@تجمـــع مــستافـرات فـــرنــــســا ......2010_2011 افيدو واستفيدو@

[W.GLAM]

بنات الي في باريس بيطولون وين تجمعاتكم بالاديفانس
أنا ساكنه بفندق adagio
ويمدحون عمارة القمبيطه عند أم سامي يقولون كله كويتين بس زوجي يقول مو نظيفه الشقق
بس والله ودي أغير السكن بسبة الوحده مليت جو حلو بس وربي ملل خل نسلي بعض دام كلنا في باريس

هلا حبيبتي
انا ساكنة هناك وصاج كلام زوجج الشقق مو نظيفه بس المكان زين وشرح
كلها كويتيين وفي تجمعات بس والله للحين ماشفت وتعرفت الا على عايله كويتيه وحده وهم في ديوانية كل يوم جمعتهم
وانا بعد مليت وابي ناس انا

 

[W.GLAM]

مرحبا بنات انا نشالله بعد عيد الاضحى راح اكون بفرنسا علاج بالخارج بس مادري اي منطقه واول مره اروحلها وزوجي ماذيني يقول روحي السوق اشتري ملابس شتويه حييييييييييييل ونا مو عارفه الوضع هناك وموعارفه شكثر بطول حدي خايفه ومحتاره عفيه بنات قولولي شنو اخذ معاي من الكويت ابي تكتبون جميع التجهيزات االي احتاجها من طئ طئ لي سلام عليكم

اول شي ان شاالله ماطولين والله يشافي مريضكم وتردون الديرة بسرعه
الجو عندنا برد واليوم بس وقف المطر ولا صارله اسبوع مطر ماشاالله اخذي هدوم شتوية واهم شي جاكيتااااات صج الجو بارد بس يكفي تلبسين جاكيت تحسين بدفا بردهم حلو وداخل اي مكان ادشيله دفايات ودهم تقطين هدومج الشتويه من الدفا

اذا ماتدرين متى تردين اخذيلج اغراض المطبخ والماجله ولاتحاتين اذا خلص عندج شي لانه متوفر كل شي عندهم

انتي رايحه علاج صح؟؟ اهم شي تاخذون معاكم كل اوراقكم وفحوصاتكم الاحسن لج عشان يشوفونهم ويقارنون مع فحوصاتهم

ومادري بعد قولي شاللي تبينه وانا اقولج

وعلى فكره الديره غاااااااااليه وسوقها عادي مثل سوقنا مافيه زود غير الماركات

 

[شوارفسكي]

اول شي ان شاالله ماطولين والله يشافي مريضكم وتردون الديرة بسرعه
الجو عندنا برد واليوم بس وقف المطر ولا صارله اسبوع مطر ماشاالله اخذي هدوم شتوية واهم شي جاكيتااااات صج الجو بارد بس يكفي تلبسين جاكيت تحسين بدفا بردهم حلو وداخل اي مكان ادشيله دفايات ودهم تقطين هدومج الشتويه من الدفا

اذا ماتدرين متى تردين اخذيلج اغراض المطبخ والماجله ولاتحاتين اذا خلص عندج شي لانه متوفر كل شي عندهم

انتي رايحه علاج صح؟؟ اهم شي تاخذون معاكم كل اوراقكم وفحوصاتكم الاحسن لج عشان يشوفونهم ويقارنون مع فحوصاتهم

ومادري بعد قولي شاللي تبينه وانا اقولج

وعلى فكره الديره غاااااااااليه وسوقها عادي مثل سوقنا مافيه زود غير الماركات

حبيبيتي والله ماقصرتي انا اللي رايحه علاج وبغيت اعرف المكتب الصحي وين باي منطقه والمنطقه اللي فيها المكتب جريب من المستشفيات انا رايحه اسوي عمليه تجميليه بسيطه يعني نشالله موجايده تهقين باي منطقه وشلون على السكن وتنصحين اسكن بفندق ولا شقه زوجي يقول الفنادق مافيها قنوات عربيه :eh_s(14):فاض الاخ يبي يطالع تلفزيون زين يعني ما اشتري بلوفرات وترينغات انتي لوشايف امس زوجي بالسوق جنه بروح الاسكيمو شرى بالطو طويل وبلوفر وتحته قميص يمه:cxxxp::cxxxp: خرع البرد ادري قرقت واايد بس صج انا متعوده على الدول العربيه وشرق اسيا بس فرنسا ولا مره وما حب اروح مكان الا اكون ماخذه فكره:tek:

 

[W.GLAM]

المكتب الصحي بالشانزلزيه مبنى رقم 144 ومادري انتي وين اي مستشفى اذا قريب عند المكتب الصحي او لا. الصراحه الحين وقف المطر وصار الجو باااااارد
خلي زوجج ياخذ اللي خذاه لوول خل يدفي نفسه وانتي اخذي تريننقات وبلوفرات وجاكيتات اهم شي واندرويرات دفي نفسج

والسكن على حسب انتي شنو تحبين ماقدر افيدج من هالناحية بس شوفي المده اللي بتقعدون فيها وشوفو حساباتكم بس اذا انتي اللي بتسوين عملية يعني مالج مقاقه تنظفين وتشتغلين فانا من رايي فندق احسن لان الشقق اللي ساكنين احنا فيها الليلة 100 يورو يعني تقريبا 40 دينار

وانا ترى اول مره اروحلها بس ديره حلوه ماتضيق الخلق والشانزلزيه شغال اللي 12 بالليل وزود بس ترى غااااااليه معيشتها

وعلى التنقل تعلمي شلون تروحين بالمترو ترى سهل واسرع واوفر في لها كروت شهريه واسبوعيه

ان شالله اكون فدتج وانا حاضره باي شي تبينه

 

[أزهااار]

انا ساكنة بعمارة القمبيطة واللي كان مهون علي المدة تجمع البنات هني

وانا ان شاء الله بكرة رادة الكويت
والحمدلله ع كل حاااااال

بس انصحكم تعرفو على البنات من تلاقين وحدة كويتية اخذي رقمها وتعرفي عليها

 

[W.GLAM]

ياحياتي توصلين بالسلامة ان شالله

اي انا اليوم لقيت وحده بالمستشفى كويتيه تهبل سولفت معاها بس حسافه ماخذيت رقمها ساكنه هناك بالقمبيطه انا ساكنه باللي يسمونها الصوابر

طول الفتره عبالي القمبيطه المكان اللي انا فيه لووووول

 

[فراشة اوروبا]

رد : @تجمـــع مــستافـرات فـــرنــــســا ......2010_2011 افيدو واستفيدو@

ويييييييييييييينكم

 

[فراشة اوروبا]

رد : @تجمـــع مــستافـرات فـــرنــــســا ......2010_2011 افيدو واستفيدو@

اقدر اسير المونمارت يوم الاحد ؟؟

 

[<miss botamba>]

بنات منو حاجز حق راس السنه

الي حاجزه ممكن تقولي اسم الفندق و موقعه وجم حصلوا اسعار

 

[مخدددده]

السلام عليكم

خواتى بسالكم << انا خايفه من المتروا بسبة الافلام
اهو امااان , حتى لو من دزنى لاند بالليل فيه عادى ماكو خوف ؟؟

وتقريبا المصروف اليومى من عشا وغدا وكوفي جم تقريبا ؟؟

مممم وابى شنو صالون هناك زين بصبغ شعرى اى صالون واى مكان ؟؟

 

[شوارفسكي]

السلام عليكم

خواتى بسالكم << انا خايفه من المتروا بسبة الافلام
اهو امااان , حتى لو من دزنى لاند بالليل فيه عادى ماكو خوف ؟؟

وتقريبا المصروف اليومى من عشا وغدا وكوفي جم تقريبا ؟؟

مممم وابى شنو صالون هناك زين بصبغ شعرى اى صالون واى مكان ؟؟

خخخخخخخخخخخخخخخخخخخخخخخ نفس الشعور و:flower:ونفس السؤال:friends:

 

[مخدددده]

uuuuuuuuuuuuuuuuuuuuuup

جااوووبوا على اسالتي

 

[أزهااار]

اهلين حبيبتي

المترو امان ومراقب بالكاميرات ليش تخافين

واذا المصروف انا اقول اذا غدا وعشا وكوفي تقريبا 150 يورو وترا المترو مايكلف

والصالون والله ماادري لاني محجبة وصالوناتهم مكشوفة للي برا

 

[مخدددده]

يعطيج العافيه قلبي

 

[أمل المنصوري]

رد : @تجمـــع مــستافـرات فـــرنــــســا ......2010_2011 افيدو واستفيدو@

كويتيات انا بروح ديزني بس مو عارفة باي فندق
شنو الفنادق اللي جربتوها ؟
لان بطلع من لندن 3 ايام وبرجع مرة ثانية لها

 

[كويتيه مزيونه....]

اختي امل والله ما جربنا فنحق بنفس اليوم رحنا
بالمترو وردينا