تجمـــع المتملكـــات الي ماتحـــدد عرسهـــم >>حياكم يا عرايس

[عذبة السجآيآ]

رد: رد : تجمـــع المتملكـــات الي ماتحـــدد عرسهـــم >>حياكم يا عرايس

صباح الخير بنات اخباااركم علوومكم انا توني مملجه صاارلي شهر تقريبااا عفيه شنو شي حلو او تنزيلات حلوه انا عرسي بيكون شهر 11 شتوي

الف مبرووك حبيبتي وعسى الله يوفقج ياارب

شوفي قلبووو على اخر 12 وشهر 2 بيسوون تنزيلات على كييفج عاد انتي استغليها واشتري الترنقات والملابس اللي تحتاجينها بالشقه وتكون شتويه واشتري لج الصنادل والجواتي عزج الله اللي تكون مسكره لان على مايجي ان شاءالله الشتاء الجاي الا السوق غالي كالعاده فحلو انج تخلصين بعض الشغلات :eh_s(8):

 

[عذبة السجآيآ]

هلاااا فيييييييييييج يالبىى هالطله

وياااعيييني على الصوره الرمزيه ماسكه شال مدري ملفع وطار بالهوا شاشي :dddds: فديييت الانوووثه انا

ماخذه خلطة حنان والبخور بس استعملته وصاجه يهبببل بشتريه مع العطر :eh_s(15):​

ههههههههههههههههههههههههههههه << جاااااااااااااان تستحي سن سن من الانوثة اللي نزلت عليها فجأة :eh_s(20):

يختي خليني اتحلم اني عروس وبالهواء الطلق اعبر عن فرحتي واهو يركض وراي << حشا هنود ههههههههه

 

[عذبة السجآيآ]

صباح الخير ياعرايس
اشلونكم وشخباركم
لكم وحشة وربي
بنات عندي جم سؤال :

بالنسبة للمسكة والنفنوف الابيض جم اخصصله مبلغ من المهر؟
امبيه حدي خايفة ان المهر مايكفي
وبالنسبة للذهب اشتري طقم واحد ذهب ابيض حق يوم العرس ودبلة والباجي مطلي والا اشرايكم؟
والدبلة شنو احسن شي الماس والا ذهب ..أبيها عملية وتكون حلوة يوم العرس بايدي
والمصورة والنفنوف من متى احجزهم قبل العرس بشكثر؟

هلا والله --شخبارج يالقاطعه ,,

المسكه حددي لها مبلغ بحدود 100 واعتقد بيكفي وتزود بعد

والبدله البيضا على حسب اعتقد يكفي 1500 حلووو

وحلات العروس تلبس ذهب مو مطلي

اخذي لج دبلتين اذا تقدرين وحده عملية والثانيه حق الطلعات والعزايم او اخذي ذهبيه ناعمه

والمصوره قبل العرس بشهر حلووو

والبدله قبل العرس بشهرين تحجزينها اذا موتفصال لان التفصال يطول شوي

 

[عذبة السجآيآ]

شلونكم عرايس ؟؟
>> ماستغني عن التجمع :*

بتحلطم شوي

مليييت من الناس اللي تسوي روحها فاهمه بس ينتقدون يتوقعون شكلي بيكون نفسه بيوم العرس ماراح اهتم بروحي !!!! خلاااااص مليت من كلامهم وياليت يتكلمون وبسسس للاسف اسلوبهم جاارح ويضايق موقادره اتحمل منهم كلمه زياده وفي ناس لازم اجاملها ماقدر ازعلها
يعني انا بشر مو روبت 24 ساعه بحط خلطات وكريمات من غير ما امل او اتكاسل ليش ماعندي جامعه ودراسه بروحها الجامعه ماخذه وقتي محاضراتي من الصبح لي بعد المغرب ارد تعبانه من الدوام مالي خلق اقعد ساعتين بالحمام واحط خلطات من بدا الدوام وانا شور سرييع بس استخدم الصابونيه ومرات من العيله انسى اللوشن
ادري اني اهملت روحي بس شي طبيعي امل او انشغل لما كنت بعطله يوم وترك ساعتين بالحمام وكل شوي احط كريمات بويهي ويوم وترك ادهن شعري بس الحين الوضع غير انا مو فاضيه ومالي خلق احاول اهتم بس شي طبيعي امر بلحظات كسل

بيور ياقلبي حطي كل شي ورا ظهرج ومالج شغل بكلام الناس -- واذا احد تكلم قولي اي ان شاءالله وبس

وبعدين اذا بديتي عنايه دري والله والله على مايقرب العرس الا وانتي متكيسله ومالج خلق

انا قبلج كنت مهتمه اول ماملجت بس مليت :denya: عندي دراسه واهل وظروف مومهم العنايه اهم شي النظافه والترطيب

والعنايه خليها قبل عرسج بشهرين او 3 شهور عشان تبين عدل وترتاحين وبيساعدج سوالف المغربي والصوالين

يعني شنووو الزواج بيتوقف على العنايه بسس ؟؟ !! :eh_s(1):

 

[عذبة السجآيآ]

يارب كلكم يتحدد عرسكم قريب انشاءالله وتكونون احلي عرايس والاهم يتمم عليكم ويرزقكم الرياييل الصالحين اللي يستاهلونكم

أآآأآآمييين ياقلبي جزاج الله خير على هالدعوه الطيبه والحلوه مثلج :tek:

 

[«ღ»Pure Soul«ღ»]

سنووفه المشكله اللي يتكلمون قراب مني يعني ع طووول اشوفهم من كثر انتقادهم وكلامهم صرت ماحب قعدتهم ادري انهم يبون مصلحتي بس اسلوب عن اسلوب يفرق وبكلامهم يحبطوني الله يعين

 

[عذبة السجآيآ]

ماعليج منهم ياقليبي كلمه وحده تسكتهم

قولي انا مهتمه واعرف بس كل شي بوقته حللووو ولا ابي احد يضغط علي بالسوالف هذي لان عندي دراسه اهم من كل شي وبس

 

[دفعة مردي]

رد : تجمـــع المتملكـــات الي ماتحـــدد عرسهـــم >>حياكم يا عرايس

السلااااااااااااام عليكم شلوووونكم بنات؟

 

[«ღ»Pure Soul«ღ»]

دايم اقول لهم انتوا ماتدرون عن شي مو معاي بالبيت يقولون مانشوف نتيجه !!!! والحين اختي صارت نفسهم افففف >> حدي متنرفزه منهم

بس خلاااااص بغير اسلوبي ماراح اخلي اي احد يفتح الموضوع معاي لان مليييييت

 

[تنآهيد ..~]

بيـور
مآعليج من أحد حبوبه أهم شي درآستج هآلفتره ولآحقه ع آلعنآيه
عز آلله آلنآس تدور آلحجي , وبإذن آلله بتطلعين أحلى عرووس صدقيني
وقولي كل شي بـ وقته حلو ^_*

 

[«ღ»Pure Soul«ღ»]

توته مشكووره

انتوا اللي تشجعوني

 

[تنآهيد ..~]

دفعة مردي
أهلين يـ آلقآطعه , تـو مآ نور آلتجمع
حيآج يآ عسل =)

 

[تنآهيد ..~]

آلعفـو ولو يـ آلغآليه
حآضرين للطيبين

 

[مذهــلــه]

سنوووووووووووووفة حبيبة قلبي يعطيج الف عافية يالغالية على الرد

مشكورة حبيبتي

بس وين تنصحيني اسوي المسكة ؟؟ الاتيليه نفسه حق البدلة البيضا مايسوون ؟؟ والا تنصحين بمحل معين؟

 

[عذبة السجآيآ]

سنوووووووووووووفة حبيبة قلبي يعطيج الف عافية يالغالية على الرد

مشكورة حبيبتي

بس وين تنصحيني اسوي المسكة ؟؟ الاتيليه نفسه حق البدلة البيضا مايسوون ؟؟ والا تنصحين بمحل معين؟

ولووو ياقلبي ماسويت شي :eh_s(7):

المسكه عندج اكثر من محل ( نيكولاس بحولي - بياع الورد بحولي _ وشفتي شارع دار الشفاء كله محلات ورد تلقين عندهم مسكات

وفيه بعض الاتيليهات يسوون بس احس تصير اوفر يعني شغل البدله نفس المسكه << وانتي على راحتج وذوقج

بس انا انصحج بمحل معين والمحلات ارخص تلقين من 50 ل 100

 

[عذبة السجآيآ]

رد: رد : تجمـــع المتملكـــات الي ماتحـــدد عرسهـــم >>حياكم يا عرايس

السلااااااااااااام عليكم شلوووونكم بنات؟

وعليييييييييييييييييييكم السلااام

تمااااااااااااامووو انتي شخبارج يالقاطعه :dddds:

 

[دفعة مردي]

رد : تجمـــع المتملكـــات الي ماتحـــدد عرسهـــم >>حياكم يا عرايس

هل والله بسن سن
اي والله قطعت شوي سامحوني والله ماني قادرة أحك راسي من هالروضة عوووووووع متى أفتك منهاا يارب
وانقل وزارة ثانية وانحااااش من التدريس
بس لاتخافين ماشية للحين على الليزر واااااو حده وناسة خاصة عالنونو والعناية مع الحبوب والفيتامينات
وانتي مابين شئ عليج للحين ماتحركوا النسابة

 

[عيون امها]

مرحبا بنات شلونكم احبكم موت لوول
واتابعكم ومقصره في مشاركاتي بلمنتدى

بس انا تملكت من شهر 7 لوول ولمن الحين ماتحدد عرسي ومتوهقه وابي ادش بقروبكم ممكن ؟
شوكررررررران

 

[عذبة السجآيآ]

رد: رد : تجمـــع المتملكـــات الي ماتحـــدد عرسهـــم >>حياكم يا عرايس

هل والله بسن سن
اي والله قطعت شوي سامحوني والله ماني قادرة أحك راسي من هالروضة عوووووووع متى أفتك منهاا يارب
وانقل وزارة ثانية وانحااااش من التدريس
بس لاتخافين ماشية للحين على الليزر واااااو حده وناسة خاصة عالنونو والعناية مع الحبوب والفيتامينات
وانتي مابين شئ عليج للحين ماتحركوا النسابة

وي الله يعينج بس عندي الروضه اريح من التدريس بمدارس الكبار

واذا عندي اانا للحين ماكوشي على حطت ايدج

والعنايه موقفه مالي خلق عندي امتحانات موفاضيه احك شعر راسي منهاا الله يعين

 

[عذبة السجآيآ]

مرحبا بنات شلونكم احبكم موت لوول
واتابعكم ومقصره في مشاركاتي بلمنتدى

بس انا تملكت من شهر 7 لوول ولمن الحين ماتحدد عرسي ومتوهقه وابي ادش بقروبكم ممكن ؟
شوكررررررران

مرااحب ياهلاا والله

مبروك حبيبتي على الملجه

واغلب البنات ماتحدد عرسهم للحين -- وحيااج معانا ولووو العين اوسعلج من المكان :eh_s(7):