تجمـــــع جديـــــــد لرجيمـــــــــي العجيـــــــب حياكم الله

[ام عفاف الكويت]

ان شااااااااااااء الله
يالله يالله نبي شعار
شنو نسميه ؟

 

[ام مضاوي]

انا معاكم
وزني 67 وابي اضعف لي اول اسبوعين من شهر 1 عالاقل 4 كيلو
بس ماراح التزم بهالرجيم لاني ماحب اتقيد
عارفه رجيمي مع ان احس تعود عليه جسمي ما انزل وايد

 

[بنت عبدالغني شربت]

هلا والله شيوخه حبوبه والله انتي الي تيننين

امين ان شاء الله نضعف كلنا ونصير باربيات خخخخخخخخخخخخخخخخ

 

[ام عفاف الكويت]

ريجيم ريجيم والله كريم

 

[ام جنه]

بنااات انا ببدي معاااكم شرايكم نخليها السبت بلييييييييييييييز بنااات خنخليها السبت

 

[78MariMar78]

موفقة شربوووته

 

[أحلى همبه كويتية]

خوش تجمع وخوش رجيم

انا براقبكم من بعيد بس
ويمكن يزيد الحماس وانضم لقافلتكم
بس عاد خلولي الكرسي اللي ورا كلش
عشان اقعد براحتي

 

[أحلى همبه كويتية]

بنااات انا ببدي معاااكم شرايكم نخليها السبت بلييييييييييييييز بنااات خنخليها السبت

لا تقولين سبت الله يخليك
اتعقدت
صارلي سنين اقول السبت
وبعده مايه

 

[بنت عبدالغني شربت]

هااااااااااااااااااااااي صبايا يعني نشيطه اليوم خخخخخخخخخخخخخخخخخخخخخخخخخخخخخخخخخخخخخخخخخ


شلونكم بنات ام عفاف شرايج نسيميه اسم كويتي بحت يعني متان بنصير ضعاف لوووووووووووووووووووووووووووووووووول


ام مضاوي هلا والله حبوووووووووووبه حياج الله شنو رجيمج ؟


همبوووووش لا حبوبه ما نبي متابعه نبيج معانا تطبييييييييييييييق


ميرمار مشكوره حبيبتي

ام جنه انا اليوم بجرب اذا خانتني ارادتي ببديه بعد الويك هههههههههههههههههههههههههههههههههههههههههه


خربوطه من اولها خخخخخخخخخخخخخخخخخ

 

[يمّه مني]

موشرط اتسون هالرجيم اي رجيم تبون
التجمع يعني نتيمع كلنا ونسوي رجيم

انا بسوي رجيم كوين الصراحه سويته من زمان وضعفني

ريجيم طالب الشمري2
ــــــــــــــــــــــــــــــــــــــــ




الصبح علي الريج :
++++++++++
كوب ماء ثم فنجان قهوه تركية


بعد نص ساعة على الأقل:
+++++++++++++++
شاي/أو/ نسكافيه بحليب /او/ كابتشينو (مع كريمه وفوقه كاكاو وكلشي)


الظهر:
+++++
حبه فاكهه اي نوع او عصير غير محلي يفضل فريش ونصيحة مني شربو كيوي باناناس


الغدا :
+++++
2 توست + من 1 الي 2 بيض ( ممكن مقلي مع قليل من الزبده او ملعقتين زيت) +خس او سلطه+دايت ببيبسي
او : 1-2 بطاطا مشويه او مسلوقه ( او توست)+ جبنه او لبنه +خس+ دايت بيبسي
او : سلطه سيزر بالدجاج مع الجبن


المغرب :
++++++
شاي او حليب بنسكافيه او كابتشينو مع 1-4 حبات بسكويت او كاكاو واحد حسب الرغبة


العشاء:
+++++
عكس الغدا : يعني لو اخترتي البيض والتوست علي الغداء تاكلين توست وجبن علي العشاء

ابي اقط 6 كيلوات حتى لو 4 راضيه

 

[جنان2006]

السلام عليكم

يعطيكم العافية بنات اشلونكم ان شاءالله بخير؟؟؟

انا بديت معاكم اليوم وإن شاءالله مايخترب الرجيم مع الزوارة

تريقت نص خبزة سمرة + 1جبن سلايس قليل الدسم + حليب خالي الدسم

وللحين ماتغديت

شدوا حيلكم والله يوفق الجميع ان شاءالله

 

[ام عفاف الكويت]

انا توني قاعده واليوم باديه
شربت ماي على الريج
والله كريم
ها شلونكم في احد بيمشي اليوم ؟

 

[بنت عبدالغني شربت]

مشاء الله جنان الله يتمم عليج حبوووووووبه انا اليوم خرتها شوي قررت اسوي كنترول على الاكل هههههههههههههههههههه بعد الويك ببدي بالبرنامج

ام عفاف شلونج حبوبه والله على هالجو العجيب يبيله مشي انا الحين بروح مركز سلطان بشتري الاغراض الي ناقصتني وارد

 

[ام عفاف الكويت]

اول مانسوي ريجيم نروح الجمعيه مركز سلطان نلقط هههههههههه
الله لايخسر

انا توني مسويه لي شاي علي اللى لونه اخضر بالجنسنغ
الله كريم

 

[ام عفاف الكويت]

لاتنااااااامون يالله يالله

 

[بنت عبدالغني شربت]

باك با ك باك

اليوم رحنا مركز سلطان انا ويمه مني نشتري الاغراض اول شي عربانتنا كانت تضيق الخلق كلها خضره لووووووووووول

بعدين صار اجرام بس الحمدالله شوي مسويه كنترول شريت من دايت كير وكليت نص ايس كريم

والله كريم

الي بعدوووووووووو

 

[فررررح]

ونااااسة بشااااااااارك وياكم

 

[جنان2006]

مساء الخير بنات


عليكم بألف عافية ان شاءالله

يمة مني: شكله خوش ريجيم إن شاءالله ببدأ بريجيم شربوتة وعقب أجرب رجيم د.طالب

شربوتة: تسلمين ماقصرتي ياقلبي وميخالف الرجيم اجباري يخترب بالويك اند بس شدوا حيلكم انتوا قدها

 

[جنان2006]

أم عفاف : عليج بألف عافية إن شاءالله ويارب توصلين للي تبينه بصحة وعافية

 

[جنان2006]

بنات ميخالف انا خرتها اشوي اليوم اجباري من الأهل

الغدا : سلطة روب بالخيار + 2 أفندي

المغرب إجباري حلو وقطعتين موالح

وبعاقب نفسي ماراح أتعشى