تجميل الأنف ابي دكتور في الكويت شاطر

[ابله نعومه]

السلام عليكم

شلونكم خواتي أبي نصيحتكم واتمنى ماتبخلون علي بالنصيحه


ابي اسوي عملية تجميل للانف وعندي أنحراف في الحاجز زمن عمري 18 قالو ان اسوي عمليه لان مسبب لي صداع قوي

عندي حدبه في الانف مع انحراف الحاجز يبين عوي شوي كنت خايفه اجازف واسويها بس قررت اسويها لان عملية تنفسي 80 بالاميه من الفم مو من الأنف فهالشي مسبب لي ازمه وقت النوم أبطل حلجي لووول



المهم ابي دكتور في الكويت فقط ماقدر اسويها برا الكويت ياريت نصحوني بافضل دكتور بالكويت غير دكتور الصبيح لان قالولي ان يسوي على مزاجه وانا حابه ان يكون صغيرون ومجكنم نفس الايرانيات يعني بقط فلوسي على شي يستاهل انطر رايكم حبايبي ضروري والله يوفق كل وحده بتساعدني واذا تعرفون دكاتره ايرانين ممكن ايون اسون العمليه في الكويت لان مثل ماقلت ماقدر اسافر

 

[$نرجس$]

اوكي اناا للحيين كل ما اكلمهم يقولوون دقي الاسبوع الجااي بس اناا لزقه وبااجر برجع ثاني مره ادق على كل المستشفياات الخااصه واكلمهم بخصووص دكتور بهزااد وحمييد واشووف شبيقولوون اناا حااسه رااح يجيبوون دكتور من كثر حنتي علييهم

 

[ابله نعومه]

اي والله جان زين ايبون دكاتره ايرانين لان بصراحه حيل شاطرين

توني جقيت على عيادة على صفر حطلتي موعد بتاريخ 4 /12 بس عشان اشوف الدكتور شدعوه عليهم مو لي هالدرجه

 

[$نرجس$]

لااان شاءالله يرضون يجيبونهم

 

[roseiw]

أهلين نرجس عمري حبيت أسالج عن الدكتور مصطفى طاهر بوزيد أهو بآلسعودية تكفين قوليلي شلونه أسوي تجميل عنده ولالا ؟ لووول سألتج لان حسيت ان عندج وآيد خبره عن الدكآتررة

 

[أم حووور81]

وحده بالمنتدى تمدح النومس بس مادري والله

 

[om-s3oodi]

والله يا أختي .. آنا عندي مشاكل بخشمي .. حست حست لييين رسيت على خالد الصبيح ..
حدّي خايفة والله .. مابي يغيّر خشمي ..

عاد حددوا لي موعد عملية 1/12
و آنا ليلحين ما رحت دفعت عشان أأكّد الموعد ..
خايفة

 

[STILL G L A M ~]

اب
اب
اب

 

[STILL G L A M ~]

مادري بس اسمع يمدحون ماجد تقي وماعمري شفت تجربه جدام عيني بس مدح حجي

 

[ام الغالين]

انصحج بالنومس شغله حلو ويستاهل روحي اخذي استشاره عنده وفري على كذا دكتور وشوفي الي يناسبج منهم بس اذا تبين تجربه وحقيقيه مو مدح حمود النومس في عيادة هيلث كير

 

[ام الغالين]

ماجد تقي شغله حلو بس يورم الوجه ويزرق لمدة شهر تقريبا مرت اخوي الثاني سوت عنده ويهاا وااارم ومزرق وتحت عينها ازرق قعد من شهر الي شهر واسبوعين تقريبا وكانت عذاب والله ولا ارتاحت من الاورام لانه اهو فقط تجميل مو تخصص جراحة الانف ويعرف شنو يسوي للانف المسكر والانسدادات مو بس تجميل من خارج وماله شغل من الداخل
اما اختي سوته عند النومس ولدها ومرت اخوي الاول والله بدون مبالغه مافي اورام ولا ازرقاق والله ولا شي وكانت اختي شخير مو طبيعي بعد وما تتنفس عدل الي من جهه وحده عالجه لهاا والحين صارلها تقريبا 10 شهور والحمدالله كل شي تمام

 

[ابله نعومه]

انا بعد سمعت ان ماجد تقي يورم الوي ومايسمعج شنو تبين. .الحلو بدكتور حمود ان عمليته من غير غرز نفس الدكاتره اليرانين. رحت موعدي حقه اليوم وارتحت وباجر بروح اصور م

 

[ام الغالين]

الحمدالله اهم شي ارتحتي وان شالله خير يارب ونبي تبجربتج عشان الكل يستفيد من البنات واهم شي الخشم اذا تجمل عدل الويه كلها يحلااا والله يكتب لج الخير يارب

 

[معصبه وايد]

رفع
رفع
رفع

 

[فيروزه كويتيه]

معصبه وايد ....انا كاتبه هالموضوع اذا بتشوفين تجربتي تلقينها باسمي الثاني

 

[معصبه وايد]

اوكي فيروزه فديتج ماقصرتي

 

[الانوار للسياحة]

عملية تجميل الأنف مع الإنحراف

عملية تجميل الأنف مع الإنحراف ​

الأنوار للخدمات السياحية ​

عيادة الدكتورساريخاني ​

الإسم الاشهر في شيراز​

برنامج vip​

افضل التقنيات العالمية ​

البرنامج يشمل على :​

• استخدام أفضل المعدات الطبية العالمية.
  
  ​
• رعاية مستمرة داخل وخارج المستشفى.
  
  ​
• تذكرة سفر.
  
  ​
• الإقامة لمدة 8 أيام بغرفة مزدوجة بفندق 5 نجوم.
  
  ​
• مترجم ذو خبرة مرافق لجميع المراجعات.
  
  ​
• سيارة + سائق خاص طوال الفترة وبشكل يومي(استقبال مطار – مراجعات – رحلات – مطاعم – برامج - توديع)

• خط تلفون مجاني فور الوصول.​

الوكيل بالكويت

الأنوار للخدمات السياحية​

للحجز والاستفسار​

99902285 –96988003 – 22240565 – 97628866 ​

شرق – شارع خالدبن الوليد – برج المدينة – الدور الأرضي​