تجميل الاسنان + الليزر للتبيض

[غصون]

السلام عليكم بنات

شلونكم شخباركم شعلومكم بالحوسة والعيد يوم السبت الاسبوع الياي

وعيدكم مبارك مقدما


بنات تعرفون برنامج اللي يطلع على ال بي سي او المستقبل بيوتي كلينك ؟ شفتوهم شلون يسون تجميل الاسنان خلال ساعه وحدة وبس وتصير الاسنان عجيبة

منو تعرف فيكم في الكويت اي صوب ؟ ابيها مرة وحدة بدون مراجعات مثل التلفزيون ...... بس اهم شي تكونون انتو مجربينه


ثاني شي


من جربت التفتيح بالليزر ؟

وجم جلسه ؟

انا بعد شفت التفتيح باليزر في برنامج بيوتي كلينك

فحابه اسئل اي احسن مكان للتفتيح باليزر بالكويت وجم اسعاره

وهل اهوة مرة وحدة والا جلسات ؟

 

[* مـذهـلـه *]

ينقل للقسم المختص​

 

[حاااايره]

أقووووووووووووووووووووووووووول
إن عرفتي قوليلي..
خالتي تبي تسوي تبييض الأسنان عرسها بعد شهرين...
ف ياليت اللي تعرف تفيدنا..

 

[غصون]

وي انا ابي من يقولي

 

[lolwah]

جلسة وحدة ليزر بالفوزان اللي بالمهلب 180 دينار ويصيرون بييييض

 

[ساره ستايل]

لولو انتي امجرتهم ؟؟ ولا سامعه عنهم ؟؟

انا دقيت سألت عن هالتبييض اللي بالزوم عند مركز الزهير الطبي
جلسه وحده مدتها ساعه .. بسعر 130دك .. امسوين خصم على اسعارهم بمناسبة السنه اليديده.. بس ماعرف احد امسوي عندهم

بس باعلاناتهم بالجرايد يقولون ان امل العوضي ويعقوب عبدالله امبيضين ضروسهم هناك .. والله اعلم

حتى انا ابي ابيضهم .. بس ناطره العلوم الزينة عن الاماكن الموثوقه

 

[غصون]

ودي وما ودي اسوي تبيض

ناس تمدح وناس تذم التبيض

يقولون تسبب ترقق الاسنان

نبي تجارب حيه بنات من سوت تبيض وندمت <<<<<<<< حدها متشائمة

 

[غصون]

وبالنسبة لتجميل الاسنان

وديها اسويها لان بعض الاسنان عندي من نهايتها مثل شوية مكسرة بساويهم بخلي صفه وحدة

 

[مس كاليفورنيا]

والله يابناات انا ميته همن اسوي تبيض اسنان
ومرت اخوي سوت تبيض اسنان ب ميدان للأسنان ب200 دك

بس بعد فتره قرت مقاله مكتوب ان تبيض الاسنان يسبب ترقق او مثل يضعف الاسنان ذاتها

بس انا الاحظ كل الفنانين سوها ما اشوف فيهم شي

انتم اشرايكم ؟؟؟؟؟؟؟

ايه ماقلت لكم مرت اخوي اطلعو اسنانها مشاءالله بياض الثلج وروعه

 

[blue ocean]

خواتي يقولون مو زين يسبب المرض الشين ؟؟
احد سمع هالشي

ياريت احد يفيدنا لاني ناويه اسوي
وصج يضل فتره بس ويروح