&^ تجمـع مـراجعــات مستـشفــى الأمـومــه ^&

[زيووونتييي]

شكله ماكو تجارب لول

 

[غنآآآتي]

توني انتبه للتجمع
من ناحيتي اراجع عند الامومه ومرتاحه معاهم اراجع عند الدكتور محسن طلبه وان شاء الله ولادتي فيه

 

[زيووونتييي]

غناتي وانا بعد مثلج ومجربتهم من قبل والحمدالله كل شي حلو

 

[noufb]

بنات انا براجع عندهم اول 3 اشهر بس سمعت يمدحون دكتوره عبير بغيت اسأل جم المراجعه كل شهر

 

[زيووونتييي]

انا اراجع عند محسن طلبه مراجعه 25 اعتقد كلهم نفس الشي

 

["*آآآنؤؤؤقهـ*"]

الله يتمم عليييييكم

 

[غنآآآتي]

كلهم نفس السعر بالمراجعات

 

[ام اغلى الناس]

السلام عليكم
شلونكم بنات
الف مبروك للبنات اللي ولدوا
توه امس مرت ولد خالتي ولدت فيه
عند محمود السيد غرفه اسمها ديلوكس
واسعه وفيها مطبخ وحمام وستاره
وفتحت ملف باراجع عند رحاب بس ززززحمه قلت اجي بعدين
والحمدلله اشوف بنات يمدحونها
الكل يمدح محسن طلبه بس انا باحتسب الاجر واولد عند مره
منو جرب ابرة الظهر؟
انا جربتها برويال حياه تهبل
كانوا روعه بكل شي بس غالي نار

 

[مهرهـ]

انا توني حامل ومراجعه عند محسن لان خواتي كلهم عنده
واحسه فاهم شغله ويطمنج
والله يتمم على الجميع

 

[زيووونتييي]

عجيب محسن بصراحه وايد ارتاحله

الله يتمم على خير ان شا الله

 

[غنآآآتي]

باجر سوناري ان شاء الله والله يسهل علينا يارب

 

[زيووونتييي]

الله يسهل عليج غناتي حبيبتي

 

[غنآآآتي]

فديتج زيونتي وابشرج فيني بنوته والحمدلله طمني الدكتور عليها

 

[زيووونتييي]

حبيبتي الله يتمم عليج يارب فديت البنات

 

[عروسة خالد]

هلا بنات شلونكم شخباركم أنا بولادتي الأولي كنت عند دكتور محسن طلبه بالامومه لأني خولتي كلهم عنده لما كان بالسلام رحت له طبعا كل من شافني بالتاسع قالي الحوض عندك صغير
وحجم البيبي كبير فكنت خايفه ولما جتني الولاده نزل علي ماي والرحم كان مسكر لا لطوق ولا شئ
لما شفت الدكتور قاعد ابجي لانه قاعد عندهم 4 ساعات والرحم ما افتح ولا سانتي فخفت يفتحون بطني
بس الدكتور طمني قالي لاتخافين أن شاء الله خير برا اسمع زوجي يقول إذا عمليه بوديها الصباح
صح صح كانت في حالات رعب ونطرنا هم ساعتين فوق 4 وبعدها دخل الدكتور وقال 3 سانتي
ونزلني الوضع الساعي 2 الظهر والله من 2 ما ولدت إلا الساعه 10 باليل ما قصر الصراحة نطرو علي
وما فتحو بطني الحمد الله والحين حمالي الثاني عنده أن شاء الله ​

 

[زيووونتييي]

اي والله وايد شاطر ما شا الله

الله يتمم ويسهل عليج عرووووسة

 

[عروسة خالد]

أجمعين يارب زيون انت عنده

 

[زيووونتييي]

اي عنده ثاني حمال لي والحمدالله مرتاحه وايد له والمستشفى بعد

 

[غنآآآتي]

حبيبتي الله يتمم عليج يارب فديت البنات

فديتج ي الغاليه :eh_s(17):

 

[غنآآآتي]

هلا بنات شلونكم شخباركم أنا بولادتي الأولي كنت عند دكتور محسن طلبه بالامومه لأني خولتي كلهم عنده لما كان بالسلام رحت له طبعا كل من شافني بالتاسع قالي الحوض عندك صغير​

وحجم البيبي كبير فكنت خايفه ولما جتني الولاده نزل علي ماي والرحم كان مسكر لا لطوق ولا شئ
لما شفت الدكتور قاعد ابجي لانه قاعد عندهم 4 ساعات والرحم ما افتح ولا سانتي فخفت يفتحون بطني
بس الدكتور طمني قالي لاتخافين أن شاء الله خير برا اسمع زوجي يقول إذا عمليه بوديها الصباح
صح صح كانت في حالات رعب ونطرنا هم ساعتين فوق 4 وبعدها دخل الدكتور وقال 3 سانتي
ونزلني الوضع الساعي 2 الظهر والله من 2 ما ولدت إلا الساعه 10 باليل ما قصر الصراحة نطرو علي

وما فتحو بطني الحمد الله والحين حمالي الثاني عنده أن شاء الله ​

هلا بالغاليه وعسى الله يسهل عليج يارب والدكتزر شااااطر وحدده مرتاحه معاه وكافي انه يطمن ونصوح :eh_s(17):