تجميع للاستفسارات حول تجميل الانف @@

[دلع_البحرين]

بالعكس انفاس رفيجتي سوت خشمها نازل وايهبل مو مرفوع كلش انا خشمي اساسا شكله فيه رفعه صراحه انطباعي عن شغل الدكتور شاطر ولا تحسفت اني سويت عنده مع اني توني 15 يوم من سويتها بس ماشاء الله مرتب الخياط مو مبين كلش صغر لي الارنبه بطريقه حلوه وحاسه انه بيصير احلى واحلى عندي امل بالله انه بيصير فضيع واهم شي مو مبين تجميل انا بصراحه ماحب التجميل اللي يغير ملامح الويه

شفتو غاده عبد الرازق شلون خشمها والله مو مبين تجميل عدلت الكسره اللي فوق وشوي صغرت الفتحات

على فكره الدكتور النعيمي وايد سمعت عنه روحي وشوفي وياه بس اهم شي مايغير شكلج

صوري ماقدر احطهم بالنت اخاف انعرف ياختي

انتي بحرينيه؟؟

 

[ام حمدون]

سلام عليكم
كيف حالكم بنيات
المهم باركولي بعد ماستينيت وسويت العمليه الي انتو اقنعتوني فيها وانتو الي خليتوني اختار الدكتور
طبعا 1_ الحالة النفسيه بعد العملية ممتازه
2_الحالة الصحية ممتازه
3_الحالة الاقتصادية مفلسه
4_النتيجه النهائيه مرضيه والحمد لله

العملية كانت في مشهد في ايران
الدكتور بور صادق ومشكور ماقصر على مجهودة
السفرة كانت 5 ايام فقط وتعبت الصراحة
التكلفة 4000دولار امريكي 16 الف ريال سعودي طبعا غير التذاكر والفندق والتمشية
الالم بعد العملية مثل اي وحده سوتها قبلي نفس الالوان والاشكال وعدم التنفس ونومه المتعبه طبعا اني شوي دلوعه ماقمت اكل ابدا وقمت ادوخ واطيح حتى لين بغسل جسمي اكون جالسه 3 ايام نايمه 24 ساعه لانى بعد العملية جاني هبوط بالضغظ بس بعدين والنتيجه انسيت كل شي المهم الصلاة كنت اصليها من جلوس والوضوء التيمم لمدة اسبوع لين ماشلت الجبس الي فوق خشمي وبعدين سبحت واصلي وامارس حياتي
طبعا فكيت الجبيرة في الكويت في مستشفى دار الشفاء عند دكتور بسيوني وفك لي الغرز لانى السفرة خمس ايام قالي دكتور روحي عند اي واحد يشيلش الجبيره
طبعا انا اخاف على خشمي من الهوا 5 ايام اخلي زوجي ينام على الارض وانا على السرير مسكين بس اخاف يطقه او شي لزوم الحرص
ولم نزلنا السعودية خليته ينام على السرير بس دايم انتبه ومن يتحرك اقوله خشمييييييي
وهذي قصة حياتي قصدي قصة خشمي
صحيح ماقلت لكم المستشفى هناك اسمه بامرستان مهر يعتبروه من افضل المستشفيات بس بخصوص شكله بالمقارنه مع مستشفياتنااااااا ولاااااااشي بس ويش نسوي الصبر عشان النتيجه ولش غرفه خاصه وسرير خااااص بس موغرفه ولا سرير ولا لبس بس الصبر الصبر
ومشكورين والي تبي شي تخبرني

 

[دلع_البحرين]

حمد الله عالسلامه ام حمدوووووون وبور صادق الكل يمدحه انشاء الله عجبتج النتيجه كبدايه

على فكره مثلي انا اول 4 ايام ما آكل شي واصيح وماقدر اقوم مسكين زوجي يسبحني ويلبسني وكلحين اقول ياريت ماسويتها ياريت ماسويتها بس الحمد لله عدت على خير

 

[دلع_البحرين]

بنات بشنو امسح خشمي احسه دهني وابي ابدل البلاستر نموله ماقصرت علمتني شلون احطه على خشمي بس مادري شلون اتعامل معاه علموني بليز موعدي مع الدكتور الاربعاء ولا سألته

 

[ام حمدون]

شوفي دلع الريايل مساكين الصراحه بس تعالي للحق يستاهلو ا كل شي عشانهم
اني حطو الجبس مدري الجبيره تالي اسبوع وشلتها ولا حطيت شي والحمد لله عجبتني الحين 16 يوم
اما دهني دهني يبي لينا نجمع الدهن الي يطلع ونتاجر فيه احط عليه صابونت لوكس البيضه ويجف بس بفترة وبتعدي ان شالله ومالينا الا الصبر انتي عندمنو مسويه وكم صار لك من سويتها وحمد لله على سلامتك والله يعين زوجش على دلاعتش ههههههههههه بس موقادره اني اتعايش معاه لانى كل شي ولا خشمي قالي خليناش سويها كان نرتاح والحين سويتيها وطلعت لينا شغله ثانيه اف متى بس تفكينا من هالهدره والحنا ههههههههههههه
لا وكل شوي يقولي لاتعطسي لايطيح خشمش او لاترخي جيبي الاغراض تالي نشوف خشمش طاح قدامش وبس اضحك يمكن ينفرش من الضحك هههههههههههه

 

[ام حمدون]

انا قريت بالمنتدى منتفخ مو منتفخ مورم شنو هذا وين الانتفاخ ؟ اي ارنبه موفاهمه والي تقول سته شهور سنه ؟
شنو صحيح مرفوع وصاير موطبيعي بس مومنفخ والانرنبه مافيها شي ليكون انا غير العالم ...........
ثانيا كان خشمي قصير وعريض ومدور موحلو الحين صاير ضعيف وطويل ومرفوعه الارنبه مغير كله يعني خشم غير بس ماشوفه منفخ
ثانيا انفتح خشمي بس من الجوانب يعني الي بالوسط مانفتح ولا في غرز والغرز للحين باينه شوي لانى تو مسويتها الباقي مافي شي ليكون اني غريب شوي بديت اهلوس

 

[دلع_البحرين]

انا ماحس بخشمي كله يا ام حمدون احس خشمي راقد هههههههههههه مادري متى يقعد من النوم لوول

 

[ام حمدون]

ياسلام عليش وعلى خشمش بشويش عليه لايصحى
اجل خشمي غير الناس احس فيه كنه بيصحى وكله فيه حكه

 

[*صَبا*]

صبايا يا حلوات

انا صار لي فتره ادور واحوس بالمنتدى واقرى تجاربكم
وكل ماشوف تجربة وحده
اقول الله يهنيها ياريت انا اكون مثلها
والحمدلله رحت عند دكتور مشهور عندنا في قطر وحدد لي موعد العملية

بس يابنات خايفه واحاتي عدة اشيا

اولها الصلاه !! كيف بصلي والوضوء لازم امسح ويهي
اخاف شكلي مايطلع حلو خاصه اني متعوده على الانف الطويل و الارنبه النازله و العظم الاعوج
بس لولا الحاله الصحيه ومأثر على اذني وتوازني كان مافكرت اسويها
وهم عندي مناسبات بعد العملية بعشرين يوم اخاف ماقدر احضر ولا حفله
الدكتور يقولي عادي بس الارنبه بتكون شوي مرفوعه ووارمه
والمكياج متى اقدر احطه
يعني مكياج اعراس وحفلات

وبعدين الدكتور ماقالي انتي شلون تبين يكون شكلج
قال انا بسوي شي يناسبج وانا ضد العمليات اللي تبين انها تجميلية


يقولي هالعملية تعتبر تحدي وبإذن الله بتنجح

بخصوص اني قريت الجلد السميك او المتين
انا جلدة خشمي رقيقه وايد
يعني تهقون تنفع للعملية
وماراح تورم لفترة طويلة!!


والله حدي خايفه

 

[دلع_البحرين]

صبا نطري عقب العرس سويه انا الحين لي جم يوم احس حتى بين عيوني مسافه ومتورم السالفه يبي لها صبر شهرين او اكثر وماضن بالميك اب بيختفي التورم انا عمليتي بعد ماغيرتني بس خلاه حلو تدرين الكل يقول لي بدايه مرتب بعد جم شهر بيصير ايهبل بس قولي لنا شسم الدكتور وبكم بيسويها لج حبيبتي والله يوفقج يارب

 

[ام حمدون]

صبا هلا فيك صبري بعد الاعراس لانى عشرين يوم ماتكفي علما تتقبلين شكلش بعد
وتحملي كل شي بصيرلش وتوقعي كل شي عشان نفسيتك ماتتعب ومبروك مقدما وان شالله كل شي يطلع اوكيه
وانا خشمي من النوع السميك والدهني بس ماصار فيني اعراض البنات الي قالوها والتخويف والتوعيد والترهيب ههه
يعني لانفخ ولا شي كلها اسبوع وخلاص والحمد لله

 

[*صَبا*]

بالنسبه للتأجيل مااقدر لان هالوقت بالغصب حصلته ولا بنتظر لنهاية 2012
دكتوري اسمه سعيد كلداري
العملية تكلفتها 24 الف ريال

هو عنده تقنية حديثة لتجميل الأنف
وقالي ماراح يكون فيه انتفاخ للوجه ولا كدمات بس الارنبه بتكون مرفوعه شوي وهاي طبيعي وبتبدأ مع الوقت تنزل


انا ماشفت شغله
بس بحكم انه احسن استشاري تجميل عندنا في مستشفى رميله
و له عمليات ناجحه في زراعة الاذن و تجميل الانف حسب ماسمعت
وكل ماسألت حد قالي انه اوكي
استخرت وتوكلت على الله

هو الدكتور وايد واثق من شغله
ويقولي مهما صار بيكون احلى من شكلج الحين :$
الله يستر بس

 

[ام حمدون]

بالتوفيق صبااااااااااااااااا توكلي على الله وسويها وبشرينا وكلنا ندعيلك والله يوفقك

 

[*صَبا*]

ام حمدون
آآمين

على فكره احنا عندنا العمليات بلاش بالنسبه للقطريات في مستشفيات الحكومية
لكن انا حطيت لكم لوكانت فالخاص كم تكلف

الله يستر باقي شهر عالعملية والحين بدت فوبيا العملية
فالبداية كنت وايد فرحانه بس الحين كل مايقرب الوقت اقول لا مابي اسويها
بس اشوف نفسي بالمرايا اتحطم واقول لا ان شاء الله مهما صار بيكون الوضع احسن منن الحين

من العام وانا اصلي استخاره والحمدلله الله يسر لي كل شي حتى المواعيد بس بعد خايفه مادري هالشي طبيعي ولا

بس اللي مشجعني إن الدكتور يقول بعد اربعة أسابيع تكونين طبيعيه
يعني كل شي يكون على طبيعته

الله يستر

 

[ام حمدون]

الحمد لله صبا وان شالله تطمني وتمام بلاش اجل احنا يقصون قص بالاسعار
وبالتوفيق

 

[دلع_البحرين]

بالتوفيق صبا وانشاء الله مايورم ويهج لان اكره شي التورم انا كنت حتى عيوني ماقدر افتحهم وخبرينا اول بأول فديتج

 

[بنت الشمال الغربية]

انا سعودية

وبروح للكويت عند منذر العجمي شرايكم به انا بالسعودية وكيف تكاليف العملية بالله طمنوني مليت من شكل خشمي طويل وارنبتي نازلة ومعوج

برايكم كم تكلف هالعملية

بليز وكيف تعاملوهم وربي يمدحون لي منذر مدح واجد

 

[ام حمدون]

هلا فيك بنت الشمال الغربيه والله في بنات مسوين عنده ويمدحونه وناس ماتمدحه تذمه لو قريتي في الموضوع بتلاقي الردود
بس الاكثريه يقول مايغير كثير بالانف ووالارنبه مايسوي فيها شي او مايرفعه انتي قري وتاكدي بالتوفيق ان شالله وعقبال خشم حلو وسلة سيف وخبرينا بكل جديد

 

[ام حمدون]

دايموندا طولي بالج

أنا ماتبعت قصتج من البداية و لا حتى أنتبهت أخر رد لج كان بأي تاريخ بس حبيبتي وايد عورتي قلبي
الحمد لله إذا ما تغير أنه ما أخترب جان صار الوضع أصعب و أدري شكثر يحر أنج عانيتي على ما يمعتي المبلغ
بس أنشالله يكون بعدة وارم ومع الوقت يخف ويصغر نفس ما أنتي تبين ماعندج حل الحين إلا النطرة
أنا عمليتي سويتها عند منذر و كتبت رد بموضوع الأخت كتكوتة أهلها هذا نصة : -

(( على كثر المديح يلي مدحوة البنات للدكتور منذر أنا ما شفت شي من هذا كلة
كل مرة أروحلة يكون مستعيل و يبي يطلع و أهما حاطيلي الموعد أصلا ، ما يعطني مجال أسال أي شي و إذا سألت يرد رد مختصر لحد يوم العملية و أنا ما أعرف شنو بسويلي و إلي يقولون باله طويل و يجاوب على الأسئلة أنا كلش ما حسيت بهالشي

حتى يوم العملية ياني متأخر و لما رحت أشيل الغرز شال نصهم ونسى النص الباجي و لما رديت البيت صج بغيت أبجي بس مسكت نفسي غضب و قلت يا بنية تروحين مرة ثانية و يشيلهم بس إلى صج ما أسامحه عليه أبد أبد أبد

عندي لحمية شكبرها ما شالها يعني أنت فاتح الجرح فاتحة شيل اللحمية من طريجك حتى من صوت الشخير أمي تي من الغرفة الثانية تصحيني علشان أعدل نومتي و هم ماكو فايدة مشكلة اللحمية تفاقمت أكثر بعد العملية خلتني حتى ما أستانس بنتيجة و لا أركز على شكل خشمي كثر ما أنا متضايقة

نفسي مرة أحسة مركز معاي ، أنا كل معلوماتي خذيتها من بنات المنتدى يحليلــــــــــــــــــــــــهم شلون أستخدم البخاخ و الجل و كله

ما أدري شقول هذا حظ و النصيب و أنشالله يكون نصيب الكل أحسن مني يارب

توقعتك غير دكتور منذر بس أسلوبك وايد تعبني نفسياً و خاب ظني فيك ))

لكن الأخت كتكوتة أهلها يحليلها ما قصرت ردت علي وقالت أنه ما يسوي لحمية مع عملية التجميل أو الإنحراف لازم اللحمية تكون عملية بروحها أهوا قايل هالحجي فهالشي خفف عني شوي لآني حسيت أنه طنشني بس أشوا طلع الموضوع غير جذي ما أبي أظلمة الريال أنشالله خير أنا متفائلة بالحياة وهذه كتبة الله

 

[ام حمدون]

قوه بنات

صارلي فتره طويله ما دخلت عليكم

بس انا الحين قاعده اكتب لكم وانا ميته من البجي والله العظيم

بنات انا حدي مقهوووره

ومتحسفه قد شعر راااااااسي والله والله

انا قلتها لكم من قبل وللحين اقولكم ان النتيجه مو عاجبتني كلللللللللللش و (اي شي )

باجي لي 4 ايام واكمل 3 شهور من العمليه وللحين خشمي التغيير فيه 20 % بسسسسسسسسس !!!!!!!!!!!!!!!!!!

العظم للحين عريض
عظم اليمين غير عن اليسار

والارنبه ما تغيرت وايد شويه بس .. وللحين مدوره شوي

والعظم اللي بالنص مو سيده نفس قبل بالضبببببببببببط

وكله على بعضه ما تغير وايد بس انلم شويه

وحتى اهلي والكل يقولي ما تغير وايد يادوووووووووووووووب ..واصلا ناس وايد ما لاحظوا اني مسويه عمليه للحين ويسألوني ليش من قبل ماكان خشمج جذي اصلا !!!!
تخيلوا الاحباط!!!!!!!!!!

انا ندمانه قد شعر راسي ومتحسفه اني سويتها عند د.منذر ورب الكعبه

ياريتني رايحه ايران ومسويتها

بتقولولي توج وما كملتي 6 شهور!! ادري
بس عالاقل اشوف نتيجه ترضيني شوي
وبنات وايد صارلهم 3 شهور واقل بس خشومهم اتينن ماشالله

مو جذي!!! والله حرام والللله

جني قاطه فلوسي بالشارع
والتعب اللي تعبته بالعمليه وبعدها راح عالفاااااااااااااااااااااااااضي!!!!!!!!!!

وكل ما نسأل عنه قالوا حبوب وباله طويل وخلاقه ممتازه و.. انا شكو!! انا بناسبه يعني!! انا علي بشغله مو باخلاقه

انا وحده من الناس سويتها عنده بس والله لو اوريكم صورة خشمي بتقولون جذابه انتي مو مسويه تجميل اصلا

وانا مفكره اسويها مره ثانيه بس هالمره بروح ايران.. كنت مفكره من قبل اروح بس انا الغبيه ما رحت من الاول وغرني كلام البنات وصدقتهم للاسف!!

ومشكلتي ان فلوس العمليه اللي طافت يمعتها بالغصب واللللللله
لاني ادرس ما اشتغل وجامعتي بفلوس وتخيلوا المعانااااااة على ما يمعت فتره طويييييييييييييييييييله. وقصرت على عمري باشيا وايد عشان ايمع حق العمليه لان اهلي ما عطوني ماكانوا راضين..
بالاخير قطيتهم بالهوى ااااااااااااااه يالقهر
والحين مادري اشلون برد ايمع مره ثانيه عشان اسويها بايران
لا حول ولا قوة الا بالله اشلون انطر 3 شهور على ما اسوي العمليه مره ثانيه

البنات اللي سووها معاي وينكم اشصار عليكم؟؟؟؟ صارلكم مثلي؟؟؟؟

انا ما اقولكم ان خرب خشمي
بس بنفس الوقت ما غيره
يادوب شي بسيط
يعني اهوا نفسه خشمي ما تغير بس صار ملموم .... لا اكثر ولا اقل !!! مع اني وايد قلتله انا بغيره وايد ومو عاجبني كله وابي نتيجه تسوى اني سويت عمليه

وادري بتييني رسايل عالخاص بيسألوني
بس اي وحده تفكر تسوي تجميل بنات انا اقوكم لا تفكروووووون .. روحوا ايران سووها ابرك لكم واشرف لكم
واللي ما تقدر لا تلعب بنفسها خل تقعد احسن بدال لا تتعب وتقط فلوسها..

اذا تبون التغيير صج روحوا ايران

انا هذا رايي مالي شغل بأحد يمكن غيري مستانس من النتيجه كيفه.. بس انا لا كلش كلش لا ..ما تسوى علي اطالع نفسي بالمنظره وابجي

ومو قادره اكتب اكثر لان بموت من البجي