انتي لك معزة خاصة. ابشرك اليوم وزنت لقيت وزني 69,8 طلع سبب الزيادة سوائل محتبسة في جسمي. الحمدلله

بالعافيه حبي عليج

الله يعافيك، حبوبتي

واااااي الجدول وناسة ، عجبني حييييييييييييل. الله يسلم ايديك

حلو الشعار :rerrerek: ان شاء الله احطه. على الاقل انتي احسن مني انا ما اعرف كلش اسوي جذي :ggdw:قولي امين الله يرزقك رزق واسع مثل ما انتي مهتمة فينا


.

وووووهـ بس فديت هالبنت ياناس يابعد جبدي تسلمين عيوني والحمدلله لك يارب وزنك رجع :eh_s(9)::eh_s(9):

اليوم

الريوق
نص صمونة بر مع بيضة مسلوقة. سلطة و كاس شاي

الغدا
مافيه غدا

الرياضة
مشيت ساعة

بالعافيه قلبووو:eh_s(7):

اليوم

الريوق

شربت كبنشيينو

الغدا شريت سلطه من الجامعه بس ما كليتها نهائيا بس قفشه وحده
احس لا عت جبدي منها

عاد لما قمت من النوم ع المغرب كليت روب

بالعافيه ياروحي أستمري مشاء الله عليج :eh_s(7):

ابي ادش التجمع معكم

ممكن ولا راحت علي :eh_s(2):

:

حياج حبي الوزن الطول قبل أسبوع كم وزنج؟

اللحيييين تعشيت خيارتين

بالعافيه :eh_s(15):

اكلي اليوم ريوقي وغداي شريحة توست سمرا وحدة مع قفشة صغيرة قيمر ومسحة مربي
واكلت بطاط نايس
وبسكوت رجيم قطعة وقطعتين مادري ٤ قطع ككاو رجيم مع موكا رجيم
وقطعة بسكوت الياف والعشا طقطقت من عشا البيت وبيبسي دايت

وان شا الله بكرا اطبق رجيم ٣ في ٣ عدل

انا طبقته لي يومين بس ودي التزم فيه اكثر

أن شاء الله بتلتزمين فيه بس شدي على نفسج مابقى شي على الستينات لاتتهورين أحنا لاحقين على الأكل أنتظر يومياتج ألتزام قلبوو

هاي حبيباتيً


اليوم فطوري زبادي قليل الدسم


قبل الغدا ب ربع ساعه كاسين ماي

الغدا ملعقتين اكل رز مه حبتين نقانق مشويه


سناك سلطه


وماي كاسين


العشا سميوسه وحبتين كبه وورق عنب

ومن بعد ٩ مااكل شي لين انام

شووفو


انا عرفت لتفسي

عشان الد
وره قريبه كل شي ابي اكله


لا كلت شي احرم نفسي من شي امات سمبوسه وعلخرابيط خلاص مافي اكل بعدها

وبكره فطوري بيكون شي خفيف ممممرررررا

سسسسوري لاني داخله من اي باد كلله بدليات


كنت اقول اني لاكلت شي احرم نفسي من شي مثل يوم كلت سمبوسه وهلخرابيط ماكلت شي بعدهمم

هههههههه يابعد جبدي فاهمين عليج روحي مشاء الله عليج يومج حلووو قلبووو
وعساكي دوم كذا أبي هالاسبوع الكيلوين يطيحون فاهمه حبي

 

[دبه موت]

مساء الخير بنات ..... أنا ودي ادخل معاكم ... بس وزني 67 ... يصير أدخل​

حياج قلبو أحنا مابقى لنا شي على السبعينات بس نبي ألتزام
الطول كم؟
وزنج قبل أسبوع كم؟

 

[دبه موت]

بنزل الجدول الصباح اخر موعد الجدد الوزن والطول ياليت ؟عشان لانه راح نعتمد الجدول كل أسبوع
بنات راح يكون في رابحه كبرى الجمعه ألتزمو فديتكم مانبي تخبيص عفيه ونشوف منو قدها ويكتسب هالاسم:eh_s(10):

 

[مس مونتريال]

هلا قلبي ... نفس الوزن 67
طولي 160
والهدف 60
ومن اليوم بلشت برجيم دشتي .... والله يقوينا ويصبرنا​

 

[om_fajer83]

دبه وزني ٧٢:٨

 

[جاتيم]

توووته فدديتج اشوه انج بخييير..

بنااات وحشتووووووووووووني شلوووووووووووونكم,,,

يومي,,

الغدا,,شريحة تست اسمر مع 2 بيض وسلطه

السناك ,,قهوتي كالعاده وكاكاو سنيكر صغيير

العشاااا,,,سلطااات منووووووووعه مع ببسي داايت

 

[قــل مـا تـشـاء]

مراااحب بنوتاااااات ,, كيفكم اليوم وكيف يومكم ,,
توووته تسلمين قلبووو ,, مع أنو ردودي أحسها جدا عادية بس زين فيه أحد يستفيد منها
أنا من قبل يومني رشيقة كنت أهتم واايد بهالأشياء وأقرا عن الأوزان وشالطريقة المثلى والصحية للتمتع بالوزن الصحي والمثالي
ومتبعة يوميا بحذافيره بدون مااحد يحس حتى .!
من تزوجت بصراحة زاد وزني شوي
بس كنت مقتنعة أني كبرت وأصلا العظام تكبر وهم تم وزني أوكي ضمن المثالي ,,
بس من سنة ماادري شفيني ؟! اهمال في العادات الغذائية يعني آكل العشا متأخر والغدا المغرب ,!
والحلويات كثرت منها مع أني أول مااكل شي الا لااازم اشوف سعراته الحرارية اول
ونتيجة هالإهمال 10 كيلو تقريبا زيادة !! << كأني كثرت هذرة لوول
,,,,,,,,,,,,,,,,,,,,,,,,,,,
في ردي الجاي بكتب كم نصيحة لكم يمكن تستفيدون منها ,,

 

[قــل مـا تـشـاء]

أول حاجة أبيكم تلتفتون لها هي :
الماي ,,
الماي يا بنوتااات يا حلواات مهم جدااا مو بس ينزل الوزن الا بشراتكم تتحسن وبعد شعوركم تتعدل وتطول << للي تبي شي يطول شعرها ,, ضروري تتدرجون بشرب الماي الى لترين يوما لمساهمته الفعالة في التخلص من السموم و الوزن الزايد ,,
أول ماتجلسون من النوم اشربوا ماي ( قبل وجبة الفطور ) وقبل اي وجبة بربع ساعه كاس وبعد الوجبة بنص ساعه كاس << 3 وجبات = 6 كاسات ماي ,, اوك وكاس قبل النوم هذا السابع واذا بتسوون رياضة طبيعي بتعطشون بعدها هذا كاس صاروا 8 كاسات ,, (( طبعا بعض اخصائيين التغذية يحسبون حتى المشروبات الساخنة قليلة السعرات الحرارية ضمن الماي يعني مثلا كاس شاي أخضر يدخل ضمن الـ 8 كاسات الموصى بها يوميا )) ...
أنا قلت قبل الوجبة بربع ساعه عشان يسد جزء من المعدة وماتكثرون في الأكل .. وبعد الوجبة بنص ساعه لأن لاتتعودون تشربون سوايل اثناء الاكل عشان مايسبب انتفاخ للبطن و لأن بعد الوجبة اذا ماشربتي ماي المخ يفسر حالة العطش عندج الى جوع بالتالي للأسف نقوم ناكل واللي في معدتنا بعده ما انهضم ,, فنصير دخلنا اطعام على الطعام وهذا خطأ كبييير جدا وإرهاق للمعدة اللي من حقها أنها ترتاح ,,
,,,,,,,,,,,,,,,,,,,,,,,,,,,
البيض المسلوق .,,
البيض المسلوق يا خواتي يصغر المعدة ,,
مره من المرات قريت في مجلة تقريبا أن لو فطرتي على بيض مسلوق لمدة 3 ايام ورا بعض يصغر المعدة .. وأتوقع أنه المعلومة صحيحة ,, كنت أجربها أول اذا حسيت أن أكلي زاد ,,
,,,,,,,,,,,,,,,,,,,,,,,,,,,
الخيار والخس والورقيات الخضراء باسثناء الفجل والجرجير ,,
هذولي الأشياء مسموح طيلة اليوم أكلها بين الوجبات للتخفيف من الجوع والإحساس بالشبع ..
يعني تخيلوا الخيارة 7 سعرات حرارية فيها .! وتراها زينه وااااااااايد للبشرة بدل ماتحطونها على ويوهكم أكلوها ..
ترا الأشياء أفود لمن تنوكل ويبين مفعولها أسرع ,, أكلوا هالأشياء إذا جعتوا أحسن لكم من الشيبسات والكاكاويات والخرابيط > علمي نفسج أول لووول
طبعا استثنيت الفجل والجرجير لأنها معروفة تسبب غازات ,,,
,,,,,,,,,,,,,,,,,,,,,,,,,,,,,,,,
المقاااالي ,,
ابتعدوا عن المقالي قد ماتقدرون .. أنا مو حيل وياها بس ماادري شفيني على الزنجر الأيام اللي طافت وأشتاق له بعد ألحين لووول
مره من المرات قاعده أتابع برنامج وفيه أخصائية تغذية مسوية بطاطس مقلي وبطاطس مشوي .,
طبعا هو بروحه البطاطس آفة خخخخ لأنه نشويات ,,
حطت شوي بطاطس مقلي حدددددده قلييييل تقول فيه 500 سعره حرارية أنصدممممت حدي @@ مع أنه عادي عندي البطاطس
وحطت كمية أكثر منها ونفس الشي قالت أنه فيه 500 سعره ,,, يعني فيه فرق ,!
,,,,,,,,,,,,,,,,,,,,,,,,,,,,,,,,,,,,

وعن لا يصير الرد ممل ومااحد يقراه أكتفي بهالأربع نقاط ان شااء الله تحصلون فايده فيها ,,
ان شااء الله اكتب الباقي في يوم ثاني ,,,
أتمنى لكم الفائدة وبدور لكم عن نصايح حلوة وتجارب وبحطها هني لكم عشان ماتتحبطون اذا وحده مانزل وزنها وتتشجعون
عشان تستمرون الى الوصول للوزن المثالي ,,
موفقين يااارب
على فكره كنت قبل ما ادخل الكلية ودي أسجل في قسم تغذية بس ماصار نصيب لوول أحسه قسم مفيد حييييل وعاجبني واااايد ,,

 

[قــل مـا تـشـاء]

يومياتي مالت أمس ,,
صايمة
الفطور .
شوي كبدة وشوي فاصوليا وخبز بر مع نص عصير
السحور :
طبعا معزومة عالعشا طبعا خليته سحوري لأني اكلت فوق الـ 10
أكلت قطعتين صغار شيش طاووق ونتفة كباب دجاج وشوي خبز ,,
بس أكلت سلطات بابا غنوج وسلطة زيتون و متبل باذنجان ,, ونص كاس عصير
وحليت بعد هههههههههههه
من شوي سويت لي شاي اخضر وزنجبيل وأكلت صبعين ويفر شوكولاته ,,
طبعا رياضة ماسويت العصر انشغلت والليل رحت العزيمة وبس ماسويت ,
ماي شربت الحمد لله اليوم ,,
الله يسسسستر ان شاااء الله مااايزيييد وزني ,, عادي ماابيه ينقص بس أهم شي مايزيد ,, هالاسبوع
ان شااء الله اليوم يكون برنامجي أفضل ,,
نحرجة منكم بنااات كلكم ريجيم الا انا أكل بكيفي :bbbiu: ان شااء الله اتعدل

 

[قــل مـا تـشـاء]

* نحرجة = منحرجة

 

[دبه موت]

قل ماتشاء
وربي وربي تهبلين فديتج على النصائح اللي ترد الروح سجلتهم عندي لانه انا من النوع قليل اشرب ماي وجهي على كلام ابوي يقول الناس يقولون ماضعفتي الا عن مرض كأنج وحده بتموت من وجهج
من اليوم ورايح ماي وخيار ان شاء الله
ويجزاج ربي الجنه وكثر الله خيرج وكثر الله من أمثالج والله يطول بعمرج
وننتظر المزيد من النصائح غلاتي

 

[دبه موت]

تم تعديل الجدول

 

[روعة خيال]

شاطره مع انه أشوف أكلج سنيكرز ومارس رغم أكلج قليل يالغاليه
أنتبهي لنفسك وخففي شكولاته ياحلوه:eh_s(15):

حياتي آنا مو لي هناك مع الكاكاو و الحلا

بس اشتهيهم بوقت الدوره تكرمون

عشان جذي اغلب يومي حلا

و بعد شوي بكمل يومياتي ان شاءالله

مالت امس و اليوم

 

[مس مونتريال]

مرحبااا بنات .. حبيبتي دبه موت .. مشكوره انج ضفتيني معاكم بالجدول
بس ابي تصححين الارقام الطول مكان الوزن
وتسلم الانامل​

 

[مس مونتريال]

بنات حد فيكم بالتجمع يطبق نظام دشتي ؟؟
بالنسبه لي جدا احبه هالنظام ... مع أن يقيدج ويحصرج
بنوع معين من الطعام وهو لبروتين "اللحوم " الا اني ارتاح عليه جداااا
ويناسب فصيلة دمي االي هي o+
من ثاني أو ثالث يوم من تطبيقه تبدا الدهون تحترق
احس بخفه بالحركه ويساعد على النوم المريح
اتخلص من التخمه والغازات والانتفاخ باالبطن
يسد الشهيه للطعام وخاصه الي متعوده عليها مثل الشيبس
والشوكلاطه والحلوي تصير عادي بالنسبه لك
واقدر اطلع واكل في المطاعم براحه
ولو خربت مره وزني الي فقدته مارده ابد :rerrerek:
وهذا كلامي عن تجربه طبعا​