تجميل الانف في الخبر والدمام

[التوأمتان]

هاااااااي بنات :eh_s(7):
هذا اول موضوع اكتبه وياااارب :yaaaaaarb:الاقي احد يجاوبني
وسبق وقريت كم تجربه هنا مسوين عمليات تجميل للانف عند الدكتور علاء النجار في مستشفى مغربي

وياااليت تجاوبوني كيف الدكتور وكيف الحين نتايجكم وتذكرولي كل شي عنه زين وشين
كل شي
كل شي
انا مشاكلي داخليه وخارجيه
وعندي انحراف ومشاكل في التنفس والشكل الخارجي
تتوقعون راح يقدر يعدل المشاكل الي عندي

بلييييييز بنات الخبر والدمام منتظره جوابكم وتجاربكم عنده

 

[Misskitty]

ماعندي خبر

واول مره اسمع عنه

الله يشفيج و يجملج بعين الي نحبينهم

 

[التوأمتان]

مشكوره على الدعوه الحلوه
ومنتظره البقيه

 

[جواهر 1]

ما عندي خبره لا تضيعين عمرج روحي ايران
واذا تبن عنوان دكاتره مليانه بالمنتدا

 

[Diana *]

شفت بنتين مسوين عنده وحده منهم مبين حلو بس مو إبداع ... يمشي الحال!
بس هي كان خشمها مو كبير مره قبل العمليه :eh_s(10): ولما شفتها كان صار لها سنه من سوت العمليه


الثانيه خشمها قبل العمليه كان كبير مره..... ألحين صار كبير شوي
لما شفتها كانت من شهرين مسويه العمليه :eh_s(7):

رأيي ان الدكتور مايصغر حجم الخشم بس يصلح العيوب (و شوي) يغير الشكل
بس الي حسيته ان الثنتين قصة خشومهم تشبه بعض مادري كيف أوصف بس من فوق ضيق و كل ماجاه يكبر (نفس شكل الدمعه) و على جنب يبين مرفوع شوي

لا بأس فيه مو سيء كأفضل خيار في الشرقيه ، بس إذا تقدري تسوينها في إيران أكيد أحسن الدكاتره هناك

أتمنى لك التوفيق ، ويارب يصير خشمك أحلى من الي تتمنينه :eh_s(7):​

 

[$نرجس$]

اذا تقدرين تروحيين ايران روحي

 

[التوأمتان]

هليييييين فيكم
وربي يوفقكم على ردودكم
لاكن انا مستثقله الروحه للرياض وهي تبعد عن الشرقيه اربع ساعات علشان اروح ايران :d

حبيبتي ديانا
مشكوررره من كل قلبي على الرد
طيب
يمكن هم لان مشاكلهم تتشابه وهي عرض في الانف
انا مشكلتي انفي نحيييف وطويييييل وفيه عضمه بارزه وابيه يحك العضم ويااادوب ينحف شوي من الجوانب
ويرفع الارنبه وبصراحه مابي شغل اوفر ابي شي طبيعي
ومثل ماهو مكتوب في نكي التومتان انا توأم ومابي شكلي يختلف كثييير عن اختي لان انا وهي نتشابه مرررره

والي نصحني فيه دكتور في مستشفى حكومي يقول انه ممتاز واحسن واحد في الشرقيه

ومحتاره كثير بينه وبين الدكتور ايمن الشيخ في الرياض حتى هو يمدحوه كثير

 

[Diana *]

هم فعلا ثنتينهم خشومهم عريضه

أيمن الشيخ ماأعرف عنه بس علاء النجار شفت هالبنتين ، مثل ماقلت لك شغله مرتب بس مو للي تبي تغيير كامل في شكل أنفها

الله يقومك بالسلامه و يرزقك الي تتمنينه ​

 

[M!SS.LOBY]

أأأأأأأأأأب

 

[التوأمتان]

ديانا
خوفتيني كيف من الجنب شكله مرفوع
لان انا مابي كذا
اخاف يكون مثل انف اصاله
كيف شكل الفتحات من قدام باينه للي يوقف قدامهم
لان اذا كان مرفوع تبان الفتحات



ومتى اقدر ارسل رسايل خاصه

 

[Hope!]

سمعيني حبيبتي زين

اول شي عمليات التجميل عندنا مثل المجزرا انتي و حظك يا تصيب يا تخيب

انا صار لي حادث قبل سنتين وشوي و شوه خشمي بعد ما كان سلة سيف صار :eh_s(2):

و من سنتين لي كم شهر و انا ادور بالدكاتره من دكتور لدكتوره وحافظتهم كلهم اسم اسم و كل مكان دورت

و البنات اللي قالو ايران صحيح ايران شاطرين بس مستشفياتهم زباله ما تظمني صراحه ما يجيك فيروس ولا التهاب من وصاختها و صراحه يخوف ما يشجع الواحد حتى انه يتبنج عندهم

المهم انا كنت ناويه اسويها عند دكتور جمال جمعه بالرياض بعيادات فنون الطب هو يجي عندنا بالشرقيه بس كل كم شهر

و الحمدلله خير من الله ما سويتها وووووربي حجزت موعد ورحت الرياض انا وخواتي و ولد اخوي
سبحان الله كلنا ما ارتحنا له ابببببد وكان يبي يسويها لي ب 21 الف

المهم ورجعت ابكي بكي من القهر ونفسيتي تأزمت تخيلي سنتين مشوهه ادور من دكتور لدكتور كرهت عمري

المهم وتميت ادور ادور ادور وكان اخر قرار لي اشويها عند نادر صعب طبعاً اشهر من نار على علم

لو امددددحه لك من اليوم لبكره ما بوفيه حقه يكفي انه بعد رب العالين اللي رجع لي حياتي طبيعيه

كان قرار صعب لاني ادرس برا و على ما اوفق وقت مناسب للحجوزات و انا سويتها تقريباً شهر ذو القعده اللي راح وكان الوضع فبيروت مو اوك بس توكلت على الله ورحت انا و امي و اختي

الوضع طبيعي بس الاخبار يتفلسفوووون و الدكتوووور ااااه بس ااااه على قد ما خفت انه يطلع مغرررور على قد ما ريحني

صراحه قمه فالذوق وكل اللي بالمستشفى مثله لان المستشفى اساساً حقه

و كأنه فندق و مستشفى ،،، وخشمي رجع احسن من اول والدكتووور رهيب وسواها لي ليز

مو جراحه و سعره ارخص من النصاب اللي كنت بسويها عندها بالسعوديه جمال جمعه

سواها لي ب 20 الف و ليزر مو جراحه طبعاً هذي تقنيه جديده للحين ماوصلت الدول العربيه بس فاوروبا و امريكا و هو اول دكتور عربي جابها

و بسسسس انا اي سؤال حاضره

 

[Diana *]

مرفوع بس مو كثير لدرجة ان الفتحات تبين ، لا رفعه خفيفه :eh_s(7):​

Hope! ​

​

حبيبتي شفت موضوعك و هالرد اثنينهم كاتبه فيهم مستشفيات ايران وصخه ! اش دراك؟ رحتي شفتيهم ؟​

مستشفياتهم قديمه لاكن مو وصخه! و معروف إنهم أشطر دكاترة التجميل خصوصا الأنف :eh_s(15):
لبنان بس نسمع الدكتور الفلاني شاطر بس ماعمرنا شفنا صور :eh_s(10):
لا أحد سوى عمليه حط صوره و لا دكتور منهم حاط صور قبل و بعد مثل دكاترة إيران ​

 

[التوأمتان]

HOPe
ياااااااليت اروح واسويها في لبنان
سياحه وتجميل في نفس الوقت
انا رحت لايمن الشيخ في الرياض وكلامه اقنعني وشفت شغله على كثيربنات روعه ولاكن المبلغ كبييير مره
في احد منكم جرب او شاف بنات مسويات عند ايمن الشيخ وانا مارحتله الي بعد بحث يمكن سنه كامله على جميع دكاتره التجميل في الرياض وهو اقل واحد فيهم عليه سب

وحابه اقلك
وبصراحه ومن تجربه انا سويت تجميل في المجمع الطبي شد وشفط ومع انه حكومي عسكري والعمليه ببلاش
ونتيجتي ممتازه ورعايه ونظافه واقدر ارجع لدكتوري واعمل انفي وببلاش كمان لاكن متخوفه لان الجسم غير الانف وماشفت احد مسوي عنده
ومياله اكثر لايمن الشيخ ومن بعده علاء النجار

 

[التوأمتان]

ديانا
شكرا على الورده والرد
:eh_s(7)::eh_s(7)::eh_s(7)::eh_s(7)::eh_s(7):

 

[Hope!]

مرفوع بس مو كثير لدرجة ان الفتحات تبين ، لا رفعه خفيفه :eh_s(7):​

hope! ​

​

حبيبتي شفت موضوعك و هالرد اثنينهم كاتبه فيهم مستشفيات ايران وصخه ! اش دراك؟ رحتي شفتيهم ؟​

مستشفياتهم قديمه لاكن مو وصخه! و معروف إنهم أشطر دكاترة التجميل خصوصا الأنف :eh_s(15):
لبنان بس نسمع الدكتور الفلاني شاطر بس ماعمرنا شفنا صور :eh_s(10):
لا أحد سوى عمليه حط صوره و لا دكتور منهم حاط صور قبل و بعد مثل دكاترة إيران ​

حبيبتي انا ما قلت ان دكاترتهم مو كويسين ولا ذميتهم بس انا كنت اقصد المستشفى

و اي شفتهم ما بتكلم و احط بذمتي و انا مو شايفه شفت مواضيع لبنات مسوين بايران وحاطين صور للمستشفى

و بصراحه انا بسوي عمليه مو ناقصه اطلع بفيروسات و امواض وبلاوي لان النظافه عندي بالدرجه الاولى كيف ارتاح فالمستشفى وهو حالته حاله

وبخصوص لبنان اكيد ما بتشوفي ناس واجد لان مقارنه بايران واجد اغلى

و الحمدلله انا مو تجميل وبس انا تصليح تشوهات مو اي دكتور يقدر يزبطه و الحمدلله زبط الدكتور الشاطر بكل مكان بايران وغيرها و انا ما هنت دكاترتهم ولا قللت من قيمتهم بالعكس بس بصراحه مستشفياتهم وصخه

ولا فيها اسم النظافه و ادخلي بنفسك مواضيع لبنات وراح تشوفي و انا مانتظرت سنتين الا لاني دورت مكان مكان الواحد صحيح يبي دكتور شاطر بس هم نظافة المكن مهمه وتريح النفسيه

انا هذا رايي بمستشفياتهم لكن دكارتهم ابد ما احط فيهم شي بالعكس ذخلت مواقهم وشفت بنفسي وبخصوص دكاترت لبنان تقدري تساليهم ليش ما يحطو صور
بس ترا مو محتاجين يحطون الفنانات يكفي مسوين لهم اعلان و انا ما رحت له وشايفه شغله روحتي كانت مجازفه وهذا الكلام كتبته بموضوعي و انا ماعممت ان كلهم عدلين انا تكلمت بس عن الدكتور اللي رحت له و اكيد مو بس اهو الشاطر في الف غيره بس الصراحه النظافه مهمه وين ما كانت

وتقدري تدخلي اليو تيوب وتشوفي شغل نادر صعب

 

[التوأمتان]

Hope

انا صار لي حادث قبل سنتين وشوي و شوه خشمي بعد ما كان سلة سيف صار :eh_s(2):
توني انتبه للجمله هذي
يعني انتي سويتي عمليه عند علاء النجار وشوه انفك وكيف شوهه معليش اشرحيلي
تعرفين هذي عمليه

 

[Hope!]

hope

انا صار لي حادث قبل سنتين وشوي و شوه خشمي بعد ما كان سلة سيف صار :eh_s(2):
توني انتبه للجمله هذي
يعني انتي سويتي عمليه عند علاء النجار وشوه انفك وكيف شوهه معليش اشرحيلي
تعرفين هذي عمليه

لا حبيبتي ما سويت عنده

انا سويت بالبنان عند نادر صعب و الحمدلله نجحت العمليه لان انا كان خشمي مشوه مو طبيعي

كسور واجد فيها وكل جهه شكل يعني اليمين منفوخ و اليسار على داخل وبالوسط كسور

وارحت لدكتوره عطف فمستشفى الرعايه بالخبر و ابد ماتفهم ولا شي الصراحه

و رحت لجما جمعه خوفوني و حسيته نصاب و قبل موعد عمليتي قريت انه في وحده سوت عنده عمليه تكميم وماتت لان كان فيها ربو وهو مادري وش سوا لها

ولغيت السعوديه من قاموسي ورحت لبنان و الحمدلله انا باحسن حال

 

[no_lies]

انا بالشرقيه و عندي انحراف و نفس الشئ محتارة ودي اعدل الانحراف و بالمرة اصغر الارنبه
سمعتي عن دكتور محمد اباظه في مستوصف الجزيره يسوي العمليه في مستشفى اسطون

 

[التوأمتان]

اهلين فيك
لاحبيبتي ماسبق وسمعت عنه ابد
اكثر شي بالشرقيه الي معروفين
عبد الله السلمان
ومصطفى ابو زيد
وجميل خطاب وهذولاء في الاحساء
وفي الخبر والدمام علاء النجار وجمال جمعه
وكمان طاشكندي في سعد

 

[يـاكـرهـي $:]

زين ممكن توضحين لنا الليزر شلون